Isaiah 27:10 - Nan Hapit Apu Dios

¹⁰ Te minganuy nadan binattuy aladnah tun numboblayan ta'u ta umatdah nan agge naboblayan. Ta umedahdiy baka on nun'a'anda nadan tubun nadan kakaykayyiw

Isaiah 27:10 ပူးပေါင်းရင်းမြစ်များ

Isaiah 17:2

Ta minganuy nadan bobleh ad Aroer. Ta hay baka ya kalnero di umehdi te ma"id mo ha taguhdi hi mangabul i dida.

Isaiah 17:9

Ta i diye ya madadag nadan boble an nun'ahamad di aladda ta mun'agado'otanda an umat hinadan boblen nadan tinanud Hib ya tinanud Amor hidin nadne an nun'inganuy ta nun'agado'otanda te binumtik nadan numpunhituhdi an gapuh takutda i handidan a'ammod ta'un tinanud Israel an nangubat i dida.

Isaiah 24:10

Ya madadag di bobleda ta nada'en babaleda ya mikakalob te tumakutdan lumah'un.

Isaiah 25:2

Ta dadagom nan boble an ta'on on binattuy aladna ta mitapu"ul hinan luta. Ta mama"id mo nan palasyuhdi an inyamman di tataguh udum hi boble. Ya adi mo mabalin an mibangon boh diyen boble.

Isaiah 32:19

Ta ta'on hi dadagon di nunhiglan dalallu nadan muyung ya nadan bobleda

Isaiah 35:1

Nadan na'appudut an luta an agge naboblayan hi ad uwani ya paddungnay umamlongda te wadada mohpey humangohdi.

Isaiah 49:21

Ya ahiyu mohpe alyon hi nomnomyu di, Nganne nin di numpangimbabale i datuwen tatagu an inyalidahtu? Ot tee aya an numpateda nadan imbabalemi ya nada'en udum ya nun'iyedah udum an boble ta ammuna ami han oh'ohhan nabati. Ya tanganu on tayyadahtuy u"unga an nganney numpangipapto' i dida ya dana nin di nun'alpuwanda?

Isaiah 64:10

Te nun'adadagda tayya tudan boblemin niyappit i he"a an ta'on on hi ad Jerusalem ya niwalong.

Isaiah 7:21

Ta hitun alpahan nan gubat ya ammuna ha oh'ohhan tatagu hi mabati. Ya datuwen mabati ya hinan ohan pamilya on waday ohan bakada an hiyah nahikon ya duwan kalnero ta pangalandah itanuddan hina'amma.

Isaiah 7:25

Ya ta'on boh on nadan ugganda ni' e gabyonon hinadan nabillid ya adida mo umehdi te paggapaggat nimpe ta numbalin mo hi panganan di baka ya kalnero.

Jeremiah 25:37

ta mumbalin hi ma"id ha hilbida an gapuh bungotna.

Jeremiah 26:18

Handin hi Hesekiah di patul hitun ad Judah ya himmapit nan propeta an hi Mikah an i Moreset ot alyonah nadan tatagu di, Nan ongal di abalinana an Dios ya alyonay, Lo'tat ya madadag hi ad Jerusalem ta ay na'aladun puntanoman ta ma"id ha hilbina. Ta ta'on on nan nabillid an awadan nan Templo ya magado'otan.

Jeremiah 26:6

ya dadago' tun Templo ta umat hinan inat'uh ad Siloh. Ta mumbalin tun ad Jerusalem hi usalon di atagutaguh abobboble hi pun'idutdah udum.

Jeremiah 52:27

Ot ipapaten nan patul datuwehdi hi ad Riblah an bobleh ad Hamat. Mu nadan udum an i Judah ya impiyedah ad Babilon ta tinaynanday numboblayanda.

Lamentation 1:4

Ta nun'agado'otan mo nadan awon an umeh nan Templo hi ad Zion. Te ma"id mo ha uggan umehdi hinadan mangilin an algo. Ya napa"ih an namin nadan geyt hidih nan Templo. Ta an namin nadan tatagu an namamah nadan padi ya nadan mumpangilog an binabai ya mahkit hi nomnomda.

Lamentation 5:18

Te nadadag moh ad Zion ta hay uggan mawannat hidi ya nadan atap an animal.

Ezekiel 36:4

Ta hiya nan ha"on an na'abbaktun Dios ya ibaga' i da'yun tinanud Israel an numpunhituh nan way billid ya hinadan nabillid ya hinadan nundotal ya hinadan nihaggon hinadan nun'ah'ung ya ta'on on da'yun nunhituh nadan nadadag an bobleyu

Mikah 3:12

Mu onnot on gapu i da'yu ya madadag hi ad Jerusalem ta ay na'aladun puntanoman ta ma"id ha hilbina. Ta ta'on on nan nabillid an awadan nan Templo ya magado'otan.