2 Samuel 5:19 - Nan Hapit Apu Dios

¹⁹ Ot mundasal hi David i Apu Dios an alyonay, On emi gubaton nadan i Pilistia? Ya on pangabakon da'mi? Ya alyon Apu Dios di, Ume ayu ot pangabakon da'yu i ha"on.

2 Samuel 5:19 ပူးပေါင်းရင်းမြစ်များ

2 Samuel 2:1

Indani ya minahmahan David i Apu Dios an alyonay, On umeya' mi'ibobleh nadan ibba' an tinanud Judah? Ya alyon Apu Dios di, O eka. Ya alyon David di, Ot danay e' pumboblayan hidi? Ya alyon Apu Dios di, Hi ad Hebron.

2 Samuel 5:23

Ot mundasal boh David ta mahmahana i Apu Dios hi'on nganney atona. Ya alyon Apu Dios di, Ume ayu mu adiyu gubaton didah hinangngabda. Ta ili"odyuh bahhelna ta hidiy pangubatanyun didah awadan nadan kayiw an balsam.

1 Patul 22:6

Ot ipa'ayag nan patul an hi Ahab di opat di gahut (400) an propetana ot alyonan diday, Nganney punnomnomyu? On mabalin an emi gubaton nadan i Ramot-Gilead onu adi? Ya alyondan namin di, O ume ayu ot da'yuy pangabakon Apu Dios.

Proberbs 3:6

Ya an namin di nomnomnomom hi atom ya bagaam hi Apu Dios ta wan ipa'innilanan he''a nan nipto'.

James 4:15

Ta hiya nan hay maphod ya nomnomnomon ta'u an gahin di abuluton Apu Dios nan ninomnom ta'u ya ahi mabalin an ma'at.

Judges 20:28

Ya hi Pinehas an imbabalen Eliesar an apapun Aaron di padi. Ta minahmahan nadan tinanud Israel i Apu Dios an alyonday, Apu Dios, on emi bo gubaton nadan i'ibamin tinanud Benjamin onu idinongmi mo? Ya inalin Apu Dios di, Ume ayu te bigat ya ipa'abak'u mo didan da'yu.

1 Samuel 22:15

Ya undan hidiyen algo di pinghanah nummahmaha' i Apu Dios hi maphod hi atona? Adim bahan aton hinay pangalim i ha"on an baalmu ya nadan i'iba' ya a'ammod'u ya nadan tulang'u. Te ma"id attog ha innila' i danaen al'alyom.

1 Samuel 23:2

Ot mahmahan David i Apu Dios hi'on eda gubaton nadan i Pilistia. Ya hay pambal Apu Dios ya umeda ta eda ihwang nadan i Kielah.

1 Samuel 23:4

Ot mahmahan bon David i Apu Dios ya alyonay, Ume ayu nimpeh ad Kielah ot ipa'abak'un da'yu nadan i Pilistia.

1 Samuel 28:6

Ot mahmahana i Apu Dios hi'on nganney atona mu ma"id ha pambal Apu Dios i hiya an ta'on on hinadan in'inopna onu hinan Urim onu hinadan propeta.