Hay Nakakan 2:5 - Nan Hapit Apu Dios

⁵ Ya indani ya wada nan babain imbabalen nan patul hi ad Egypt an e mun'amoh hinan wangwang. Yaden nadan tatagalana ya dumanaldallanandah nan da'ging di wangwang. Ya nangimangmangan nan imbabalen di patul han bahket hinan nahlo'an ot honagonay ohah nadan tagalana ta ena alan.

Hay Nakakan 2:5 ပူးပေါင်းရင်းမြစ်များ

1 Patul 17:6

Ta hay nangiye'iyeh anonan tinapay ya dotag hinan mawi"it ya hinan mun'ahdom ya nadan gayang. Ya hay ininu'inumna ya nan liting hinan wa"el.

Psalm 12:5

Mu alyon Apu Dios di, Tinigo' di na'na'at hinadan nun'awotwot. Ya dingngol'uy pumpahmo'an nadan tatagun napaligat hi nangat nadan tatagun adi maphod di pangatda i dida. Ta hiya nan ad uwani ya ihwang'u dida te hituwey hihimlondah ma'at.

Psalm 46:1

Hi Apu Dios di nahamad hi ihi''ugan ya hiyay mangdat hi bikah ta'u. Ya nanongnan wadawadan bumoddang i dita'u hinadan punligatan ta'u.

Psalm 76:10

Ta gapuh pangipatigam hi bungotmuh nadan tatagu ya mumpada"ulda ta dayawon da'a. Ya ta'on on hanadan agge ni'inya'ateh gubat ya mumpada"uldan he"a.

Psalm 9:9

Ta he"ay ihi''ugan nadan mapalpaligat. Te he"a han mabalin an pumpaboddangan hinan timpun di ligat.

Hay Nakakan 2:6

Ta inyenan hiya ot bukatana ya tinigona nan golang an mungkoga ta himmo'na. Ya alyonay, Imbabalen mahan teen di Hebrew.

Hay Nakakan 7:15

ya hay atom ya em damuwon hiyah mawi"it hi umayanah nan wangwang an nungngadan hi Nayl. Odnam nan hu''ud an numbalin ni' hi ulog ya em hinhinnod hiyah nan da'ging di wangwang.

Hay Nakakan 8:20

Ot alyon bon Apu Dios i Moses di, Bumuwah'a boh mawi"it ta em damuwon nan patul hinan umayanah nan wangwang. Ta alyom i hiyay, Imbagan Apu Dios an iyabulutmu ta makak amin tataguna ta emi dayawon hiya.

Proberbs 21:1

Hi Apu Dios ya hiyay ukod hi an namin an nitaguwan nan patul ta mabalin an nan pinhod Apu Dios di ma'at an umat hinan ninomnomnan pangipluyan nan liting hinan wangwang.

Jonah 1:17

Mu indadaan Apu Dios han ongnga'ongal an ekan ta inaminulnah Jonah. Ot miha''ad hi putun nan ekan hi tuluy algo ya tuluy labi.

Jonah 2:10

Indani ya imbagan Apu Dios hinan ekan ta ibulanah Jonah hinan pulantag.

Apostoles 7:21

Ot iyeda i han nibata"an hi baleda mu inawit nan imbabalen di patul ot ipakilogna ta imbilangnah imbabalena.