2 Samuel 5:13 - Nan Hapit Apu Dios

¹³ Ya hidin tinaynanah ad Hebron ot umeh ad Jerusalem ta e nunhituhdi ya inudmanay ahawana ya baalnan imbilangnah ahawana ta na'udmanday imbabalena an linala'i ya binabai.

2 Samuel 5:13 ပူးပေါင်းရင်းမြစ်များ

2 Samuel 12:2

Nan kadangyan ya dakol di kalnerona ya bakana

2 Samuel 5:12

Ya na'innilaan David an hi Apu Dios di nangiyabulut an hiyay patul nadan tinanud Israel ot ihamadnay pun'ap'apuwan David an gapuh nadan tataguna an tinanud Israel.

1 Patul 11:3

Ta hay ngammut di ahawana ya pituy gahut (700) an i'imbabalen di papatul ya nat'on bo nadan imbilangnah ahawana an tuluy gahut (300). Ta datuwen binabaiy nangitudtudun hiya an umadawwi i Apu Dios.

1 Chronicles 3:1

Datuwe nadan linala'i an imbabalen nan patul an hi David an niyayyam hi awadandah ad Hebron. Hay panguluwana ya hi Amnon an imbabaledah nan i Jesreel an hi Ahinoam. Ya hay mi'adwa ya hi Daniel an imbabaledah nan i Karmel an hi Abigail.

1 Chronicles 3:9

Ya wadada boy udum an linala'i an imbabalenah nadan imbilangnah ahawana. Ya wada han babai an imbabalena an hi Tamar.

2 Chronicles 13:21

Mu hi Abijah e ya nahamad di abalinanan mun'ap'apu. Ya himpulut opat (14) di inahawana ta nawadaday baintit duwan (22) linala'in imbabalena ya himpulut onom (16) di binabai.

Deuteronomy 17:17

Ya mahapul an adina dakolon di ahawana te hidiyey lummuh pan'uganan Apu Dios. Ya mahapul an adina agan hi amung hi silber ya balitu'.

1 Samuel 25:43

Hi David ya inahawana tuwali hi Ahinoam an i Jesreel ta duwada moy ahawana.