Romapụ 8:27 - Ibani New Testament

²⁷ Tamuno ma wámịna tẹ́mẹ́bie arịarịḅọ, nimim Tẹ́mẹ́ ma kóróma; tegó Tẹ́mẹ́ ma oria túminị́ sịbị go Tamuno ma tẹ́ghẹ̄arị, ori Tamuno ma tọ́warị ḅara ḅụ.

Romapụ 8:27 ပူးပေါင်းရင်းမြစ်များ

Matiu 6:8

Ọmịnị n dua ma, ḅẹ́ ọ́ mịná Daá nimim ọ binyẹ na ọmịnị ọ ḅara anị biigha sáá,

Ibi Oku Ma Luk Anị Gịẹ Ḅara 16:15

O warị n ḅẹẹ, <<Ọmịnị anịị ọḅụ diearịnyẹ ḅẹẹ ọmịnị karakárá ibiamịẹnyẹapụ túminị́ tórúku ḅụ, kụ́ma Tamuno ọmịna kúkúbie nimim. Túminị́ pa opuma nyẹ́sị nyẹ anị bẹnyẹ bẹnyẹ ḅụ ofori Tamuno tórúku.

Ibi Oku Ma Jọn Anị Gịẹ Ḅara 14:13

A pịghị ị́yẹ́ ẹrẹ ḅụ o binyẹ gonyẹ́ gonyẹ́ mịẹbẹm, Daḅọ ma ị ipine anị ḅụ diepágháma bẹ ḅara Tụwọ ma ḅụ ḅọ́rọ́.

Ibi Oku Ma Jọn Anị Gịẹ Ḅara 21:17

Jizọs tẹ́rẹ́ kárámá sáá pa ọ ḅẹm, Saimọn Jọn tụwọ, ị́ i ḅẹlẹma? Mịma Pita ḅụfịịm tegó ori tẹ́rẹ́ kárámá sáá pa ọ gbilam ḅẹẹ, <<Ị́ i ḅẹlẹma?>> Ọ pagharam, <> Jizọs ọ ḅẹm, <

Fịrị Ḅara 1:24

Nnị warị tẹ́ghẹ̄ ḅẹẹ, <

Fịrị Ḅara 15:8

Tamuno, ori sọ kị́nị́mamgba kóróma nimiḅọ onyẹ́sẹ n pịrịm, ori ọrẹ Tọ́ntọ́ Tẹ́mẹ́ pa nnị pịrị ḅara, o pịghị pa wa pịrị ḅara.

Romapụ 8:34

Tụọ anịsa ḅẹ́rẹ́ pa nna ḅarasima bẹ? Krais Jizọs fịịḅọ ma, pịghị fịị ḅụ n saghịma ḅọ ma, ọ pịghị Tamuno ma amaḅara angaá imi, wa sịbị go ọ tẹ́ghẹ̄arị.

Romapụ 8:6

Ojumẹnị ma ḅẹrẹtọ pịrị fịị dighiḅọ ḅom; Tẹ́mẹ́ ma ḅẹrẹtọ pịrị duma na diin dighiḅọ dighiḅom.

Ẹ́fịsọsapụ 2:18

Krais ḅụ ḅọ́rọ́ wamịnị kị́nị́mamgba, Juu na Juughaapụ ine Daḅọ ma fịnị angaá ḅobẹm, gbẹ́rẹ́ Tọ́ntọ́ Tẹ́mẹ́ ma ḅụ.

1 Tẹsalonaikaapụ 2:4

Anịmanakaragha, wamịnị ẹ́gẹ́rẹ́kọarị Tamuno bi ḅara, tegó ọ́ wa daádighiman sị árị ḅo ḅẹ́ ori ine mị ibi oku dugho wásáma pa wa ḅarabie suabẹm. Wamịnị asọ dọghụgha ḅẹ wa túminị́ tẹ́mẹ́ mịẹ ḅẹ́lẹ́maa, kụ́ma Tamuno tẹ́mẹ́ mịẹ ḅẹ́lẹ́maa, anịị wa mịẹarịnyẹ ori ma anịị pịghị wámịna tẹ́mẹ́bie nimiḅo.

Hiburuapụ 4:13

Nnị pa Tamuno ḅọghuma ḅẹnyẹ ofori nyẹ gonyẹ́ gonyẹ́ tuminikiri, anị findi gbẹ́ẹ́rẹ́m ọ tórúku. Ori ma anị ọ́rụ́ḅọ ọ́rụ́ḅọ pịghị amịna duma kịẹnyẹ go pịrịbẹḅọ.

Jems 5:16

Anịgo ọmịnị ọmịna sii kịẹ jụghọ jụghọ pịrị pịghị tẹ́ghẹ̄ jụghọ jụghọ pịrị, ọmịna obi gwọbẹ ḅara, karakárá ibiamịẹnyẹ tumḅọ kọọ tẹ́ghẹ̄ opuma kụrọfịrị nwángịarị.

Puu Findi 2:23

A pịghị árị awọ ḅaabẹm, anịsáa sọsị mamgba minibẹm ḅẹẹ ịrị anịị kị́nị́mamgba kóróma na n biiarị nyẹ nimiḅọ. A pịghị ọ́rụ́ḅọ ọ́rụ́ḅọ gbẹ́bẹm n ḅo fịrị ḅara láa ḅara.