2 Samuel 19:29 - Nan Hapit Apu Dios

²⁹ Ya alyon David di, Adi mahapul an adukkayontay punhapitantah nan inomnomam. Ot hay ninomnom'u ya godwonyu i Siba nadan lutan indat'un hiya.

2 Samuel 19:29 ပူးပေါင်းရင်းမြစ်များ

2 Samuel 19:28

Te unhaot lebbengna tuwalin impapate da'min namin an pamilyan ama an ta'on on ha"on. Mu onnot on inidduma' i he"a hinadan panganom hi baleyu. Ot undan nganne nan e' ibaga i he"a?

2 Samuel 19:30

Mu alyon Mepiboset di, Ta'omman attog ya indatmun namin i Siba mu ta athitu tee an numbangngad'a an mapmaphod.

2 Samuel 9:2

Ya dingngolnan wada han baal ni' Saul an hi Siba. Ta impa'ayag David ot alyonan hiyay, On he"ah Siba? Ya alyon Siba di, O ha"on apu patul.

2 Samuel 9:7

Ya alyon David i hiya di, Maphod ta immali'a. Ot adi'a tumakut te ipatigo' i he"a di ule' an gapuh nan nunggayumanmi i amam an hi Jonathan. Ya ibangngad'un he"an namin nadan lutan apum an hi Saul ya nanongnan hitun bale' di panganam.

2 Samuel 9:9

Ot ipa'ayag David hi Siba an baal din hi Saul ot alyonan hiya di, An namin nadan luta ya nadan nun'abalol an odon da Saul an pamilya ya idat'u i Mepiboset.

Psalm 101:5

Ya wa'e ha manumtumbu' hi hinaggona ya pogpogo' di nitaguwana. Ya atbohdiy ato' hinadan mumpungngohe ya mumpunlattuwag.

Psalm 82:2

Ta alyonan diday, Mahapul an idinongyu nan nibahhon atonyun munhumalya ta adiyu ita'dog hanadan adi maphod di pangatda.

Proberbs 18:13

Nan tagun adina igongahan di ibagada on timbalna ya umipabain an ay nawe'we'.

Apostoles 18:15

Mu gapu ta bokon athidiy ipabahulyun hiya an on hay anat'on nan itudduna an adi umat hinan unudonyun Judyu ya nan a'at di uldinyu ya nadan tugun an nibagah nan uldin ot ukod ayu i da Paul an munhahapit te adi' ipanuh nan athina.