1 Samuel 28:14 - Nan Hapit Apu Dios

¹⁴ Ya alyon bon Saul di, Nganney a'atna? Ya alyon nan babai di, Amamma an nunlubung hi adukke. Ya innilan Saul an hi Samuel hidiye ot munlu'bub hinan lita"angan hi punlispituna i hiya.

1 Samuel 28:14 ပူးပေါင်းရင်းမြစ်များ

1 Patul 19:19

Ta nakak hi Elijah ot mangmangnge ya tinigonah Elisa an imbabalen Sapat an mun'aladu. Ya hiya nan mi'ahimpulut duwa (12) an mun'aladu te wadaday ibbana an mun'aladu. Ya hinohha i dida on waday ohay palis an baka an manguyud hinan aladuda ya hiyay na'udi. Ot umeh Elijah hi awadan Elisa ot ipihaba'lagnah pu'ol Elisa nan oddah di lubungna ot inayunan mangmangnge.

2 Patul 1:7

Ya alyon Ahasiah di, Nganney umatan diyen tagun dinamuyun nangalih athina?

2 Patul 2:8

Ya inaan Elijah nan oddah di lubungna ot ludunona ot ihoplatnah nan liting. Ya nunhi''an nan liting ya namaganan nan luta ta nangi'wandan immagwat.

1 Samuel 15:27

Ya hidin nunligguh hi Samuel ta makak ya inidonnot Saul hinan gayadan di lubungna ta nehethet.

1 Samuel 24:8

Ot ahi humawwang hinan lingab hi David ot tumkuk i Saul an alyonay, Apu patul. Ya hidin nunligguh Saul ya nunyu"ung hi David hi punlispituna i hiya.

1 Samuel 28:13

Ya alyon nan patul i hiya di, Adi'a tumakut ya imbagam hi'on nganney tinigom. Ya alyon nan babai di, Tinigo' han linnawan bumbummudduh an nalpuh nan luta.