1 Kulintu 1:31 - Nan Hapit Apu Dios

³¹ Te impitudo' Apu Dios an alyonay, Hanat bokon hay adol ta'uy ilattuwag ta'u ta hanaot an inat nan Ap'apu ta'uy ilattuwag ta'u.

1 Kulintu 1:31 ပူးပေါင်းရင်းမြစ်များ

1 Chronicles 16:10

Dayawon ta'u nan nahamad an Dios. Ya dita'un mundayaw i hiya ya hanat mun'am'amlong ta'u.

1 Chronicles 16:35

Ot mumpahpahmo' ta'u i Apu Dios ta alyon ta'uy, Ibaliw da'mi bahan i he"a an Dios an mangih'ihwang i da'mi. Ya daan mo bahan ta boddangan da'mi ta way atonmin umanamut te teen niwakat amih abobboble. Ta he"a an nahamad an Dios di dayawonmi ya punhanaanmi.

Psalm 105:3

Ot dayawon ta'u nan Dios an ma"id ha adi maphod i hiya. Ya hanat mun'am'amlong ta'un mundayaw i hiya te hiyay ud tagun dita'u.

Psalm 34:2

Ya hiyay dayawo' an gapuh nadan inatna. Ta alinaot ya donglon nadan maligligatan tun ato' ya waot an mi'yam'amlongda.

Isaiah 41:16

Ya paddungna boy pun'ipatu"ugyun pun'itoop dida ta itayyap di dibdib ya puwo' dida. Mu da'yu'e an tinanud Israel ya mun'am'amlong ayu an gapu i ha"on an nahamad an Dios an dayawonyu.

Isaiah 45:25

Mu da'yu'en tinanud Israel ya ibilang da'yu hi maphod ta ha"on di dayawonyu.

Jeremiah 4:2

Ya an namin'ey isapatayu i ha"on on ipa'annungyu an ma"id ha duwaduwayu ya hay ma'at ya nadan tataguh udum hi boble ya dayawona'. Ya wagaha' bo dida ta umat hi ato' an munwagah i da'yu.

Roma 4:2

an onha nan maphod an ina'inatnay gapunah nangibilangan Apu Dios i hiyah maphod ot mabalin an hidiyey lummuh pumbaktuwana. Mu aggena inathidi te na'innilan ma''id ha ta'on hi ohah tagu hi mabalin an mumbaktuh hinangngab Apu Dios.

1 Kulintu 4:6

Hituwen imbaga' an a'atmi i Apolos ya pohdo' an innilaonyun i'iba' an da'min muntudtudu ya ma''id ha ohah nabakbaktu. Ta hiya nan mahapul an idinongyuh naen eyu pangipabaktuwan hi udum an muntuddu. Te nan athinan pangat ya adi miyunnudan hinan tugun Apu Dios an impitudo'na.

2 Kulintu 10:17

Te hinan nitudo' an hapit Apu Dios ya alyonay, Hanan tagun pinhodnan munlattuwag ya hanat hanan iphodan ta'un inat Kristuy ilattuwagna.

Pilipay 3:3

Te bokon hay nakugitan di ohan taguy atigana an tagun Apu Dios te hay atigana ya nan pundayawna i Apu Dios an gapuh nan boddang nan Espirituna. Ya nadan mangipabaktu i Jesu Kristu di immannung an tatagun Apu Dios te hiya ya abuh di pundinolanda an bokon nan e pumpakugitan.