2 Samuel 20:20 - Nan Hapit Apu Dios

²⁰ Ya alyon Joab di, Bokon attog athinay ninomnommi.

2 Samuel 20:20 ပူးပေါင်းရင်းမြစ်များ

2 Samuel 20:10

Mu hi Amasa ya aggena tinigo nan hinalung an inodnan Joab hinan ohan ta'lena. Ta initwik Joab hidiyeh putun Amasa ot bumudduy putunah nan luta. Ot inayunan mate an ta'on hi aggena impidwan initwik. Ot taynan da Joab an hinagi i Abisay hi Amasa hidih nan natayana ot eda pudugon hi Seba.

2 Samuel 20:19

Te hituwen boblemi ahan di malinggop ya da'mi ahan di na'na'unnud an tinanud Israel. Ya tanganu onyu pohdon an dadagon tun boblen indat Apu Dios?

2 Samuel 20:21

Te hay emi tigon ya hi Seba an imbabalen Bikri an niha"ad hinan nun'abillid an boblen di tinanud Epraim te hiyay nangipanguluh nadan nungngoheh nan patul ta'u an hi David. Hay pohdo' ya iyaliyuh naen tagu i da'mi ta umaan amihtu. Ya alyon nan babai di, Haddonyu ta ibkahmiy ulunan da'yuhna hi bahhel nan alad.

2 Samuel 23:17

an alyonay, Adi mahan mabalin an e' inumon hituwe. Te hituwen liting ya paddungnay dalan datuwen linala'i an nangitulid an e himmagub an ta'on on atatakut. Ta athidiy a'at danaen tulun natulid an linala'i.

Job 21:16

Te hay punnomnomda ya hana'e anun pumhodan di nitaguwan ya gapuh nan abalinan. Mu adi' abuluton hidiyen punnomnomda.

Job 22:18

Mu ta'on on athidi ya impakadangyan Apu Dios dida. Ta hiya nan adi' ma'awatan di punnomnom dadiyen adi maphod di pangatda.

Proberbs 28:13

Nan tagun hophopanay bahulna ya ma''id ha atonan mipaphod. Mu nan iba''agnay puntutuyuwanah nan inatnan pumbahulan ya hom'on Apu Dios ta linglingonay numbahulana.

Jeremiah 17:9

Mu hay tagu ya nahalatom di nomnomna ta hiya nan huma'ul ta naligat an ma'awatan di a'atna te ningamut an adi maphod di nomnomna.

Luke 10:29

Mu gapu ta pinhodnan hay panigodan hiya ya maphod ta hiya nan alyonay, O mu nganne dadiyen ibba ta'u an alyon nan tugun hi pangipatigan hi pamhod.