Apostoles 28:1 - Nan Hapit Apu Dios

¹ Hidin dimma"al ami ya na'innilaanmin hidiyen boblen nigawwah nan baybay ya hi ad Malta.

Apostoles 28:1 ပူးပေါင်းရင်းမြစ်များ

Apostoles 13:6

Ta ini'wadah abobboblehdi ot dumatongdah ad Papos an huddo' di ad Cyprus. Ta hidih ad Papos ya wada han hinappulda an Judyu an hi Bar-Jesus an mun'ayak ya alyonay hiyay ohan propeta mu layahna.

Apostoles 16:10

Ta hiya nan innayunmin nundadaan mon umeh ad Masedonia te innilamin pohdon Apu Dios an emi bo ipa'innilah nadan tataguhdi nan iphodan ta'un inat Jesu Kristu.

Apostoles 27:1

Hidin nahahapit an ume amih ad Roma hidih ad Italy ot awitondah Paul ya nadan udum an ibbanan balud ot iluganda didah nan papol ot iyukodda dida i Julius an ohah nadan opisyal di tindalu an munhilbih nan ap'apuh ad Roma.

Apostoles 27:26

an ta'on on mihipag tun papol an niluganan ta'u.

Apostoles 27:39

Hidin nabiggat ya tinigoda han boblen aggeda innilay ngadana. Mu hidih nan da'ging di baybay ya wahdi han nadadawoh hi duma"alan nan papol ya pinhoddan ipluy hidi.

Apostoles 27:44

Ya nada'en agge nanginnilan munlanguy ya alanda nadan na'aan an tabla i diyen papol onu kumpulnan mabalin an iluganandan duma"al. Ta athidiy inatmin dimma"al ta ma"id ha nalting.