Taitọs 2:12 - Ibani New Testament

¹² Anị tọ́rụ́kụrụkụ́rụ́ ma diearị ḅẹ́, Tamuno bie ófórigha duma sịghị pịghị tuminikiri ma tọ́rụ ḅẹlẹ sịghị warị ḅụ ọlọ duma kọọ, tụ́ghụ́ sẹ na Tamuno dighi ḅáláfa duma kọọ mị tuminikiri ma ḅụ,

Taitọs 2:12 ပူးပေါင်းရင်းမြစ်များ

Matiu 12:32

Sii ẹ́gẹ́rẹ́kọ Tumḅọ yii Tụwọ ma pịrị ḅo gonyẹ́ gonyẹ́ nnị siiḅụḅarasi n ḅo pịrịbẹm, kụma sii ẹ́gẹ́rẹ́kọọ Tọ́ntọ́ Tẹ́mẹ́ ma pịrịḅọ nnị siḅụḅarasi n ḅọ pịrịbịgha, mị tuminikiri ma ḅụ na pịghị ḅọ bẹnyẹ ma ḅụ.

Matiu 16:24

Anịsáa Jizọs warị dugho ori ọḅụduaapụ pịrị, <<Ḅọ́rọ́ i dua bẹḅọ fịnịfịnị, anịḅọ ma n ḅọ ḅụ pighibẹm sị n ḅọ mgbẹsẹ sị́ dighi akị sị i dua.

Matiu 28:20

Pịghị a tọ́ọ ọ pịrịmaá nyẹ mamgba pa n diearị. Karakárányẹ, a pịghị ọmịnị na imi sámámgba, akị muu tuminikiri ma kunema sáá.>>

Ibi Oku Ma Luk Anị Gịẹ Ḅara 1:6

Nnị mmẹapụ karakárá ibiamịẹnyẹ nyánam Tamuno tórúku, pịghị Kị́nị́nyánáḅọ ólóghó mamgba kokom.

Ibi Oku Ma Luk Anị Gịẹ Ḅara 1:75

Tọ́ntọ́ na pịghị karakárá mịẹnyẹ ḅụ fịnị ọ tórúku wámịna duma éné mamgba.

Ibi Oku Ma Jọn Anị Gịẹ Ḅara 14:30

A mịnị ọ nana ẹ́gẹ́rẹ́kọ ḅọlọbịgha, tegó mịị tuminikiri ma táarịḅọ ḅoarị. Ọ kụ́rọ nyanagha ịḅụ,

Ibi Oku Ma Jọn Anị Gịẹ Ḅara 6:25

Nnị o dọghụ pághámaḅo sáá isi párángáa tọ́rụ́ ma ḅụ, nnị o gbilam, <>

Fịrị Ḅara 24:16

Anịgo a ị́yẹ́ ịnyọ la ḅárá mịẹm sị árị ḅẹ́ a fíafía kúkúbie nyánam Tamuno tórúku na pịghị túminị́ tórúku.

Fịrị Ḅara 24:25

Kụ́ma Pọl saghị ibiamịẹnyẹ, na ine ḅụ ọlọ, na pịghị ḅoarị ḅẹ́rẹ́kọ éné ma dughoarị sáá, ḅáláfaa warị Fẹlis ḅụ sọọ, ọ warị ọ ḅẹẹ, <>

Romapụ 12:2

Mịnị tuminikiriapụ dua nnị nyẹ mịẹmịẹ ḅara pa nyẹ mịẹma, kụ́ma wárịso Tamuno biebẹ ọ dima, anịị káara ḅara pa ọmịna kúkúbie dima. Anịsa, o nimibẹm Tamuno ma tọ́nyẹ, ibi nyẹẹ, ọḅụ ḅẹ́lẹ́nyẹ pịghị kpain nyẹ.

Romapụ 6:12

Anịgosi ọ minima sị sii kụ́rọ nyáná ọmịna fịị bẹ ojumẹnị ma pịrị, sị anị tarị siinyẹ gonyẹ́ gonyẹ́ mịẹ.

Romapụ 6:19

A éné gonyẹ́ gonyẹ́ ḅụ ọ naarị ẹ́gẹ́rẹ́ pa nyẹ pa o diem ọmịna pologha akanyaḅo gosi. Gbẹ́rẹ́sa biri ọmịnị ọmịna ḅụgbọrụ saghị pa ómóniapụ mịẹ ịlọ́lị duma na ólóghó bịpị pughugha duma pịrịm, anị gbẹ́rẹ́ ḅara ma ọmịnị ọmịna ḅụgbọrụ saghị pa ómóniapụ mịẹ karakárá ibiamịẹnyẹ pịrị, tumḅọ dighi mú tọ́ntọ́ duma bie súúarị nyẹ.

