1 Chronicles 11:5 - Nan Hapit Apu Dios

⁵ Mu alyon nadan i Jebus i David di, Adiyu mahna abalinan an hogpon tun boblemi. Mu hinggop damdaman da David hidiyen binattuy aladna hi ad Zion ot abakonda dida ot ngadanandah boblen David.

1 Chronicles 11:5 ပူးပေါင်းရင်းမြစ်များ

2 Samuel 5:9

Ot e munhituh David i diyen binattuy aladnan boble ta hiya nan nginadananda nimpeh boblen David. Ot ipatpingna nan nunlini"odan diyen boble ta bimmilbillog nan numboblayanda.

2 Samuel 6:10

Ya adina mo pohdon an iyanamut nan Kahun hi boblena ta inhingngiday inwada ot eda iha"ad hi balen nan i Gat an hi Obed-Edom.

2 Samuel 6:12

Ya hidin dingngol David an winagahan Apu Dios nan pamilyan Obed-Edom ya an namin an wada i hiya an gapuh nan Kahun an nittuwan nan Hapit Apu Dios an niha"ad hi balena ot ume da David ot eda alan hidiyen Kahun ot iyanamutnah boblena an nunhiglay amlongda.

1 Patul 8:1

Nan patul an hi Solomon ya impa'ayagna nadan ap'apun munhilbin hiya ya nadan ap'apun di himpahimpamu'un an tinanud Israel ta eda alan nan Kahun an nittuwan nan Hapit Apu Dios hi ad Zion an boblen David hidih ad Jerusalem.

1 Chronicles 11:4

Hidin agge ni' nunhitu hi David hi ad Jerusalem an hay ngadan ni' diyen boble ya hi ad Jebus ya impanguluna nadan ibbana an tinanud Israel ot eda gubaton nadan nunhituhdi.

1 Chronicles 11:6

Hay imbagan David hinadan tindaluna ya alyonay, Nan mamangulun e mangubat hinadan i Jebus ya hiyay mumbalin hi nabaktun opisyal di tindalu'. Indani ya hi Joab an imbabalen Seruyah di namangulu an hinunggop hidi ta hiya moy numbalin hi nabaktun opisyal nadan tindalun David.

1 Chronicles 11:7

Ot e munhituh David hinan binattuy aladnan boble ta hiya nan nginadananda nimpeh boblen David.

2 Chronicles 5:2

Ot ibagan Solomon hinadan ap'apun munhilbin hiya ya nadan ap'apun di himpahimpamu'un ta eda alan nan Kahun an nittuwan nan Hapit Apu Dios hi ad Zion an boblen David hidih ad Jerusalem.

Psalm 122:5

Ya hitu boy punhituwa' an mun'ap'apu ya ta'on on nadan mapalpalog an tanuda' an mumpatul.

Psalm 132:13

Te hi ad Zion di pinto'mu hi punhituwam

Psalm 2:6

Ya hidih nan nabillid an niyappit i hiya an ma'alih ad Zion ya wahdiy pinto'na tuwali an Patul.

Psalm 48:2

Hidiyen ma'alih Zion ya nabillid ya ma"aphod ta hanada'en tatagun malpuh abobboble an manigo ya umipa'amlong i dida. Ya hidiye nan boblen niyappit i Apu Dios an na'abbaktun patul.

Psalm 78:68

Te ha moy pinto'na ya nan boblen nadan tinanud Judah hidih nan nabillid hi ad Zion an pinpinhodna.

Psalm 87:2

Te hidih ad Zion di pinpinhodna hinadan boblen di tinanud Israel.

Psalm 87:5

Te ha"on an na'abbaktun Dios ya pumbalino' hi ma"aphod an boble ta mundongol ta ahi way ohaon alyonay, Niyayyama' hi ad Jerusalem.

Psalm 9:11

Ot ikantamiy pundayawmi i he''a Apu Dios an Ap'apuh ad Zion. Ya ipa'innilamih abobboble nadan in'inatmu.

Roma 9:33

Ya impitudo' tuwalin Apu Dios hidin nadney a'at nae an alyonay, Hinan bobleh ad Zion ya iye' hidi han mi'alig hi batu an ihali'dudan di tatagu ya mi'alig boh doplah ta agahanda mu nadan mangabulut i hiya ya adida muntutuyuh eda nundinolan i hiya.

Hebrew 12:22

Mu dita'u'e ya adi athidiy ma'at hi panginnilaan ta'u i Apu Dios te wa'et kimmulug ta'u ya niddum ta'uh nadan mundayaw hinan nahamad an billid hi ad Zion hidih ad Jerusalem. Mu hidiye ya bokon mo hitun lutay awadana te hi ad abunyan an boblen nan wadawada an Dios. Ta middum ta'un mi'yam'amlong hinadan linibun a'anghelna.

Nipa'innila 14:1

Hidin intangad'u ya nangitiga' nan ma'alih Kalnero an timma'dog hinan nabillid hi ad Zion an didan namin hinadan hinggahut ta napat ta opat di libun (144,000) tataguna an nimalkah uluday ngadana ya nan ngadan Amana.

Judges 19:10

Mu adi mahan mo mihapitan hidiyen tinanud Libay. Ta indadaana nan duwan dongki ot makakdan tulu an inipluydah ad Jebus an hay ngadanah ad uwani ya ad Jerusalem.

1 Samuel 17:26

Ya mummahmah David hinadan tindalun nihaggon i hiya an alyonay, Nganne anuy midat hi gunggunan nan mamaten diyen ongal an tagu ta ma"id ha e umangi'angit i dita'un tinanud Israel? Te undan nganne ihyah naen mungngohen Apu Dios an i Pilistia ta ena angi'angiton nadan tindalun nan wadawada an Dios?

1 Samuel 17:36

Ha"on an baalmu ya pinatepate' di layon ya bear. Ot namama mo i naen mungngohen Apu Dios an i Pilistia an ngohayona nadan tindalun nan wadawada an Dios.