2 Samuel 22:17 - Nan Hapit Apu Dios

¹⁷ Ya hidih nan awadanah ad abunyan ya paddungnay nunyu"ung ot guyudona' hinan dallom di liting ot ipada"ala'.

2 Samuel 22:17 ပူးပေါင်းရင်းမြစ်များ

2 Samuel 22:18

Ta inihwanga' i hiyah nadan binuhul'u an mun'abibikah ya mun'abubungot an adi' abalinan an abakon.

Psalm 130:1

Nunhigla tayyay inomnoma' Apu Dios. Ta hiya nan mumpahmo'a' an mumpaboddang i he"a.

Psalm 144:7

Ya daan mo bahan ta ta'on on nee'ahnah nan awadam ya guyudona' ta ihwanga' hinadan binuhul'u an malpuh udum hi boble te paddungna tayyay mun'altinga'.

Psalm 18:16

Ya ta'on on hidih nan awadanah ad abunyan ya paddungnay nunyu"ung ot guyudona' hinan dallom di liting ot ipada'ala'.

Psalm 32:6

Ot ad uwanin mabalin ni' an donglom di dasal nadan mangun'unud i he''a ya hanat mundasaldan he''a. Ta wada'ey dumatong hi nunhiglan punligatanda an paddungnay dimmakol nan liting hinan wangwang ya adida miyanud.

Hay Nakakan 2:10

Ta hidin immong'ongngal nan unga ot ahina iyeh nan imbabalen nan patul ta hiya moy ay nangimbabale. Ot ngadanana ta hi Moses te alyonay, Hay nangala' i hiya ya hinan nalitingan.

Isaiah 43:2

Ta ta'on on hinan umagwatanyu hinan adallom an wangwang ya wadaa' an pun'ibbayu ta adi ayu miyanud. Ya alina'e hi dumalan ayuh nan mundalang an apuy ya adi ayu ma'atungan.

Lamentation 3:54

Ya mun'aphung nan bitu ta nalimuy ulu' ta alyo' ot ona' mate.

Nipa'innila 17:15

Ya inalin bon nan anghel di, Nan dakol an wangwang an inumbunan diyen babain mumpabayad hi adolnah linala'i ya dadiye nadan dakkodakkol an tinataguh abobboble an nat'onat'on di hapitda.