Romapụ 8:13

Ḅẹẹ ọ duma kọ ọmịna ojumẹnị ma dọghụarị ḅara, ọ fị́ị́bẹm; kụ́ma ḅọ́rọ́ ọ Tẹ́mẹ́ ḅụ ọmịnị ojumẹnị siiamịẹnyẹ ma ḅa nḅẹḅẹ́ o dumabẹm.

2 Kọrịntịapụ 1:12

Wa bịpịkpọm ḅẹẹ wámịna tẹ́mẹ́bie kụ́rọ kúkúbie pa wa pịrịm ḅẹẹ wámịna duma mị tuminikiri wa pịghị ibima ó nana nyáná gboloma mịẹnyẹ ma, ọ́ Tamuno ḅara sághị ḅo karakárá, na gbụ́nụ́nụ́ na Tamuno tọ́rụ́kụrụkụ́rụ́ kụ́rọ ḅụ ḅọ́rọ́ tumḅọ nyẹ́nimi ḅụ ḅọ́rọ́gha pa.

2 Kọrịntịapụ 7:1

Ị́yẹ́ ibi nángwọ́apụ mịnanyẹ mamgba n minini pa wa pịrịm, anịgo wa wámịna ḅụ mịẹ fiafiama, wámịna oju anịgha wámịna tẹ́mẹ́ ịlọlịma bẹnyẹ gonyẹ́ gonyẹ́ ḅụ, wa pịghị káara ḅara ḅụ tọ́ntọ́ duma kọọ Tamuno ḅụ.

Galesiaapụ 1:4

Krais ori duma pa igwagwaá wa pịrịm wámịna sii gosi, Tamuno Daḅọ ma bi ḅara.

Galesiaapụ 5:24

Krais Jizọs ḅụ fịnịapụ ma gonyẹ́ gonyẹ́ nna ojumẹnị na anị tarịarịnyẹ ma ḅamam sị ánị fịị.

Ẹ́fịsọsapụ 1:4

Ḅọlọmaa sáá, Tamuno náa tuminikiri ma tẹ́mẹ́gha sáá, ọ wa sẹ́lẹ́akịm ḅẹ́ wamịnị ori a túminị́ sọọ Krais ḅụ ḅọ́rọ́, ḅẹẹ wa tọ́ntọ́ ḅụ fịnị sị bịpị ḅụ laagha ḅara pa fịnị ọ toruku. Ori ḅẹlẹma gosi

Ẹ́fịsọsapụ 2:2

Anịsáa ma ọ tuminikiri sii asọ nwángịm, ọmịnị ọgọnọ bie fịnị kụ́rọ sitẹ́mẹ́ táarịḅọ ma bịpị pughum, mị́sa ḅẹrẹtọ mini Tamuno osighaapụ ma pịrịarị Tẹ́mẹ́.

Kolosiapụ 1:22

Kụ́ma mị́sa Krais ojumẹnị fịị ma ḅụ ḅọ́rọ́ ọ nangwọapụ pa omiẹmam sị ọ tọ́ntọ́ ḅara pa ọmịnị akuoo ọ tórúku fu na túminị́ bịpị oju laagha ḅụ.

1 Tẹsalonaikaapụ 4:7

Tamuno wa sịgha ḅẹẹ wa ḅo yáakuu ḅụ ofori nwángị kọọ, kụ́ma wa tọ́ntọ́ ḅụ fịnị.

1 Tẹsalonaikaapụ 4:9

Mịnaapụ ma ḅẹlẹma gbolomanyẹ, o bigha gbẹ́rẹ́ḅọ sọ anị gbolomanyẹ gịẹ ọ pịrị Tamuno ọ ḅara na pa o diemam ọ jụghọ jụghọ ḅẹlẹma bẹ ḅara.

1 Timoti 4:12

Minima gbẹ́rẹ́ḅọ so idighialima ḅẹ́ ịrị ásátụ́wọ, kụ́ma mininiapụ ma ogbo arịị ḅẹ́ ịrị anịị nnị tọ́rụ́ saghị dighi bẹḅọ, ẹ́gẹ́rẹ́ bịpị ḅụ, ị́yẹ́ mịẹmịẹnyẹ ḅụ, ị́yẹ́ ḅẹlẹma ḅụ, ị́yẹ́ minini ḅụ na pịghị ị́yẹ́ tẹ́mẹ́bie fíafía ḅụ.

1 Timoti 6:17

Kụrọ ḅara pa dugho mị tuminikiri ngọ ma nyánáapụ pịrịị ḅẹ́ nnị opuamịẹnyẹ mịẹma, anịgha tẹ́mẹ́ gbánā dima dima koroarị nyẹ ḅụ, anịị tuminikiri ngọ kụma Tamuno ḅụ, nyẹ gonyẹ́ gonyẹ́ pa wásáma wa pịrịḅọ sị wamịnị anị pa wa ḅụ tii.

