Romapụ 8:9 - Ibani New Testament

⁹ Kụ́ma ịrị ị́ ị́yẹ́ ojumẹnị dugho ḅara pa duma kọgha, anịmanakaragha ị́ Tẹ́mẹ́ ma dugho ḅara pa duma kọm, ḅọ́rọ́ tụ́manyẹ ḅẹ́ Tamuno Tẹ́mẹ́ ma ọmịna biebẹ ngam. Krais Tẹ́mẹ́ ma nyánághaḅọ gonyẹ́ gonyẹ́ Krais tumḅọgha.

Romapụ 8:9 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 11:13

Ḅọ́rọ́ ọmịnị sii láa ḅara pa siiapụ nimim ọ mịnị ibinyẹ pa ọmịnị awọ pịrị ḅara, ọmịna sobie Daḅọ ma anịị ori Tọ́ntọ́ Tẹ́mẹ́ pa ọ ḅara biapụ pịrịbịgha ḅọ?>>

Ibi Oku Ma Jọn Anị Gịẹ Ḅara 14:17

Mịị ḅárásuaḅọ ma ori anịị Tọ́ntọ́ Tẹ́mẹ́ ma tụ́manyẹ ma pa túminị́ diearịḅọ. Tuminikiri ma ine ọ daa kórómabịgha tegó nnị ori arịgha anịgha o nimi. Kụ́ma ọmịnị o nimim ori ọmịnị na ngáarị gosi ọ pịghị ọmịna bie fịnịbẹm.

Ibi Oku Ma Jọn Anị Gịẹ Ḅara 14:23

Jizọs pagharam, <

Ibi Oku Ma Jọn Anị Gịẹ Ḅara 3:34

Tamuno fịrịmaḅọ ma Tamuno ẹ́gẹ́rẹ ma kọarị, ḅẹ́ Tamuno ẹ́kẹ́tọgha ḅara pa ori Tọ́ntọ́ Tẹ́mẹ́ ma pịrịarị.

Ibi Oku Ma Jọn Anị Gịẹ Ḅara 3:6

Ojumẹnị ojumẹnị yiim, kụ́ma Tẹ́mẹ́ ma Tẹ́mẹ́ yiim.

Fịrị Ḅara 16:7

Nnị ḅo Misiya na dama dama sa, nnị asọ dọ́ghụm bẹ nnị ine ḅọ́rọ́ Bitiniya sọọ, kụ́ma Jizọs Tẹ́mẹ́ mini n pịrịgha.

Romapụ 7:5

Wamịnị ojumẹnị ḅụ duma kọ sa, ojumẹnị ma tarịarị siinyẹ, ólóghó ma timi saghị nyẹ, fịrịnwangịarị wámịna oju bie, fịị anị mịnanyẹ mamgba dighiḅọ nyẹ.

Romapụ 8:1

Anịgo Krais Jizọs na gbẹ́rẹ́ ḅụ ḅụ fịnịapụ ma, ḅẹ́rẹ́ mịnị nna ḅárasigha.

Romapụ 8:11

Ḅọ́rọ́ fịị ḅụ Jizọs Krais saghịma Tamuno Tẹ́mẹ́ ma ọmịna biebẹ ngam, anịsa ori Krais saghịma ḅọ fịị ḅụ pịghị duma pa ọmịna fịị bẹ ojumẹnị ma pịrịbẹm. Ọ Tẹ́mẹ́ ọmịna oju bie ngáarị nyẹ ma ḅụ ḅọ́rọ́ mịma mịẹbẹm.

Romapụ 8:2

Tegó, Krais Jizọs ḅụ ḅọ́rọ́, Tẹ́mẹ́ ólóghó ma duma pịrịarịḅọ, i dụaḅọ́rọ́māmám, sii na fịị ólóghó ma ḅárabie.

1 Kọrịntịapụ 15:23

Ọ́rụ́ḅọ ọ́rụ́ḅọ n ḅo karakárá sáá, Krais ori ma anịị párị, anịsáa ọ pịghịma ḅomaẹrẹ, ọ ḅụ mininiapụ fịị ḅụ saghịbẹm.

1 Kọrịntịapụ 3:16

Tụ́mányẹẹ ọ nimim ḅẹẹ ọmịnị Tamunowarị Tamuno Tẹ́mẹ́ pịghị ọmịna ḅụbie ngam.

1 Kọrịntịapụ 6:17

Kụ́ma amịna ḅụ pa Kị́nị́nyánáḅọ na gboloma ḅọ ọ nana gbẹ́rẹ́nyẹ sọọm tẹ́mẹ́bie.

1 Kọrịntịapụ 6:19

O nimigha mọ ḅẹ́ ọmịna oju anị Tọ́ntọ́ Tẹ́mẹ́ ma Tamuowárị, ọmịna bie ngaaḅọ, Tamun pịghị pa ọ pịrịḅọ? Ọmịnị ọmịna ḅụ nyánágha kụ́ma Tamuno anịị ọ nyánányẹ.

2 Kọrịntịapụ 10:7

Ọ nyẹ dighiarị anị fịnị ḅara ọgọnọ ọgọ́nọ́. Ḅọ́rọ́ tumḅọ biekpọma nyánam ḅẹ́ n ḅọ Krais nyẹẹ, anịḅọ ma pịghị sima akanyaḅo ḅẹ́, wamịnị sọ Krais nyẹẹ, n ḅọ ma so Krais nyẹẹ ḅara ma.

