Deuteronomy 19:14 - Nan Hapit Apu Dios

¹⁴ Alyon bon Moses di, Hitun eyu pumboblayan i diyen boblen idat Apu Dios i da'yu ya hanat adiyu e idalhin di muhon an inha"ad di a'ammodyu.

Deuteronomy 19:14 ပူးပေါင်းရင်းမြစ်များ

Job 24:2

Te datuwen tatagu ya idoldolday pogpog ta pulhonday lutan di ibbada. Ya inibtikday kalneron di udum on iniddumdah nadan kalneroda.

Hay Nakakan 21:13

Mu hi'on aggena ninomnom an patayon mu apyanan hidiyey inyabulut'uh ma'at ya mabalin an bumtik hinan boblen tudduwo' ta e mipa"ehdi.

Proberbs 15:25

Nan mumbaktun tagu ya dadagon Apu Dios di nunhituwana mu ipapto'na nadan nun'apuhig ta ma''id ha mangidoldol hinan pogpog nan nipaboltan i didan luta.

Proberbs 22:28

Ya adiyu bo ipatnan idlig nan pogpog an iniphod di a'ammod hidin nadne.

Proberbs 23:10

Ya adiyu ipatnan idlig nan pogpog an iniphod di a'ammod hidin nadne ya adiyu pulhon nan lutan di napuhig.

Hosea 5:10

Ya ta'on on nadan ap'apuh ad Judah ya umatdah nan tagun attaonan e idoldol di pogpog. Ta hiya nan hay a'at di bungot'u i dida ya umat hinan dumakolan di liting hinan wangwang.

Deuteronomy 27:17

Ya alyonyu bon tinanud Libay di, Dusaon Apu Dios nan tagun mangidlig hi muhon. Ya tobalon bon nadan tatagun alyonday, Hiya peman.

Deuteronomy 3:18

Ot ibaga' i da'yu an indat Apu Dios i da'yu datuwen boble ta pumboblayanyu. Mu mahapul an nadan linala'in mabalin an e mi'gubat ya mundadaan ayu ta ipanguluyu nadan ibbayun tinanud Israel ta agwatonyu nan wangwang an nungngadan hi Jordan.

Deuteronomy 4:41

Hidin nagibbuh an himmapit hi Moses hinadan tatagu ot piliyonay tulun bobleh nangappit hi tuluwan di algo hi'onta wah nan wangwang an nungngadan hi Jordan