2 Samuel 22:27 - Nan Hapit Apu Dios

²⁷ Ya ipatigom di amaphodmuh nadan nipto' di pangatda. Mu dusaom nadan adi maphod di pangatda.

2 Samuel 22:27 ပူးပေါင်းရင်းမြစ်များ

Psalm 125:5

Mu di'et dusaom nadan adi maphod di pangatda ya hanat pi'dusam bo nadan nangiwalong an mangun'unud hinadan tugunmu. Ta wan luminggop tun numboblayanmin tinanud Israel.

Psalm 18:26

Ya ipatigom di amaphodmuh nadan nipto' di pangatda. Mu dusaom nadan adi maphod di pangatda.

Hay Nakakan 18:11

Ot ad uwani ya innila' an hi Apu Dios di na'abbaktu hi an namin an imbilang di udum an tatagu hi dios te imbaliw da'yun tatagunah nadan i Egypt an namalpaligat i da'yu.

Isaiah 45:9

Ot alyon Apu Dios i da'min tinanud Israel di, Mahmo' nan tagu an mamihul hinan nunlumu i hiya. Te undan mabalin ta nan pito' an banga ya alyonah nan mangapya i hiyay, Idinongmun diyot an mangapya i ha''on te nihallay pangatmu.

Matthew 5:8

Ya atbohdin mipa'amlong nadan mangiyohhah nomnomdan Apu Dios ta nan pohdona ya ammunay pohdondan aton te diday manigo i hiyah udum hi algo.

Roma 1:28

Ot gapu ta inwalongdan umunud i Apu Dios ya inwalong damdaman Apu Dios dida ta ukoddah at'attonda ta hiya nan inyal'aladan nangat hinadan adi maphod

1 John 3:3

Ot dita'un hinaey gagamgaman ta'uh ma'at i dita'u ya mahapul an iwalong ta'un namin nadan pumbahulan ta umat ta'u i Kristu an ma''id ha bahulna.