1 Chronicles 5:16 - Nan Hapit Apu Dios

¹⁶ Ya datuwe an tinanud Gad ya numbobleda nimpeh ad Basan hi ad Gilead ya nadan bobleh nunli"odan hidi. Ot pumpastolandan namin nadan abalinandan pumpastolan hinan pastuh ad Sharon.

1 Chronicles 5:16 ပူးပေါင်းရင်းမြစ်များ

1 Chronicles 27:29

Ya hi Sitray an i Sharon di niyukodan nadan baka hi ad Sharon. Ya hi Sapat an imbabalen Adlay di niyukodan nadan baka hinan nundotal.

1 Chronicles 5:15

Ya hi Ahi an imbabalen Abdiel an apapun Guni di ap'apuda an himpamu'un.

Kantan Solomon 2:1

Ha"on ya nipaddunga' attog hinan habhabung hinan nundotalanah ad Sharon onu nan ha'ha'lung hinan nalbong.

Isaiah 35:2

Ta matigoy habhabung hidi an ayda mungkantah amlongda. Ta umatdah nan malumong an puntanoman hi ad Sharon ya nan pumpastolan hi ad Karmel ya umatda boh nan munlangtan muyung hinadan billid an nungngadan hi Lebanon. Ta mipatigoy amaphod Apu Dios ya nan anabaktuna.

Isaiah 65:10

Ya numbalino' hi ad Sharon hi pumpastolan datuwen mangun'unud i ha"on hi kalneroda. Ya nan nundotal hi ad Akor di pumpastolandah bakada.

Apostoles 9:35

Ta dakkodakkol nadan i Lidda ya i Sharon an nanigo i diyen nipaphodan Eneas ot kumulugdah nan Ap'apu ta'un hi Jesu Kristu.

Joshua 13:24

Ya hay indat Moses hi numboblayan nadan tinanud Gad

Joshua 13:28

Ta danae nadan boble an nidat hinadan tinanudan Gad.