Isaiah 2:22 - Nan Hapit Apu Dios

²² Ot hiya nan hanat idinong ta'un mundinol hi tatagu te undan nganney abalinanda an ta'on on dida ya mateda.

Isaiah 2:22 ပူးပေါင်းရင်းမြစ်များ

Hidin Hopapna 2:7

Ya indani ot alan Apu Dios nan pito' ot poklona i han adol di tagu ot hapudanay olong diyen limmuna ya numbalin hi tagu.

Hidin Hopapna 7:22

Ta ma"id ha ta'on on oha i ha agge ni'yate.

Job 27:3

an ta'on on ituwen nabatin pi'taguwa'

Psalm 146:3

Hanat bokon hanadan ap'apuh tun lutay pundinolan ta'u te umman adida abalinan an mangihwang i dita'uh nadan punligatan ta'u.

Psalm 62:9

An namin ta'un tatagu an nawotwot onu kadangyan ya nada''ul ta'uh panigona. Te onha ikilu dita'u ot ma"id ha damot ta'u an umat ta'uh dibdib.

Psalm 8:4

ya umalih nomnom'u an na'adda"ul amin tatagu mu tanganu on e da'mi pa'annomnomon ya e da'mi ipappapto' i he"a.

Isaiah 40:15

Ot nomnomnomon ta'u an hay panigon Apu Dios hi abobboble ya ayda hintodtod an liting ya umatda boh nan hupu' hinan kiluwan an ma"id ha damotna. Ya nadan dakol an bobleh gawwan di baybay ya paddungnay hinggamal an hupu' i hiya.

Isaiah 40:17

Ya hay panigona hi atagutaguh abobboble ya ma"id ahan ha abalinanda.

Isaiah 51:12

Ya alyon bon Apu Dios di, O, ha"on di mangipa'amlong i da'yu. Ot hiya nan adi ayu tumakut hinadan ibbayu an tatagu te onda tagu ya abuh an umatdah nan holo' an adi madne ya mama"idda.

Jeremiah 17:5

Ta dusao' nadan tatagun adi mangun'unud i ha"on an Dios an hay pundinolanda ya nan abalinan di tagu. Ha"on an Dios di mangalin tuwe.

Malakay 3:15

Ya alyonyu boy, Tee otahan an nadan mumbaktu ya diday mun'am'amlong. Ya nadan mangmangngat hi adi maphod ya diday kumadkadangyan hitun luta. Ya ta'on on nadan mamatnah ulem an Dios on ma''id ha pundusam i dida.

James 4:14

Dita'u ya agge ta'u innilay ma'at hi bigat hinan nitaguwan ta'u. Te hantun nitaguwan ta'u'e ya umat hinan bugut an wadan matigo mu indani ya na'ibagan nama''id.