Romapụ 9:30 - Ibani New Testament

³⁰ Anịsa wa tẹ́ dugho bẹ? Juughaapụ ma karakárá ibiamịẹnyẹ duaghaapụ ma, anị nyanaḅomam, anịị minini ḅụ ḅọ́rọ́ ḅo karakárá ibiamịẹnyẹ;

Romapụ 9:30 ပူးပေါင်းရင်းမြစ်များ

Romapụ 10:10

Wámịna minini ḅụ ḅọ́rọ́ anịị wa ḅọ́rọ́ karakárá ibiamịẹnyẹapụ sọnyẹ Tamuno tórúku; wámịna bịpị ḅụ dugho pághámá nyẹ ḅụ ḅọ́rọ́ anịị wa dụaḅọ́rọ́ma nyánányẹ.

Romapụ 10:20

Aizaya ḅáláfaghaa ḅara pa dughom o dugho sa, I dọghụghaapụ anịị i dọghụ pághámaḅoapụ; I gbilaghaapụ anịị a ḅụ pa dieapụ.

Romapụ 10:6

Kụ́ma Tọ́ndiri ma bie n gịẹ kórómanyẹ, minini ḅụ ḅọ́rọ́ ḅo karakárá ibiamịẹnyẹ ma gbolomanyẹ: < (Anịị mú Krais akuo ḅo.)

Romapụ 3:5

Wa tẹ́ dugho bẹ? Ḅọ́rọ́ wámịna mịẹ irima Tamuno ma karakárá ibiamịẹnyẹ ma die pághámaḅoarị, wamịnị ine dugho bẹ ḅẹ́, Tamuno irimam o fomḅara pa wa fom sa? (A tumḅọ ḅara pa gbilaarị.)

Romapụ 4:11

Ọḅụkụ́nọma nnị o tọ́ngọ̄ pẹ́lẹ́m, mịị tọ́ngọ̄ pẹ́lẹ́ma anịị pa ilíghíma sua die ḅẹ́, ori minini gosi Tamuno ori ákịm karakárá ibiamịẹnyẹḅọ ḅara, na nnị o tọ́ngọ̄ pẹ́lẹ́gha sa. Anịgo Ebraham anị Tamuno ḅụ mininiapụ mamgba daa, Tamuno pịghị nna ákịm karakárá ibiamịẹnyẹapụ ḅara, na nnị tọ́ngọ̄ pẹ́lẹ́gha n ḅẹ́sọ.

Romapụ 4:13

Tamuno minini Ebraham na o furobie págháḅoapụ pịrị sa ḅẹ́ tuminikiri ma o nyẹ́ sọ́bẹm, ori ọkọ mịẹm ḅẹgha ḅẹ́ Ebraham ólóghó ma kokom, kụ́ma o mininim Tamuno warị karakárá ibiamịẹnyẹḅọ ḅara pa ori ákị.

Romapụ 4:22

Anịị, <>

Romapụ 4:9

Deviti ḅẹ́rẹ́ ḅẹarị karịibima ma, anị fịnị tọ́ngọ̄ pẹ́lẹ́apụ ma ngéré pịrịị? Ọkọ fịnịgha! Anị pịghị fịnị tọ́ngọ̄ pẹ́lẹ́ghaapụ sọ pịrịm. Wa Tọ́ndiri ma dughonyẹ dughom, <>

Romapụ 5:1

Mị́sa, minini ḅụ ḅọ́rọ́ n karakárá ibiamịẹnyẹapụ pa wa mịẹmam Tamuno bie, wa Tamuno na diin nyánam wámịna Nyánáḅọ Jizọs Krais ḅụ ḅọ́rọ́.

Romapụ 9:14

Anịsa wa tẹ́ dugho bẹ, Tamuno ọ karakáragha? Ọkọfịnịnyẹ ofori.

Romapụ 9:31

kụ́ma Izirẹlịapụ ma ologho ma duaarịapụ ḅẹ́ nnị karakárá ibiamịẹnyẹ asọ ine nnị dọghụarị nyẹ nyánaḅogha.

