Hay Nakakan 15:1 - Nan Hapit Apu Dios

¹ Hi Moses ya nadan ibbanan tinanud Israel ya ingkantaday pundayawdan Apu Dios. Ta hituwe nan kinantadan alyonday, Ikantaan ta'uh Apu Dios te immannung an hiyay na'abbaktun madayaw. Te nun'ipakbonah nan baybay nadan kabayu ya nadan nun'itakken titindalu.

Hay Nakakan 15:1 ပူးပေါင်းရင်းမြစ်များ

Nehemiah 9:11

Ya nunhi''anom nan liting hinan baybay ot maganam nan numbattanan diyen liting ta nangi'wan nadan tatagum ot ahim bo pundammuwon hidiyen liting ta nun'a'alting nadan namdug i dida an umatdah nan batun nalnong hi dallom nan mabikah an liting.

Job 36:24

Ot haot eh'ay maphod hi atom ya middum'ah nadan udum ta ikankantayuy pundayawyun hiya an gapuh nadan ina'inatna.

Psalm 105:43

Ta hiya nan impanguluna handidan pinilinan tataguna ta tinaynandah ad Egypt. Ya nunhiglay amlongda ta hiya nan it'itkukday kantada.

Psalm 106:12

Ta i diye ya patiyonda mohpe nadan imbagan Apu Dios ta ikankantada mohpey pundayawdan hiya.

Psalm 107:15

Ot maphod on munhana ayu i Apu Dios te munnananong di pamhodna ya dakol nadan nakaskasda'aw an inatnan iphodan di tatagu.

Psalm 107:8

Ot maphod on munhana ayun Apu Dios te munnananong nan pamhodnah inggana.

Psalm 32:7

Ot he''a Apu Dios di paddungnay ihi''uga' ta ihwanga' hinadan adi maphod an ma'ma'at. Ta mabalin an ikankanta' di nangihwangam i ha"on.

Psalm 76:6

Te he"a an Dios an dinayaw handin ammodmin hi Jacob ya ammunay himmapitam hinadan binuhulmu ya nun'a'ate nadan numpuntakkeh kabayu ya ta'on on nadan kabayuda.

Psalm 76:7

Ot immannung an he''a ya ammunay mataktan te wa'et bimmungot'a ya ma''id ha mabalin hi mi'hanggan he"a.

Hay Nakakan 14:26

Ya alyon bon Apu Dios i Moses di, Idongdongmu nan ta'lem hinan way baybay ta mundammu nan liting ta malnong nadan i Egypt.

Hay Nakakan 14:27

Ot hidiyey aton Moses ta hidin mun'awi"it ya numbangngad nan liting hinan a'atna tuwali. Ta ta'on on impatnan nadan i Egypt an bumtik ya adi mabalin te hi Apu Dios di nangipalnong i didahdi ta nun'a'alnongda.

Hay Nakakan 15:21

Ot mungkantadan namin ot inayun Miriam an ikanta an alyonay, Ikantaan ta'uh Apu Dios te hiya ya na'abbaktu. Ta nun'ipakbonah nan baybay nadan kabayu ya nadan nilugan an titindalu.

Hay Nakakan 18:11

Ot ad uwani ya innila' an hi Apu Dios di na'abbaktu hi an namin an imbilang di udum an tatagu hi dios te imbaliw da'yun tatagunah nadan i Egypt an namalpaligat i da'yu.

Proberbs 29:6

Ya nan adi maphod di pangatnan tagu ya nan pumbahbahulanay manadag i hiya. Mu nan nipto' di pangatna ya hiyay waday amlongna.

Isaiah 42:10

Hanat an namin ta'un tataguh tun luta ya ikantaan ta'uh Apu Dios hi balun kanta ta pundayaw ta'u i hiya. Ya middum ayun namin an mumpuntamuh nan papol hinan baybay ya ta'on on da'yun numpunhituh nadan bobleh gawwan di baybay.

Jeremiah 51:21

Ya da'yuy inusal'un nanadag hi dakol an tindalu ya kalesa ya kabayu ya nadan numpuntakke i dadiye.

Hosea 2:17

Ya aano' hi punnomnomyu nan dayawonyu an Baal ta ma"id mo ha uggan mabong'al i hiya.

Habakkuk 3:18

mu mun'am'amlonga' damdama an gapuh nangihwangan Apu Dios i ha"on.

Bilang 21:17

Ya hidi boy nangikantaan nadan tinanud Israel hinan kanta an alyonay, He"an bubun ya ipahawwangmuy liting ta way atonmin mangikankantah

Kolosi 2:15

Ya gapuh namahuwan Kristu ya hidiyey nangabakanah nadan didimunyu ya nadan ap'apuda ya na'innilaan nadan tataguy nangabakanan dida.

Nipa'innila 15:3

Ya ikankantada din kantan Moses an baal Apu Dios ya nan kantan nan ma'alih Kalnero an alyonday, He''a Apu Dios an ongal di abalinana ya nunhiglan nakaskasda'aw nadan at'atom te nipto' an namin di pangatmu ya he"ay nahamad an Ap'apu hi ingga'inggana.