2 Tesalonika 3:9 - Nan Hapit Apu Dios

⁹ Unhaot mabalin an iyukodmin da'yu nadan mahapulmi mu aggemi inathidi ta wan waday pangiyunnudanyu.

2 Tesalonika 3:9 ပူးပေါင်းရင်းမြစ်များ

Matthew 10:10

Ya adi bo mahapul an mumbabahket ayu onu mangdon ayuh punhukatanyu. Ya adi gahin on waha mi'adwah hapatutyu onu hu''udyu. Te hanadan datnganyu ya ukoddah nadan mahapulyu te nan muntamu ya midat di mahapulna.

John 13:15

Ot hanat hituwen pangat'un da'yuy pangiyunnudanyu.

1 Kulintu 4:16

Ot hiya nan ibaga' i da'yu an maphod on iyunnudanyu i ha''on.

Galasya 6:6

Hay ohan aton ta'un bumoddang hinadan ibba ta'u ya maphod on nan tagun nitudtuduwan hinan hapit Apu Dios ya idattana nan muntuddun hiyah nan kumpulnan wadan hiya an mahapul hitun nitaguwan.

1 Tesalonika 2:6

Ya bokon bo hay pangipabaktuwan di tatagu i da'miy ninomnommi an ta'on on apostoles da'mi i Jesu Kristu.

2 Tesalonika 3:7

Te hay maphod ya iyunnudyuh nan inatmihdin awadan ta'uhna an nuntamu ami.

1 Peter 2:21

Te hay pohdon Apu Dios hi aton ta'u ya itpol ta'u nadan punligatan ta'uh ad uwani. Te innila ta'u an hi Jesu Kristu ya nunhiglay namalpaligatdan hiya an gapu i dita'un namin. Ot hanat hiyay pangiyunnudan ta'u.

1 Peter 5:3

Ya hay aton ta'un mangipangpangulun dida ya adi gahin on nan pohdon ta'uy ma'unud. Mu hay maphod ya hanat dita'uy pangiyunnudandah nan maphod an pangat.