Apostoles 6:13 - Nan Hapit Apu Dios

¹³ Ot ayaganda dadiyen ahilalayah an tistigu ot alyonday, Hituwen tagu ya pihupihulona nan Templo ya nadan uldin di Judyu.

Apostoles 6:13 ပူးပေါင်းရင်းမြစ်များ

Psalm 27:12

Ya hanat adim bahan iyabulut an dadagona' i dida. Te dakol tayyay layah an ipabahuldan ha"on ya nunhiglay panattatakutdan ha''on.

Psalm 35:11

Te hanadan mumpunlayah ya dakol di bokon immannung an ipabahuldan ha"on.

Psalm 56:5

Hanadan mi'buhul i ha"on ya dakol di adida ipabahul i ha"on. Te numanonanomnomdah atondan manadag i ha''on.

Hosea 7:4

Ya umat ayu boh nan bumalabalan apuy an ad'addi madop te onyu iyal'alan mangat hi adi maphod.

Matthew 24:15

Alyon bon Jesus di, Hay oha bo ya wada han nunhiglan umipabungot i Apu Dios an eda iha"ad hinan Templo ta mibilang moh nalugit nan Templo. Te hiyah naey imbagan din propeta an hi Daniel. Ot da'yun mamaha ituwen imbagana ya mahapul an nomnomnomonyuy iyatana.

Matthew 26:59

Ya nadan nabaktun padi ya an namin nadan ap'apun di Judyu ya inhamaddan nummahmah hinadan tatagu hi mabalin an ipabahuldan Jesus an ta'on on agge immannung mu ta waha pangigadulandan mangipapaten hiya.

Apostoles 21:28

alyonday, Da'yun i'ibamin Judyu, ma'ayu ta boddangan da'mi te hituwen lala'i ya ena intanudduwan nadan atagutaguh abobboble ta humihiwodan dita'un Judyu ya pihulonda nadan uldin ta'u ya ta'on on tun Templo. Ya tayya bon impaghopnah tuy bokon Judyu yaden paniyo i dita'u.

Apostoles 25:8

Ya alyon Paul di, Ma''id ha nomnomnomo' hi bahul'u te inunud'un namin nadan uldinmin Judyu ya nadan uldin di patul hi ad Roma. Ya agge' pinihul nan Templo.

Apostoles 6:11

Ta dadiyen ni'yahhiyan i hiya ya numbayaddah tatagu ta diday nangihinap hinan layah an alyonday, Dingngolmi nan inalin Stephen an alyonay, Layah nan a'at Moses ya hi Apu Dios.

Apostoles 7:58

Ot iyedah nan ngillig nan boble ot eda puntopahdi. Ya nada'e an e nuntiliw i hiya an dadiye nadan mumpunlayah an tistigu ya inaanday oddah di lubungda ot ipiyadugda i Saul.

Hebrew 7:12

Ot gapu ta nahukkatan nadan padi ot atbohdi an mahukkatan nan tugun.