2 Kọrịntịapụ 6:16

Tamuno wárị na nkára tamuno nnị tẹ́ mịẹnyẹ nyáná gboloma bẹ. Wamịnị anị dúmagbámásó Tamuno ma wárị: Tamuno ọ ḅụgbọrụ ḅẹ́ ḅara ma ḅẹẹ. A nnị na ngábẹm pịghị nna ogbobie nwángị ikelekelé, a Tamuno sọ n pịrịbẹm nnị sọ ịyẹa túminị́ sọ́bẹm.

Galesiaapụ 4:6

Túminị́ árị bẹ ḅara ḅẹ́ ọmịnị mị́sa ori awọọ, Tamuno ọ Tụwọ Tẹ́mẹ́ fịrịmaḅom anị ḅo o bie fịnị. Tẹ́mẹ́ anịị owuarị nyẹ, <>

Galesiaapụ 5:24

Krais Jizọs ḅụ fịnịapụ ma gonyẹ́ gonyẹ́ nna ojumẹnị na anị tarịarịnyẹ ma ḅamam sị ánị fịị.

Ẹ́fịsọsapụ 1:13

Ọmịnị sọ ḅo Krais túminị́ sọm ọ tụ́ma ẹ́gẹ́rẹ́ ma náa sáá, dụaḅọ́rọ́ma akuoo ọ pịrị ibi oku ma, ọ Krais ḅụ mininim, Tamuno pịghị o mini Tọ́ntọ́ Tẹ́mẹ́ pa ọmịna ḅụ ilíghíma suam ḅẹ́ ọmịnị onyẹẹ.

Ẹ́fịsọsapụ 2:22

Ori ḅụ ọmịnị Juughaapụ so, na jẹ́apụ na; nnị ọ nama gbólomaarị gbẹ́rẹ́ angaá, Tamuno ọ Tẹ́mẹ́ ḅụ ngá angaá.

Ẹ́fịsọsapụ 3:17

A pịghị tẹ́ghẹ̄arị ḅẹ́ minini ḅụ ḅọ́rọ́ Krais ọmịna tẹ́mẹ́bie ngábẹm sámámgba. A pa tẹ́ghẹ̄arị ḅẹ́ ọmiẹ bẹnyẹ gonyẹ́ gonyẹ́ ọ ḅẹlẹma ḅụ ḅọ́rọ́ anị mịẹ,

Filipaiapụ 1:19

Tegó a nimim ḅẹ́ ọmịna tẹ́ghẹ̄ ḅụ ḅọ́rọ́ na pịghị Jizọs Krais Tẹ́mẹ́ ḅụ ḅoarị ḅárásua ḅụ, nnị i dua pághámaḅobẹm.

2 Timoti 1:14

Wa bie fịnị Tọ́ntọ́ Tẹ́mẹ́ ma kụrọ ḅụ ḅọ́rọ́ nnị pa ị ḅárabie sua ibi nyẹ ma ibima anị wárii.

1 Pita 1:11

Nnị warị ḅụ́kọ́rọ́ma dọghụ, sa ma láa bẹ sa, anị pịghị tọrọ́ pa ḅo bẹ. Mị́sa ma anị n ḅụ fịnị Krais Tẹ́mẹ́ ḅara tụ́ghụ́máarị, die pághámaarị Krais árị bẹ tọ́rụ́siarị pịghị anị dua bẹ ipine.

1 Jọn 3:24

Tamuno ólóghó ma kokoarịapụ, nnị na Tamuno na gbẹ́rẹ́ḅụ ḅụ imii, Tamuno pịghị nnị na gbẹ́rẹ́ḅụ ḅụ imii. Tamuno ma pa wa pịrịmaá Tẹ́mẹ́ gosi wa nimim ḅẹ́ Tamuno wamịnị na gbẹ́rẹ́ḅụ ḅụ imii.

1 Jọn 4:13

Wa ibima nimim ḅẹ́ wamịnị ori na gbẹ́rẹ́ḅụ ḅụ imi, ori sọ pịghị wamịnị na gbẹ́rẹ́ḅụ ḅụ imii, ori ọrẹ Tẹ́mẹ́ pa wa pịrịmam gósi.

1 Jọn 4:4

Ọmịnị ị́yẹ́ ibi awọ, ọ Tamuno ju saghịḅom, ọ pịghị epele ikiakoroapụ ma sọḅamam, tegó ọmịna bie fịnị Tẹ́mẹ́ ma anị kụ́rọ tuminikiri ma bie fịnị túminị́ bie fịnị tẹ́mẹ́ ma nẹngịm.

Puu Findi 13:8

Tuminikiri dumafịnịapụ mamgba susi anị pịrịbẹm, tuminikiri ma na saghịgha sáá nnị ẹ́rẹ́ gịẹ kórómaapụ dumafịnịapụ ma diri bie anịị susi anị pịrịbịghaapụ, mịị diri ma nyánáḅọ anịị n ḅáa Ánáná Tụwọ ma.

Puu Findi 20:15

Nnị nna ẹrẹ gịẹghaapụ dumaapụ ma diri bie nnị n pa kọrịfịnị ésiḅe ma ḅụ gbi suam.