Isaiah 38:18 - Nan Hapit Apu Dios

¹⁸ Te onha nateya' ot undan bo mabalin an dayawon da'a te hanadan nate ya adida e al'alyon di anabaktum ya amaphodmu. Ya atbohdin adi mabalin an mundinol hinan adi maluman an pangipapto'mu.

Isaiah 38:18 ပူးပေါင်းရင်းမြစ်များ

Psalm 28:1

He''a Apu Dios di mangibaliw i ha''on ot hom'ona' bahan te adiya"e boddangan ya lo'tat ya umata' hinadan udum an dee mon wadadah lubu'an.

Psalm 30:9

Te undan mateya"e ya nganney magun'udmu. Ya undan mabalin ta dayawon da'ah nadan nate onu eda ipa'pa'innila nan munnananong an pangipapto'muh tatagu.

Psalm 6:5

Te onha mateya' ot undan wa mo ha alyon hi dayawon da'a onu nomnomon da'a.

Psalm 6:6

Umman tayya kimmapuya' te nunhigla tun holholtapo'. Ta ahodohodom ya pamaag tayya on mamahnong tudan pungan ya uloh hi luwa'.

Proberbs 14:32

Nan tagun adi maphod di at'atona ya hidiyen at'attonay manadag i hiya. Mu nan nipto' di pangatnan tagu ya ta'on on alinah mate ya waday dinolnah nan pangipapto' Apu Dios i hiya.

Ecclesiastes 9:10

Ya an amin nan tamuwan ta'u ya aton ta'uy abalinan ta'un mangat te nate ta'u'e ya ma"id mo ha alyon hi muntamu ta'u ya munnomnom ta'uh aton ta'u. Ya ma"id mo ha iyatan nan la'ing ya nomnom ta'u.

Bilang 16:33

Ta mataguda ot milubu'da an ta'on on nadan gina'uda ot ahi mohpe mun'umut nan luta ot mama"idda.

Matthew 25:46

Ya innayun Jesus an alyon di, Ta dida moy madusah munnananong. Ya nadan tatagun Apu Dios ya diday mi'taguh munnananong.

Matthew 8:12

Mu da'yun ibba' an Judyu ya unhaot da'yuy middum hinan pun'ap'apuwan Apu Dios mu bokon te da'yuy mi'yeh nan munhihillong an awadan di ahikokoga ya ahingangaliyot.