Isaiah 33:3 - Nan Hapit Apu Dios

³ Mu nada'en binuhulmi ya wa'e ta dingngolday hapitmun ay kidul on bumtikda. Ot namama moh on tigonda nan ongal an abalinam ot logmonday butik ta mahihi"anda.

Isaiah 33:3 ပူးပေါင်းရင်းမြစ်များ

Psalm 46:6

Mu nadan tataguh abobboble ya niwagot'e nan bobleda on nunhiglay takutda ya dingngolda'e nan ay kidul an hapit Apu Dios ya pamaaggon ayda mateh takutda.

Psalm 59:11

Mu adim tatawwa pinghanon an patayon dida te alina ya linglingon nadan tatagu' hidiyen atom hinadan binuhulmu. Mu gapuh nan ongal an abalinam ya iwakatmu didah abobboble ta wan mama"id moy abalinanda.

Psalm 68:2

ta umatdah nan ahuk an pun'iyaddib di dibdib onu kandela an lanaton di apuy. Ot hanat athidiy ma'at hinadan tatagun adi maphod di pangatda.

Isaiah 21:15

te inibtikanda nan atatakut an ma'at hinan gubat te dakolday numpangdon hi ispada ya pana.

Isaiah 33:4

Ya nun'alamin namin nadan kinadangyanda ta umat hi aton di dudun hinan nun'itanom an ma"id ha batiyonda.

Jeremiah 25:30

Ot alyonay, Em ipa'innila datuwen ibaga' i he"a Jeremiah. Ta alyom di, Nan bungot Apu Dios ya nunhiglan atatakut an umat hinan mun'olmom an layon ya nan atatakut an kidul. Ta paddungnay pun'igatina nadan tataguh tun luta ta umat hi aton di mungkopal hi greyp.

Jeremiah 25:31

Ya donglon di atagutaguh tun luta nan ibagan Apu Dios an adina pohdon hi abobboble. Ta ipapatenah gubat nadan adi maphod di pangatda. Hiyah tuwey inalin Apu Dios.