Isaiah 38:12 - Nan Hapit Apu Dios

¹² Ta abigabigat on ninonomnom'uy e pamogpogan Apu Dios hi nitaguwa' an umat hi e apalu'ahan di allung di mumpastol hi kalnero. Ta umata' boh nan nibayat an ma'abol an agge nagibbuh yaden putulon nan mun'abol.

Isaiah 38:12 ပူးပေါင်းရင်းမြစ်များ

Job 14:2

an umat hinan habhabung an manu te tumagu ya himmabung mu adi madne ya nakling. Ya umat boh nan a"o an agaggaon nama''id.

Job 17:1

Ma"id mahan mo tee ha bikah'u te adi madne ya mapogpog di nitaguwa'.

Job 4:20

Ta athidiy ma'at hi tagu an mabalin an mataguh nan nawi"it mu aggena innilan mate i diyen mahdom.

Job 6:9

Ya udu'dulnay patayona' ot attog i hiya.

Psalm 102:11

Ta umata' hinan a''o an ma'umah hi'on munlimmuhan nan algo. Ya umata' nimpe hinan mun'akling an holo'.

Psalm 119:23

Ya ta'on on nunhahapit nadan ap'apu ta dadagona' mu hiyah diyen adi' iwalong an mangada'adal hinadan tugunmu.

Psalm 31:22

Ya wada han gapuh takut'u ya alyo' on inwalonga' i hiya. Mu munhanaa' te hidin numpahmo'a' ya binoddangana' i hiya.

Psalm 73:14

Te tanganu on adi umaan di punholholtapa' hi abigabigat.

Psalm 90:5

Ya adi madney panadagam hi tagu an umat i ha nun'inop ot inayunan mate. Ta umat amih nan holo'

Isaiah 1:8

Ta ammunah ad Jerusalem an ahi mabati an paddungnay allung hinan gawwan di puntanoman. Mu li"ubonda damdama.

Isaiah 13:20

Ta mumbalin nimpeh agge naboblayan hi inggana. Ta ta'on on nadan i Arabia an e umaninnabat ya adida mungkampuhdi. Ya athidi boh nadan mumpumpapto' hi kalnero an adida iyehdiy kalneroda.

2 Kulintu 5:1

Innila ta'u an madadag'e mo tun adol ta'u an hidiye nan ay allung tun nitaguwan ta'uh tun luta ya hukkatan Apu Dios hinan adi madadag an punhituwan ta'uh ad abunyan hi inggana.

2 Kulintu 5:4

Ta hiya nan aptuwan ta'u nimpey ena a'atan hi ad uwanin maligatan ta'uh tun luta. Mu hanat bokon hay atayan ta'uy aptuwan ta'u ta hanan ahukkatan di adol ta'uh nan nahamad an adol di gamgaman ta'u.

Hebrew 1:12

Ta aymu hagamhamon dida ta hukkatam didah balu. Mu he''a ya munnananong'a an adi maluman di a'atmu ya ma''id ha apogpogam.

James 4:14

Dita'u ya agge ta'u innilay ma'at hi bigat hinan nitaguwan ta'u. Te hantun nitaguwan ta'u'e ya umat hinan bugut an wadan matigo mu indani ya na'ibagan nama''id.