2 Kulintu 6:2 - Nan Hapit Apu Dios

² Te alyonay, Hidin mumbaga ayu i ha''on ya indat'u nan dinawatyu. Ya hidin numpahmo' ayu ya binoddangan da'yu ta nihwang ayu. Ot nomnomnomonyu an hi ad uwanih diyen imbaganan pamoddanganah nadan mumpaboddang ya pangihwanganah nadan mumpahmo' i hiya.

2 Kulintu 6:2 ပူးပေါင်းရင်းမြစ်များ

Psalm 69:13

Ot hay dawato' damdaman he''a Apu Dios ya hanat boddangana'. Ta gapuh nan ongal an pamhodmu ya hanat ihwanga'.

Isaiah 49:8

Alyon bon Apu Dios di, Hitun pamoddanga' i da'yu ya tobalo' nan dasalyu ta ihwang da'yu. Ya ipapto' da'yu ta da'yuy ahi e mangibagah nadan tatagu hinan ibaga' an ato' i dida. Ta umanamut ayu ta munhitu ayuh nadan ninganuy an bobleyu ta mibangngad nan amaphodna tuwali.

Isaiah 61:2

Ya ipa'innila' bon nadatngan moy pammo'an Apu Dios i dita'u an tataguna ta dusaona nadan binuhul ta'u. Ta mipa'amlong nadan umukayungan

Ezekiel 16:8

Mu hidin pidwanah naniga' i da'yu ya matigon mabalin mon malahin ayu. Ot ihophop'un da'yu nan abillog an lubung'u ta mahawanan di adolyu. Ot ibaga' di naminhod'un da'yu ta paddungnay bagi da'yu mon ha''on an na'abbaktun Dios.

Luke 18:37

Ya inalidan hiyay, Da Jesus an i Nasaret.

Luke 4:19

Te ad uwaniy pangipatigan Apu Dios hi homo'nah tatagu.

Hebrew 3:13

Ot ad uwanin mabalin an innilaon ta'u nan a'at Apu Dios ya mahapul an munhintutugun ta'uh abigabigat ta adi ta'u mabaliyan an mangat hi pumbahulan ta adi ta'u ngohayon hi Apu Dios.

Hebrew 3:7

Hay maphod ya un'unudon ta'uh Jesu Kristu te pinadanan nan Espiritun Apu Dios an alyonay, Ad uwani ya wa'et donglonyu nan hapit Apu Dios

Hebrew 4:7

te nadney nala''uh hi agge nangunudan dadiyen a'ammod ta'u ot ahina ipitudo' i David nan alyonay, Ad uwani ya hanat dingngolyu'e nan hapit Apu Dios ya adiyu ngohayon.