Habakkuk 3:12 - Nan Hapit Apu Dios

¹² Ya gapu hinan nunhigla an bungotmu ya nun'igatinmuy tataguh abobboble.

Habakkuk 3:12 ပူးပေါင်းရင်းမြစ်များ

Psalm 110:5

Ya wadawadah Apu Dios an mumpapto' i he"a. Ta hitun pangipatiganah bungotna ya dadagonay apatupatul.

Psalm 68:7

Hidin impangulum Apu Dios nadan tatagum hi nalpuwandah ad Egypt hi nangi'wandah nan agge naboblayan

Psalm 78:55

Ya impa'aana mo tuwali nadan nunhituhdi ta handidan a'ammod ta'un tinanud Israel di nihukkat an nunhituhdi. Ta nunggogodwa"anda nadan lutada ya diday nunhituh nadan baleda.

Psalm 90:7

Athinay ma'at i da'mi hi'on impabungot da'a ta hiya nan nunhiglay takutmi.

Isaiah 41:15

Ot nomnomnomonyu an pumbalinon da'yu hi paddungnay balu an pun'ilik an dakol di bobana ya ma'taddom. Ta mabalin an pungguduyu nadan billid an nipaddungan nadan binuhulyu ta mumbalindah ay dapul.

Jeremiah 51:33

Ot ha"on an ongal di abalinanan Dios ya ibaga' an adi mo madne ya ma'at datuweh nadan i Babilon ta umat hinan aton di mangidadaan hi pun'ilikan an dotalonda ya hinodhodda te nadatngan moy a'apitanda.

Amos 1:3

Ta alyon Apu Dios di, Nadan tataguh ad Damaskus ya nunhiglay numbahulanda ta hiya nan dusao' dida an gapuh bungot'u. Te nunhiglay nangatdah nadan tatagu' hi ad Gilead an umat hinan inilikda an barley.

Sekariah 1:15

Te alyonay, Nunhiglay bungot'uh nadan binuhulyun munlattuwag an hay punli'nada ya ma'allinggopda. Manu te bimmungota' i da'yun tatagu' ot ipa'abak da'yuh nadan binuhulyu. Mu nunhigla bo ayay namalpaligatdan da'yu mu nan ninomnom'un atonda.

Apostoles 13:19

Ya impa'abaknan dida handidan pitun nat'onat'on an himpahimpamu'un an numbobleh ad Kanaan ot idatna dadiyen boble i dadiyen a'ammod ta'u ta numboblayanda. Ya nihipun hidin immayandah ad Egypt ta ingganah nangidatana i dadiyen boble ya opat di gahut ta han nabongley (450) tawon di nala''uh.