1 Chronicles 14:3 - Nan Hapit Apu Dios

³ Ya hidin nunhituh David hi ad Jerusalem ya inudmana nadan ahawana ta na'udman di imbabalena an linala'i ya binabai.

1 Chronicles 14:3 ပူးပေါင်းရင်းမြစ်များ

2 Samuel 5:13

Ya hidin tinaynanah ad Hebron ot umeh ad Jerusalem ta e nunhituhdi ya inudmanay ahawana ya baalnan imbilangnah ahawana ta na'udmanday imbabalena an linala'i ya binabai.

1 Patul 11:3

Ta hay ngammut di ahawana ya pituy gahut (700) an i'imbabalen di papatul ya nat'on bo nadan imbilangnah ahawana an tuluy gahut (300). Ta datuwen binabaiy nangitudtudun hiya an umadawwi i Apu Dios.

1 Chronicles 14:2

Ya na'innilaan David an hi Apu Dios di nangiyabulut an hiyay patul nadan tinanud Israel. Ot ihamadnay pun'ap'apuwan David an gapuh nadan tataguna an tinanud Israel.

1 Chronicles 14:4

Ta hay ngadan dadiyen niddum an imbabalena ya hi Sammua ya hi Sobab ya hi Nathan ya hi Solomon ya

1 Chronicles 28:5

Ya hay pinto'nah nadan dakol an linala'i an imbabale' hi mihukkat i ha"on an mumpatul i dita'un tinanud Israel ya hi Solomon.

Ecclesiastes 9:9

Ya hanat mun'am'amlong ta'uh nan ahawa ta'u. Ta hiyay pohpohdon ta'u ituwen na'omtang ya naligat an pi'taguwan ta'u. Te hituwe ya ammunay indat Apu Dios hi gun'udon ta'u.

Malakay 2:14

On inaliyuy, Tanganu mahan on dita'u din'ug i Apu Dios. Ibaga' i da'yun manu'e ya imbahhoyu din imbagayuh nan ahawayuh din mangmangngilog ayu ni' an alyonyuy adiyu ibolhe. Mu ad uwani ya aggeyu impa'annung ya de bo udot an hi Apu Dios di binagaanyuh muntistigu i diyen nun'ahawaanyu.

Matthew 19:8

Ya alyon Jesus di, Hidin hopapna ya adi athina. Mu manu'eh inyabulut Moses ya gapu ta ngohayonyu nadan nituddun da'yu.

Deuteronomy 17:17

Ya mahapul an adina dakolon di ahawana te hidiyey lummuh pan'uganan Apu Dios. Ya mahapul an adina agan hi amung hi silber ya balitu'.