Isaiah 38:14 - Nan Hapit Apu Dios

¹⁴ Ta lo'tat ya adi mo tumuluy hapit'u ta hanan palak'u ya umat hi gohom di palluma. Ya na"able mahan moy mata' an mangitatangad i Apu Dios. Ta alyo' hinan dasal'uy, Boddangana' bahan Apu Dios te nunhigla tayya tun holholtapo'.

Isaiah 38:14 ပူးပေါင်းရင်းမြစ်များ

Job 17:3

Ot mundasal boh Job an alyonay, Apu Dios, hanat he"ay ukod an mangita'dog i ha"on ta iyuhuhmun ma"id ha bahul'u. Te ma''id ha udum hi innila' hi mangita'dog i ha"on.

Job 30:29

Ta hay koga' ya umat hi kogan di jakal onu nan akup.

Psalm 119:82

Mu nableya' mo tayya an mamannod hi em pangipa'annungan hinan hapitmu. Ta hiya nan alyo' di, Hi anuud nin di pamoddangam i ha"on.

Psalm 143:7

Ot agam bahan Apu Dios ta tobalom di dasal'u te tuwe mahan mo tayyan ma"id ha namnama'. Ot adiya' bahan iwalong te iwalonga"e ya ma"id ha bahhonan mateya'.

Psalm 55:2

ta boddangana' te agge' innila tayyay ato' ta on ma'ab'abuliduwa'.

Psalm 69:3

Ya nabaod mahan mo tayyay hapit'u ya namaganan di bagang'un humapihapit. Ya mahakit mahan mo tayyay mata' an lumuwaluwa an mamannod hi em pamoddangan i ha"on.

Isaiah 59:11

Ta namaag mo tayya ya han takut ya inomnoman di wadan dita'u. Ta hihimlon ta'uy pangihwangan Apu Dios i dita'u i datuwen punligligatan ta'u mu madne on adi ma'at.

Lamentation 4:17

Ta lo'tat ya immengle ami mo an mamannod hi bumoddang. Te an namin nadan boblen namnamaonmin bumoddang ya ma"id ha abalinandan mangihwang i da'mi.

Ezekiel 7:16

Ya hanada'en mabati an bumtik hinadan billid ya ayda palluman madugyun hinadan nundotal ta eda manama' hi ipa"ayanda. Ta muntutuyuda mohpeh nadan numbahulanda.

Nahum 2:7

Mu nibaga tuwali an mibalud ayu an i Ninibeh hi udum an boble. Ta nadan himbut an binabai ya humanibhibokda an ayda balug on pungkulpigday palagpagda an gapuh na'abakanyu.

Nahum 2:8

Ta mamtik ayu ta ay ayu niguwang ha liting. Ta ta'on on waday muntukuk an alyonday, Mumbangngad ayu! Ya agayuot hi eye.

Hebrew 7:22

Ot at'ehdin adi mapogpog di pumpadiyan Jesu Kristu ya hidiyey panginnilaan ta'u an udu'dul nan inalin Apu Dios an hi Jesus di pundinolan ta'u mu hay e ta'u pundinolan hinan tugun Moses.