1 Timoti 6:9

Kụ́ma igbii nyána biiapụ daádighi bie sọsọm n warị pịghị mánámāná ojumẹnị tarịarị oḅori nyẹ na nyẹ pa túminị́ láama bẹ dia ḅụ koro, n nụ́nụ́ kiri kórómaarị nyẹ sị pịghị n guluguluma.

2 Timoti 3:12

Tụ́manyẹ ḅụ Tamuno kịka duma kọọdoghuḅo gonyẹ́ gonyẹ́ Krais Jizọs bie nnị nḅọ pa tọ́rụ́siarịmabẹm.

2 Timoti 4:10

Demas mị tuminikiri ma ḅẹ́lẹ́mam gosi ori i kọ́rọ́ma soó Tẹ́salonaika múm. Kresensi soó Galesia múm, Taitọs warị Dalimasia muu.

Taitọs 3:3

Wamịnị sọ gbẹ́rẹ́sa biri pịghị oḅorisọm, bịpị osigha, nnị wa daa asọ irima. Wa pịghị omoni sọ wámịna ojumẹnị binyẹ gonyẹ́ gonyẹ́ pịrịm. Wa pịghị wámịna duma kọarị sisịbịbie sua ḅụ, jughonyemọni, jẹapụ imi wa ḅẹ́lẹ́maghaapụ, wamịnị sọ n ḅẹlẹmagha.

Hiburuapụ 8:11

Gbẹ́rẹ́ḅọ sọ amịna mịnaḅọ diebịgha, anịgha dugho n ḅo na kikiama angaá ḅo pịrị, Nnị Kị́nị́mamgba i nimibẹm, nna ḅụ ịrụḅa ḅo akị mú dụḅaḅá ḅo láa.

Jems 1:27

Tamuno Daḅọ árị sị kpain pịghị karakárá Tamuno nimi, ọ́ nyingi na daa ófórigha awọ ma tákubiri, na pịghị dee oforighaapụ ma nna tọ́rụ́siarị ḅụ, pịghị minigha sị tuminikiri ma n ḅọ sima.

2 Pita 2:9

Mịnanyẹ mamgba diearị ḅẹ́ Kị́nị́nyánáḅọ ma so nimim ọ Tamuno dighi ḅáláfaapụ ma duaḅọ́rọ́maarị ḅara nna daádighi ḅụ, sị pịghị sii túminị́ ma pa tọ́rụ́siarị ḅụ kóróma ḅẹ́rẹ́kọọ éné la.

2 Pita 3:11

Mịnanyẹ ma mị ḅara pa gulugulufama bẹ ḅara ma, ọmịnị anịị tọ́rọ fịnị túminị́ ḅara? Ọ tọ́ntọ́ duma kọọ, pịghị ọmịna ḅụ saghị Tamuno ḅárásua,

1 Jọn 2:27

Kụ́ma ọmịnị, Krais ori Tọ́ntọ́ Tẹ́mẹ́ pa ọmịna ḅụ saramam. Ọ Tẹ́mẹ́ ọ nana fịnị sa gonyẹ́ gonyẹ́ o biigha gbẹ́rẹ́ḅọ so nyẹ pa o die. Ọ Tẹ́mẹ́ nyẹ́ gonyẹ́ gonyẹ́ pa o diebẹm, ọ pa ọ dienyẹ ma karakárányẹ, iruonyẹ anị bie ofori, Tẹ́mẹ́ ma dienyẹ bịpị pughu, anịsa i Krais na gbẹ́rẹ́ḅụ ḅụ fịnịbẹm.

1 Jọn 2:6

Bẹḅọ gonyẹ́ gonyẹ́ ḅẹ́ n ḅọ Tamuno na bịpị pa ogbo sua nyanam, duma kọọ Jizọs Krais duma kọọ ḅara.

1 Jọn 5:19

Wa nimim ḅẹ́ wamịnị Tamuno awọ, tuminikiri gbọrụ ma sọ sii tumḅọ ma sughubie imi.

Judu 1:18

Nnị dugho ọ pịrịm ḅẹẹ kunema éné ma ḅomaẹrẹ, túminị́ págháḅobẹm ọ kpọtibẹapụ, Tamuno nimigha sị nna ojumẹnị binyẹ duabẹapụ.

Puu Findi 14:12

Mịma biiarị ḅẹ́, Tamuno túminị́ inema nyánáa anịị Tamuno ologho ma kokoarịapụ na pịghị sẹ́kụrọ Jizọs pịrịapụ.