Romapụ 8:7 - Ibani New Testament

⁷ Anịgo túminị́ ḅo Tamuno iruonaapụ sọm nna ojumẹnị ḅẹrẹtọ n pịrịarị sa; mịnaapụ ma Tamuno ólóghó ma kokogha, n pịghị ine anị kokobịgha.

Romapụ 8:7 ပူးပေါင်းရင်းမြစ်များ

Matiu 12:34

Ọmịnị sii ododó awọ, ọmịnị siiapụ tegó sị ibinyẹ dugho bẹ́? Ḅẹẹ, nyẹ kúkúbie ma bie bi wásámāmam n ḅẹḅẹ bịpị ma anị dugho pághámam.

Matiu 5:19

Mịná ólóghó ma ḅụ, anị ḅụ ịrụḅa nyẹ kaá ḅo gonyẹ́ gonyẹ́ pịghị ọkọ pa jẹ́apụ die ḅẹ́ nnị ọkọ mịẹ, ịrụḅaḅọ anịị nnị pa n ḅọ sị bẹnyẹ so ama ásẹ́mẹ́kiri ma ḅụ. Kụ́ma mịná ologhó ma kokoarịḅọ gonyẹ́ gonyẹ́ pịghị mịná ologhó ma pa jẹapụ diearị, mịị ḅọ ma duḅaḅọ anịị nnị pa n ḅọ sị bẹnyẹ so ama ásẹ́mẹ́kiri ma ḅụ.

Ibi Oku Ma Jọn Anị Gịẹ Ḅara 7:7

Tuminikiriapụ ma ine ọ tarịghaapụ sọbịgha, kụ́ma nnị i tarịgha tegó a dugho págháma n pịrịarị ḅẹẹ nnị mịẹarịnyẹ ma siinyẹ.

Romapụ 1:28

Mịná túminị́ ma Tamuno gboloma sị tumḅọ ine nimibẹnyẹ, nnị anị sịghịm gosi nna kóróma ḅụ, Tamuno nna ḅụ ḅárási mịnị tụghụgha kóróma pịrịmam, na nnị mịẹna ibighaa nyẹ ma mịẹ.

Romapụ 1:30

jụghọ jụghọ dughosima, Tamuno lila, jụghọ jụghọ wiri, opuamịẹnyẹ, bịpịkpọ, sámámgba n kórómaarị nnị ḅọ́rọ́ siiamịẹnyẹ mịẹ ḅẹ́ jẹ́ jẹ́ asọ, nyingi na daa na osigha,

Romapụ 3:31

Mịma anị dugho ḅẹ́ mị minini ma gosi wa ólóghó ma gbibuuma? Ọkọfịnịnyẹ ofori; anịmanakaragha wamịnị ólóghó ma mịẹ kụ́rọ́máarị.

Romapụ 5:10

Wamịnị áyá sa Tamuno iruonaapụ, kụ́ma ori oyẹ nángwọ́apụ pa wa mịẹm ọ Tụ́wọ ma fịị ḅụ ḅọ́rọ́. Mị́sa wa Tamuno nángwọ́apụ sọmaa ḅara ma, tẹ́ pịghị kọọ Krais ori duma pa wa duaḅọ́rọ́mabẹm.

Romapụ 7:22

Bẹ ị́yẹ́ duma bie Tamuno ólóghó ma koko i pụghọ tárịm.

Romapụ 8:4

Tamuno mịma mịẹm sị ólóghó ma bi karakárá ibiamịẹnyẹ fịrị ma bí ḅara pa anị ḅụ die bẹ ḅara wámịna ḅụ, ojumẹnị dua duma kọghaapụ kụ́ma Tẹ́mẹ́ ma dua duma kọapụ.

1 Kọrịntịapụ 2:14

Tẹ́mẹ́ ma nyánághaḅọ gonyẹ́ gonyẹ́ ine Tamuno Tẹ́mẹ́ ḅara ḅoo dienyẹ ma daákịbịgha. Ọkọfịnị tumḅọ ine nnị akanyaḅogha, n ḅo ḅụ anị ofori ofori nyẹ kịkam, tegó Tẹ́mẹ́ ma ḅụ ngéré anịị wamịnị ine dienyẹ ma akanyaḅo bẹnyẹ.

1 Kọrịntịapụ 9:21

Anị gbẹ́rẹ́ ḅara ma a Juughaapụ ma na fịrịnwangịarị sáá, a Juughaapụ ma ḅara pa duma kọọm sọ́ḅọ́rọ́ Juuapụ ólóghó ma ịḅụ kụrọ nyanagha nyẹ, sị a ine Juughaapụ ma akuoo Krais pịrịbẹ ḅara. Mịma anị dieghaa ḅẹẹ a Tamuno ólóghó ma kokogha; a karakáráma Krais ólóghó ma sughubie imi.

Kolosiapụ 1:21

Gbẹ́rẹ́sa biri ọmịnị Tamuno bie ḅọlọanga ḅụ imi pịghị ori iruonaapụ ọmịna tẹ́mẹ́bie ọkọarị sịị duma gosi.

Kolosiapụ 2:18

Minima kị́nị́ ḅẹ́rẹ́ pa ọ ḅárá sima, dughoarị ḅọ ḅẹ́, nḅọ nyẹ́nimiḅam, anịị nḅọ múnogha dawọ ḅụ árịarị nyẹ gosi na pịghị nḅọ nyána oḅori pa kị́nị́ sị ḅụ sitéréma ḅụ na pịghị susi soókumuapụ pịrị ḅụ. Mịná túminị́ ma nnị ḅara pụ́nụ́nyẹ nyanagha sị opuamịẹnyẹ mịẹarị nna kóróma ḅụ

2 Timoti 3:4

aka ḅara pa túminị́ túlúma ḅẹ́rẹ́ ḅụ suu, sịbịbie kiẹgha pa nyẹ mịẹ, nọmụ ḅara pa opuamịẹnyẹ mịẹ, fị na ḅuu na ḅẹlẹma tụ́ma Tamuno ḅẹlẹma nakaragha.

Hiburuapụ 8:10

Kị́nị́nyánáḅọ ḅẹ́m ḅẹẹ mị́sa mị anị a Izirẹlịawọ na fị bẹ ọḅọọ, ḅoarị sáá, a ị́yẹ́ ólóghó pa nna kúkúbie suabẹm. A pịghị nna tẹ́mẹ́bie ḅụ gịẹ kórómabẹm. Ịrị nna Tamuno sọ́bẹm nnị pịghị ịyẹa túminị́ sọ́bẹm.

Jems 4:4

Ọmịnị ine Tamuno na sẹghaapụ, o nimigha ḅẹ́ tuminikiri ma na nangwọ sọọ anịị Tamuno na iruonaḅọ mịẹ? Dọghụḅọ gonyẹ́ gonyẹ́ ḅẹ́ n ḅọ tuminikiri na nangwọ sọọ, Tamuno iruonaḅọ sọmam.

2 Pita 2:14

Nnị ọ́rụ́ḅọ árị sa gonyẹ́ gonyẹ́ nnị ánáná gboloma dọ́ghụm, nna siiamịẹnyẹ pụghọ ma jẹ́ éné jẹ́ éné bibịẹgha, nnị ine ḅụ ọlọghaapụ daa mú diabie suaarị, nnị nna tẹ́mẹ́bie nnị n diemam ḅẹ́ nnị opu tọ́rụ́ nyánam. Tamuno si fị́lā nna sịbị ọgọnọ imim.