Ecclesiastes 2:26 - Nan Hapit Apu Dios

²⁶ Ot nan tagun hi Apu Dios di pa'amlongona ya idattanah maphod an punnomnom ya la'ing ya am'amlong. Mu hanada'en mangmangngat hi bahul ya diday mangamu'amung hi kinadangyan ta midat hinadan tatagun hi Apu Dios di pa'amlongonda. Ta ma"id ha hilbinan ayda pudpuduggon di dibdib.

Ecclesiastes 2:26 ပူးပေါင်းရင်းမြစ်များ

Hidin Hopapna 7:1

Hidin nadatngan di hunggopan da Noah hinan papol ya inalin Apu Dios i hiyay, Hunggop ayu mon hina'amma hinan papol te tinigo' an he''a ya abuh han nipto' di pangatna.

Job 32:8

Mu hanan Espiritun nan ongal di abalinanan Dios an niddum hi tagu di mangdat hi la'ing di tagu.

Job 38:36

Ya nganney nangdat hi la'ing ya nomnom di tagu?

Psalm 39:6

Ya umat boh nan a''o an agagga on nama''id. Ta ta'on on ilapulaput di tagun e tumamutamu mu nat'on di ahi mangusal hinadan kinadangyana.

Psalm 51:6

Ya immannung an hay pohdom ya hanan maphod an pangat di tagu an adida udman hi layah. Ot hanat itudduwana' bahan ta hanadan maphod an punnomnom di mawadan ha"on.

Proberbs 13:22

Nan maphod an tagun waday odona ya nadan apapunay mamoltan. Mu nan odon nan tagun nabahulan ya midat hinadan tatagun nipto' di pangatna.

Proberbs 2:6

Te hi Apu Dios di mangdat hi la'ing ya abalinan an manginnilah an namin nadan nahamad hi ma'adal ya nan abalinan an manginnilah nadan nipto' hi aton.

Proberbs 28:8

Nan kumadkadangyan an gapuh nan ongal an pumpapulsintunah nadan ipa'utangna ya waday adi maphod hi ma'at i hiya ya nan inamungna ya umeh nadan tatagun hummo' hinadan nun'awotwot.

Ecclesiastes 1:13

Ya inat'un namin di abalina' an nun'ada'adal te pinhod'un innilaon an namin tudan ma'ma'at hitun luta. Ya hay na'awata' ya na'alligat nadan ipa'at Apu Dios hi tagu.

Ecclesiastes 1:14

Te tintinnigo' an namin di ina'inat di tatagu ya tee mahan an ma"id ha dumhana an ay ta'u pudpuduggon di dibdib.

Ecclesiastes 2:25

Te ma"id'eh Apu Dios ya ma"id ha anon ya ma"id ha mangipa'amlong i dita'u.

Ecclesiastes 3:10

Ya na'awata' an na'alligat nadan ipa'at Apu Dios hi tatagu.

Luke 1:6

Maphod di pangatdan himbale ya pa'a''un'unudonda nadan tugun Apu Dios.

John 16:24

Mu ingganah ad uwani ya ma''id ni' ha imbagayu i Ama hinan pohdonyun idatnan da'yu. Ot hay maphod ya ibagayu nan mahapulyu ot midat i da'yu ta wan nahamad di eyu pun'am'amlongan.

James 3:17

Hanadan immannung an nanomnoman an tatagu an hi Apu Dios di nalpuwan diyen punnomnomda ya mipatigo nan a'at Apu Dios hinan pangiye"eda. Ta ongal di naminhoddah punhahayyupan di tatagu ya donglonday ibagan di ibbada an adida ipapilit di pohdonda ya mumpada"ulda ya ongal di homo'dah ibbada ya maphod di pumbalinan nadan atonda ya immannung an numpapaddung di pangibilangdah ibbada.