Bilang 21:27 - Nan Hapit Apu Dios

²⁷ Ta hiya nan wada nan intudo' nadan nun'ala'ing an alyonday, Umali ayuh ad Hesbon ta wan miphod hituwen boblen Sihon ta mumbangngad din a'atnah hopapna.

Bilang 21:27 ပူးပေါင်းရင်းမြစ်များ

Nehemiah 7:1

Hidin nalpah an nipaphod nadan binattun alad ya nadan geyt ya nadan dakigda ot piliyo' mohpe nadan mungguwalya ya nadan mangipangpanguluh nan pungkantaan hinan pundayawan an tinanud Libay ta way ohaon nidattan hi tamuna.

Isaiah 14:4

Ta i diyen natayan diyen patul ya dildilahonda an alyonday, Nate bo aya nan nunnaud di bungotnan patul ta napogpog moy pamalpaligatnah tatagu.

Habakkuk 2:6

Mu udum damdama boh algo ya abakon di binuhulda ya nginihngihilanda dida an alyonday, Kilayu an e nangamu'amung hi na'akon gina'u ta hiyay ingkadangyanyu. Undan anuud ya ahiyu idinong hinaen pangatyu?

Bilang 21:14

Ta hiya nan hinan Liblun Ni'gubagubatan Nan Ap'apu ya nangadanan hidiyen boble hi ad Waheb hinan probinsya hi ad Supa ya nan wangwang an nungngadan hi Arnon

Bilang 21:26

Nan bobleh ad Hesbon ya nunhituwan nan patul nadan tinanud Amor an hi Sihon. Hidiyen boble ya ibban nadan bobleh ad Moab ta ingganah nan wangwang an nungngadan hi Arnon an sinakup Sihon hidin inabakna nan patul hi ad Moab.

Bilang 21:28

Te handi ya ad Hesbon di nalpuwan nadan ay apuy an titindalun e nanadag hi ad Ar an bobleh ad Moab ya ta'on on nadan numpunhituhdi ya nadan ap'apuda.