Galesiaapụ 2:16

Anịsọ wa nimim ḅẹ́ tumḅọ ḅo Tamuno na karakárá ḅụ fịnịm, anị tumḅọ ma Krais ḅụ nyáná minini ḅụ ḅọ́rọ́, ólóghó ma dughonyẹ mịẹgha ḅụ. Wamịnị sọ Krais Jizọs ḅụ mininimam sị nnị wa pa Tamuno na karakárá ḅụ warị, Krais Jizọs ḅụ wa nyáná minini ḅụ ḅọ́rọ́, ólóghó ma dughonyẹ mịẹgha ḅụ. Ḅẹ́ nnị ólóghó ma ngéré dughonyẹ mịẹarịḅọ pa Tamuno na karakárá ḅụ warịbịgha.

Galesiaapụ 3:24

Anịgo ólóghó ma anị wa didighiḅọ, akị mú Krais ḅo sáá láa, sị minini ḅụ ḅọ́rọ́ n wa pa Tamuno na karakárá ḅụ ḅụ fịnị.

Galesiaapụ 3:8

Tọ́ndiri ma pághá bẹnyẹ ma dugho kórómamam ḅẹ́ Tamuno Juughaapụ ma pa ọ ḅụ na karakárá ḅụ ḅụ warịbẹm, minini ḅụ ḅọ́rọ́. Anịgo ibi oku ma dugho Ebraham pịrịmam ḅẹẹ, <<Ịḅụ ḅọ́rọ́ Tamuno tuminikiri sẹ gbọrụ karịibimabẹm>>.

Galesiaapụ 5:5

Kụ́ma wamịnị, wámịna tọ́rụ́ dighinyẹ anịị ḅẹ́ Tamuno wa pa ọ nana karakárá ḅụ warịbẹm; mịma anị wa kúruarị nyẹ, Tamuno Tẹ́mẹ́ ma mị fịrị ma nwángịarị wámịna minini ḅụ ḅọ́rọ́.

Ẹ́fịsọsapụ 2:12

Anịsáa ma ḅụ, nnị o fófóomam Krais ḅụ, ọmịnị igoniapụ, pịghị Tamuno sẹ́lẹ́akị Izirẹlịapụ ma na oforii, ọmịnị ọḅọọ ma ḅụ dienyẹ nyanagha, Tamuno mini ori a túminị́ pịrịnyẹ ḅụ gbananyẹ, o mịị tuminikiri bie imim, ọ Tamuno nimigha, ọ pịghị tọ́rụ́ dighinyẹ nyanagha.

Filipaiapụ 3:9

A ḅo ịḅụ dọghụḅọ sáá ọ ḅụ, a mịnị i ḅárákúu karakárá ibiamịẹnyẹ nyanagha túminị́ ólóghó ma koko ḅụ nyánáarị nyẹ́maghaa. Mị́sa a nyáná karakárá ibiamịẹnyẹ anị n pịrịarịnyẹ ma tumḅọ minini Krais ḅụ ḅọ́rọ́, Tamuno ḅara saghị ḅoarị karakárá ibiamịẹnyẹ ma minini ḅụ anịị anị saghị ḅoarị nyẹ.

1 Timoti 6:11

Kụ́ma ịrịị, Tamuno tumḅọ ịḅụ darịma mịnanyẹ mamgba ḅụ, karakárá ibiamịẹnyẹ dọghụ pa sịbị sághị, Tamuno nimi, minini, ḅẹlẹma, ngịrịma na diin mịẹnyẹ.

Hiburuapụ 11:7

Minini anị Nuwa mịẹsị ọ Tamuno birinụ́nụ́ náanyẹ, tórúku ju fịnịnyẹ gbolomanyẹ, ori arịgha nyẹ ọ Tamuno bịpị pughum si mú árụ́ nama, ori na ọ wárị gbọrụ ḅọ́rọ́ ḅọ́rọ́ma nyána ḅara. Anị ḅụ ḅọ́rọ́ tuminikiri gbọrụ gulugulumam, minini ḅụ ḅọ́rọ́ Nuwa karakárá ibiamịẹnyẹ nyánaḅom Tamuno ḅara.

1 Pita 4:3

Ọ tọgha sa ngumamam ḅọ́rọ́maa sa, ọ Tamuno nímighaapụ ma dua n mịẹarịnyẹ mịẹ sa, ọmịnị ọmịna duma famam, ḅụ ọlọgha ámánwángị, kuraghaa nyẹ pụghọ tarị, iru ḅụ tọ́rụ́ḅáma, fị na ḅụ bieḅẹlẹ, iru ḅụ ti kóróma, pịghị oḅori pa kị́nị́ sị, opuma ḅụ pa n kara tamuno tẹ́ghẹ̄ pịrị.