Isaiah 33:2 - Nan Hapit Apu Dios

² Mu da'mi'e Apu Dios ya daan mo bahan ta hom'on da'mi te he"a ya abuh di namnamaonmi hi bumoddang i da'mi. Ta nanongnan pabikahon da'mi ya boddangan da'mi hinadan punligatanmi.

Isaiah 33:2 ပူးပေါင်းရင်းမြစ်များ

Psalm 123:2

Ta umata' hinan baal an mundinol hinan punhilhilbiyana. Ta athidin da'mi an he"ay dinlonmih mammo' i da'mi.

Psalm 143:8

He"ay pundinola' ot hanat hinan amawimawi"it ya ipanpanomnommu nan ongal an pamhodmu ya hanat itudduwana' hi nipto' hi ato'.

Psalm 25:3

Ta nadan mundinol i he"a di mangaba'abak ta adida mibabain. Ta hay mibabain ya hanadan mun'angongohen tatagu.

Psalm 27:1

Hi Apu Dios di paddungnay mamatal hi punnomnom'u ya hiyay mangih'ihwang i ha''on ta hiya nan ma"id ha itakut'u.

Psalm 33:22

Ot hanat munnananong nan pamhodmu i da'mi Apu Dios te he"a damdamay nanongnah pundinolanmi.

Psalm 37:39

Te hi Apu Dios ya ihwangna nadan mangmangngat hinadan pohdona ya ipapto'na dida hi'on waday dumatong hi punligatanda.

Psalm 46:1

Hi Apu Dios di nahamad hi ihi''ugan ya hiyay mangdat hi bikah ta'u. Ya nanongnan wadawadan bumoddang i dita'u hinadan punligatan ta'u.

Psalm 46:5

Te ta'on on miwagot tun luta ya adi madadag hidiyen boble te hi Apu Dios di nanongnah mumpapto' i diyen boble an ta'on on wadaday umalih binuhuldah nan mahdom.

Psalm 50:15

Ot wada'ey punligatanyu ya ihwang da'yu ta wan ha''on di dayawonyu.

Psalm 60:11

Daan mo bahan tatawwa ta boddangan da'mi an e mangubat hinadan binuhulmi? Te ta'on on boddangan da'mih tatagu ya innila' an ma"id damdama ha hilbina.

Psalm 62:1

Hi Apu Dios ya ammunay dinlo' hi mangihwang i ha''on.

Psalm 62:5

Mu hi Apu Dios damdamay pundinola' te hiya han bumoddang i ha"on.

Psalm 62:8

Ot da'yun i'iba ya maphod on hi Apu Dios di nanongnah pundinolan ta'u. Ta hiyay pangibagan ta'uh nadan inomnoman ta'u te hiyay nahamad hi ihi"ugan ta'u.

Psalm 90:15

Ya hanaot ta hanan dinukken di tawon hi nunholholtapanmi ya hidiye damdamay dinukken di pangipa'amlongam i da'mi.

Psalm 91:15

Ya wada'ey punligatana ya nundadaana' an mangat hinan dawatona. Ya ihwang'u nimpe ya winagaha' ta pumhod di nitaguwana ta hiyay tangadon di tatagu.

Hay Nakakan 14:27

Ot hidiyey aton Moses ta hidin mun'awi"it ya numbangngad nan liting hinan a'atna tuwali. Ta ta'on on impatnan nadan i Egypt an bumtik ya adi mabalin te hi Apu Dios di nangipalnong i didahdi ta nun'a'alnongda.

Isaiah 17:10

Ta unhaot manomnoman ta'u nimpe mu ma"id te onnot on lininglingyuh Apu Dios an mangipanapto' i dita'u an hiya nan mi'alig hi doplah an nahamad hi ihi"ugan ta'u. Ta ta'on hi muntanom ayu hinadan mun'aphod an mitanom an malpuh udum hi boble ya ma"id ha hilbina.

Isaiah 25:4

Te he"ay uggan pumpaboddangan nadan nun'awotwot an maligligatan. Ya he"ay paddungnay ugganda ihi"ugan hi'on waday puwo' ya hi'on nalot di potang. Te nunhiglay pangat di binuhulda an umat hinan aton di mabikah an puwo'

Isaiah 25:9

Ta ahi alyon nadan tatagu di, Immannung an hiya nan Dios an nangidinolan ta'u ta hiya nan inihwang dita'u. Ot maphod on mun'am'amlong ta'u hi nanaguwana i dita'u.

Isaiah 26:16

Hidin hinuplit da'mi i he"a Apu Dios ya nunhiglay napalpaligatanmi ot mundasal ami an mumpahpahmo' i he"a.

Isaiah 26:8

Ot un'unudonmi nan tugunmu te pohdonmi ahan an he"a Apu Dios di mipabaktu.

Isaiah 37:3

Ta immalida ot ibagada i ha"on nan inalin Hesekiah an alyonay, Ad uwani ya algon di umukayungan ya ibabainan ya adusaan. Te umat ta'u tayya i ha babain nadatngan di pun'ayyamana mu ma"id attog ha bikahnan mangipabudduh nan golang.

Isaiah 40:10

Ot tigonyu an hiya an na'abbaktu an Dios ya immali an ongal di abalinana an mun'ap'apu. Ya tigonyu bo an impanguluna nadan tataguna an inihwangna ta diday ayna lagbu.

Isaiah 51:5

Ot adi madne ya umaliya' ta ihwang da'yu. Te abako' nadan ap'apuh abobboble ta ta'on on nadan numpunhituh nadan nun'idawwin boble ya ha"on di hahaddondah mangihwang i dida.

Isaiah 59:16

Ya masda'aw hi Apu Dios te ma"id ahan ha ma'agagan hi e bumoddang hinadan mapalpaligat. Ta hiya nan hiya moy e nangihwang i dida an gapuh nan ongal an abalinana ta inabakna nadan binuhulda.

Isaiah 8:17

Te ad uwani ya paddungnay inwalong dita'un tinanud Israel i Apu Dios an gapuh nan adi ta'u pangun'unudan i hiya. Mu ha"on'e ya hiya damdama ya abuh di pundinola' hi bumoddang i dita'u.

Jeremiah 14:8

Te an namin di napatnaanmi an tinanud Israel ya he"a ya ammunay bimmanoddang i da'mi. Mu tanganu on ad uwani ya ay da'mi agge innila ta nipaddung'a i ha mangili an nun'iyan i ha ohay hilong ya abuh?

Lamentation 3:23

an paddungnay baluh abigabigat. Te an namin di ibagana ya adina ibahhon aton.

Hosea 14:2

Ta ibagayun hiya an alyonyuy, Pakawanon da'mi bahan hinadan numbahulanmi ta abuluton da'mi ta wan he"a moy dayawonmi.