Isaiah 38:17 - Nan Hapit Apu Dios

¹⁷ Te immannung an numbalinom nan nunholholtapa' hi pummaphoda'. Te gapuh pamhodmun ha''on ya inihwanga' hi ate ya pinakawanmun namin di numbahula'.

Isaiah 38:17 ပူးပေါင်းရင်းမြစ်များ

Job 29:18

Ta hiya nan hay punnomnom'u ya ma'amammaa' ya ahiya' mate. Ta malinggop di ataya' ya wadada nadan pamilya'.

Job 33:24

ya waot nin an alyon Apu Dios hinan anghel di, Tigom ta adi mateh naen mundogoh te waday manapung hi bahulna.

Psalm 10:2

Hanadan adi maphod di pangatda ya munlattuwagda an mamalpaligat hinadan nun'awotwot. Daan mot atom i dida nadan ninomnomdan aton hi ibbadan tagu?

Psalm 103:12

Ta athidiy inatnan namakawan hi bahul ta'u an paddungnay inalana nadan bahul ta'u ot itopalnah nidawwi an umat hi nundawwiyan di nangappit hi tuluwan di algo hi nangappit hi alimuhan di algo.

Psalm 103:3

Te pakawanona' hinadan bahul'u ya hiyay mangipaphod i ha"on hi'ona' mundogoh.

Psalm 103:4

Ya hiyay mangihwang i ha"on hi ate ya munnananong nan homo'na ya pamhodnan ha"on.

Psalm 30:3

Ta ta'on on aya' ni' mate ya impaphoda' i he"a. Ot onha aggeya' impaphod ot wan wahdiya' moh lubu'an.

Psalm 40:2

Te paddungnay wadaa' i ha pitoppito' an adallom an bitu ot guyudona' i hiya. Ot eya' pata'dogon i han nahamad an batun umohnongan ta teen malinggopa' mohpe.

Psalm 55:23

Mu hanada'en pumapate ya kumukuluk ya adida ma'amamma on mun'a'ateda. Mu ha"on'e ya ongal di dinol'un Apu Dios.

Psalm 85:2

Ya pinakawan da'min tatagum hinadan numbahulanmi

Psalm 86:13

Te he''a ya ongal di pamhodmun ha''on te inihwanga' hinan e''ot atayan.

Isaiah 38:15

Te undan nganne damdamay e' ibaga an hiyah tuwey inalim hi ma'at i ha"on. Ot mahapul an mumpada"ula' an ta'on on athitun munholholtapa'.

Isaiah 43:25

Mu ta'on hi athidi ya linglingo' di numbahulanyu an adi' mo nomnomnomon te athidi tuwaliy a'at'u.

Jeremiah 31:34

Ot adi mo mahapul an waday muntuddun da'yuh a'at'u ta wan un'unudona' an Dios. Te an namin ayun tatagu an ta'on on nadan nawotwot onu nadan waday abalinanda ya innilaona' i dida. Te pakawano' moy bahulyu ta adi' mo uggan nomnomon.

Jonah 2:6

Ta alyo"ot on munnanonga' mohdih nan pu''un di billid an dallom nan baybay mu tinaguwa' i he"a Apu Dios an dayawo'.

Jonah 2:7

Ya hidin amta' an ay maguyud di yahyah'u ya ni'happitana' i he''a ya dingngola' hinan awadam.