Hay Nakakan 40:15 - Nan Hapit Apu Dios

¹⁵ Ya hiniitam di uluda hi lana ta umat hinan inatmun amada ta diday padin munhilbin ha''on. Ya gapuh nan nangihiitam hi lana hi uluda ya mibilangdah padi ya ta'on on nadan tanudanda.

Hay Nakakan 40:15 ပူးပေါင်းရင်းမြစ်များ

Psalm 110:4

Hi Apu Dios ya inalina bo di, He"ay mumpadih inggana ta umat'a i Melkisedek. Ya adi mibahhoh naen inalina.

Hay Nakakan 12:14

Ya atawotawon ya nadatngan'eh diyen algo on hiyay inatyu an tungawonyu ta panginomnomnomanyu ya punhanaanyu ituwen pangihwanga' i da'yu.

Hay Nakakan 28:41

Nagibbuh'en niyammadan namin danae ya impilubungmuh nan ibam an hi Aaron ya nadan imbabalenan linala'i. Ya impongmu didan hiniitan hi lanan di olibo ta miyappitdan ha"on ta diday padin munhilbin ha"on.

Hay Nakakan 29:9

Ya impipongotmun dida nan pongot di padi ya impiwakohmu nan miwakoh adolda. Ya inyappitmu didan ha"on ta dida ya nan tanudanda di mumbalin moh padi.

Hay Nakakan 30:31

Ya ibagam hinadan tatagu an hidiyen lana ya ha"on ya abuh di niyappitanah inggana.

Hay Nakakan 30:33

Ot nan tagun mangiphod hi umat i naen lana ya mipapate ta adi mo midmiddum i da'yun tatagu'. Ya atbohdiy ato' hinan tagun mangihiit i naen lana hi kumpulnan tagun ta'on on bokon padi an mipapate ta adi mo midmiddum i da'yun tatagu'.

Hay Nakakan 40:14

Ya impilubungmuh nadan imbabalena nan napto' an ilubungda.

Hay Nakakan 40:16

Hi Moses ya inatnan namin nadan imbagan Apu Dios hi atona.

Sekariah 4:14

Ya alyonan ha"on di, Hay ipa"elanda ya nan duwan pinto' Apu Dios an bumoddang i hiyan mun'ap'apuh tun luta.

Bilang 25:13

Ta wan didah nadan tanudana di mibilang hi padih inggana. Te hiya ya impatigonay pangita'dognah e' ipabaktuwan an Dios an dayawona. Ta gapuh nan inatna ya na'aan di bungot'un da'yun tinanud Israel an gapuh bahul nadan ibbayu.

Hebrew 7:3

Mu hi Melkisedek ya ma''id ha nitudo' hi panginnilaan hi'on nganney ud holag i hiya ya hi'on danay niyayyamana ya hay natayana te numbalin hi padih inggana ta umat hinan Imbabalen Apu Dios.

Hebrew 7:7

Ot innila ta'u an nan munwagah ya nabakbaktu mu nan mawagahan.