2 Samuel 18:19 - Nan Hapit Apu Dios

¹⁹ Nan imbabalen Sadok an hi Ahimaas ya alyona di, Maphod on e' ipa'innilah nan patul hituwen nangihwangan Apu Dios i hiyah nadan binuhulna.

2 Samuel 18:19 ပူးပေါင်းရင်းမြစ်များ

2 Samuel 15:27

Ya alyon bon David i Sadok di, He"ay nanginnilah nan ma'ma'at hi ad Jerusalem ot tigom ta mumbangngad ayu i Abiatar hidi ya in'uyugyu nan imbabalem an hi Ahimaas ya nan imbabalen Abiatar an hi Jonathan. Ot hanat maphod hi dumatnganyuhdi.

2 Samuel 15:36

Ya nomnomnomom an wahdida nadan duwan imbabaleda an hi Ahimaas an imbabalen Sadok ya hi Jonathan an imbabalen Abiatar. Ot diday ahim ituda' an mangipa'innilah nan pohdom an ipa'innila i ha"on.

2 Samuel 17:17

Da Jonathan i Ahimaas ya wahdidan munmunhod hinan way obob an nungngadan hi En-Rogel te adida pohdon an waday manigo i didah ad Jerusalem. Ta han baal an babai di uggan e mangibagan didah nan ma'ma'at on ahida e ibagan David.

2 Samuel 18:20

Mu alyon Joab di, Bokon ni' he"a di e mangipa'innila ituwe hinan patul te nate nan imbabalena.

2 Samuel 18:23

Ya alyon Ahimaas di, Ta'omman on ma"id mu ta iyabulutmun umeya'. Ta lo'tat ya initbal Joab ot umeh Ahimaas an puntagtagna an ini'wanah nan nundotal ot la"uhana nan baal an i Kus.

2 Samuel 18:31

Ta dimmatong hidiyen baal an i Kus ya alyona boy, Hanat maphod hi em pangngolan apu patul hinan na'at. Te hi Apu Dios ya inihwang da'a hi ad uwanin algo hinadan mi'buhul i he"a.

Psalm 10:14

Mu innila' an tigtiggom di punholholtapan nadan udum an tatagu. Ya he''a han dinlonda an bumoddang i dida te he''a han mabalin an mangita'dog hinadan nun'apuhig.

Psalm 10:18

Ya ita'dogmu dida ya ta'on on nadan nun'apuhig. Ta wan ma"id mo ha uggan e manattatakut ya mamalpaligat i dida.

Psalm 7:6

Ot agam bahan Apu Dios ta boddangana' ta he"ay mi'hanggah nadan mun'abubungot an binuhul'u ta ipatigom di bungotmun dida. Ta ma'innilaan hi'on ha"on onu diday numbahul.

Psalm 9:16

Hi Apu Dios ya impatigona nan nahamad an a'atna hinan nipto' an atona an mundusah tatagu. Te hanan ninomnom nadan adi maphod di pangatda an aton hi udum ya onnot on diday a'atana.

Psalm 9:4

Athidiy ma'at i dida ta mipatigo an nipto' di pangatmu. Ot munhanaa' te impa'innilam an ma"id ha bahul'u.

Jeremiah 51:31

Ta mahukhukatday e mangipa'innilah nan patul hi ad Babilon an hinggop mon di binuhul di bobleda.

Roma 12:19

Da'yun i'iba, hi Apu Dios di ukod an mundusah nadan mangmangngat hi adi maphod. Ta adi mahapul an iballoh ta'u nadan adi maphod an atondan dita'u. Te hay impitudo' Apu Dios ya alyonay, Ha''on an Ap'apuyu ya ukoda' an mangiballoh hinadan adi maphod an atondan da'yu.