Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hay Nakakan 17:6 - Nan Hapit Apu Dios

6 Nomnomnomonyu an haddon da'yuhdi hinan doplah hi ad Horeb. Nipto' ayu'eh nan doplah ya inhoplatmu nan hu''udmuhdi ot bumudduh di liting ta inumon nadan tatagu. Ot hidiyey aton Moses ta tinigon nadan nun'ibbana an mangipangpanguluh nadan himpahimpamu'un an tinanud Israel.

အခန်းကိုကြည့်ပါ။ ကော်ပီ




Hay Nakakan 17:6
24 ပူးပေါင်းရင်းမြစ်များ  

Ya hidin na'aganganda ya indatmuy anondan nalpuh ad abunyan. Ya hidi bon na'uwohda ya impahawwangmuy liting hinan ongal an batu. Ot honagom dida ta eda boblayan nan lutan imbagam hi idatmun dida.


Ya impahawwangna boy liting hinan doplah an umat i ha wa"el hidih nan agge naboblayan ta inumonda.


an hiya din nangipabudduh hi liting hinan doplah ta na'apyahdi han puhung.


Te ta'on on athidi ya wada han paddungnay adi matdu' an obob an umipa'amlong hinadan tatagu an wahnan nahamad an boble an awadan nan pundayawan i Apu Dios.


Ya he''ay nangipatuluh liting hinadan ulih ya wa''el. Ya he"a boy nuntudu' hinadan o"ongal an wangwang.


Ya inattadan pinanatnah Apu Dios hi'on abalinanan mangidat hinadan pinhoddan anon.


Manu te dinoltakna nan doplah ot tumuluy liting an ay wa''el. Mu undan nin abalinanan mangdat i dita'u hi makan an umat hi tinapay ya dotag.


Te hidin maligligatan ayu ya numpahpahmo' ayun ha"on ya wahdiya' an nahawanana' hinan bugut ot ihwang da'yu. Mu pinatna' di anahamad di pundinolyun ha"on hidin wa'ayuh nan obob an nungngadan hi Meribah hidin ma''id ha inumonyu.


Ya indongdongmu nan hu''udmuh nangappit hinan baybay ta munhi''an nan liting ta pangi'wanyu.


Ya hidin pun'ayagan Aaron nadan tatagu ot munligguhdah nangappit hinan agge naboblayan ya anakkaya nan binang Apu Dios an numpatigoh nan bugut.


Ta umat hidin nangipanguluwa' hinadan a'ammodyu hinan na'appudut an luta an agge naboblayan an ma"id ha inumonda ot padoltak'u nan doplah ya himmawwang di liting.


Em alan nan hu''ud hinan way Kahun an nittuwan nan Hapit'un Dios ya inamungyu i Aaron nadan tatagu. Ta na'amungda'e ya himmapit'ah nan doplah ot bumudduh di liting ta inumonyun namin an ta'on on nadan animalyu.


Ya alyon Jesus i hiyay, O mu onha innilam nan niyata' ya nan maphod an idat Apu Dios i he''a ot wan ha''on di pumbagam hi liting ta wan idat'un he''a nan liting an mangdat hi munnananong an pi'taguwan.


Mu nan tagun uminum hinan liting an idat'u ya adi ma'ma''uwoh hi inggana te mawadan hiya nan obob an adi matmatdu' ta hiya nan mabalin an mi'tagu i Apu Dios hi munnananong.


Ya imminumda bon namin hinan liting an winadan Apu Dios an impahawwangnah nan doplah. Ya hay ipa'innilan diyen doplah ya hi Kristu an hiya nan ni'uyu'uyug i dida.


Ya dallanon'e an ihipun hinan billid hi ad Horeb ta ingganah ad Kades-Barnea ya himpulut ohay (11) algo an i'wah nadan nabillid hi ad Edom.


Nomnomnomon ta'u boy nangipapto' Apu Dios hi awadan ta'uh nan damuna ya atatakut an agge naboblayan an awadan di pumaten ulog ya skorpyon. Ya ma"id ha liting ta nun'a'uwoh ta'u mu impabudduhnay liting hinan doplah.


Ya alyon nan Espiritun Apu Dios ya nan babain ahawaon nan Kalnero di, Ma'ayu. Ta an namin nadan na'ayagan an nangngol ituwen hapit Apu Dios ya mahapul an ayaganda damdama nadan udum an alyonday, Ma'ayu ta middum ayu. Ya an namin ayun na'uwoh ya umali ayu ta uminum ayuh nan liting an ma"id ha bayadna an mangdat hi munnananong an pi'taguwan i Apu Dios.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