Romapụ 8:26 - Ibani New Testament

²⁶ Anị gbẹ́rẹ́ ḅara ma Tẹ́mẹ́ ma sọ ḅo ḅárásua wa pịrịm wámịna ịnyọ ófórigha ḅụ. Ḅẹẹ, wa nimigha wa ḅara warị tẹ́ghẹ̄ bẹ ḅara; Tẹ́mẹ́ ma ọ ḅụgbọrụ ine ẹ́gẹ́rẹ́ kọbịgha inighi pa Tamuno tẹ́ghẹ̄arị wámịna sịbị ọ́gọ́nọ.

Romapụ 8:26 ပူးပေါင်းရင်းမြစ်များ

Matiu 10:20

Ḅẹẹ ọmịnịgha ẹ́gẹ́rẹ bẹnyẹ, kụ́ma ọmịna Daá Tẹ́mẹ́ anịị ọ ḅụ ḅọ́rọ́ ẹ́gẹ́rẹ́kọ bẹnyẹ.

Matiu 20:22

Jizọs dugho n pịrịm, <<Ọ nimigha ọ biarị nyẹ. Ọmịnị ine a ḅuu dumaarị tọ́rụ́siarị ọmọ́ngọ ma ḅuu ḅẹ́?>> Nnị pagharam, <>

Ibi Oku Ma Luk Anị Gịẹ Ḅara 22:44

Opu akụ ḅụ ori ọ tẹ́mẹ́ gbọrụ pa tẹ́ghẹ̄m; ọ ḅụ págharị imoo warị kpọ koroarị ọmbịnyẹ́ ḅara.

Ibi Oku Ma Jọn Anị Gịẹ Ḅara 14:16

A pịghị Daḅọ ma ḅara biibẹm ọ pịghị jẹ́ ḅárásuaḅọ pa ọ pịrịbẹm, ọmịnị na fịnị muu gbámásó láa bẹḅọ.

Romapụ 15:1

Wamịnị kụ́rọ sẹapụ wámịna minini ḅụ ḅárásua nna minini kụrọghaapụ ma pịrị na ibim sị nna ikúnyẹ ma dighi. Wamịnị wámịna bie ngéré mịẹ ḅẹ́lẹ́mabịgha.

Romapụ 7:24

Irị anịị bieḅẹlẹgha owitụ́wọ! Tụọ i dụaḅọ́rọ́ma bẹ, mịị fịị dighiḅọ i pịrịarị oju ma ḅụ?

Romapụ 8:15

Tegó Tamuno pa ọ pịrịmaá Tẹ́mẹ́ ma omoni pa ọ mịẹgha, mịẹsị ọ ḅáláfa bẹnyẹ; anịmanakaragha, Tẹ́mẹ́ ma Tamuno awọ pa ọ mịẹm, pịghị Tẹ́mẹ́ ma kụ́rọ ḅụ ḅọ́rọ́ wamịnị owu Tamuno pịrịarị, <>

2 Kọrịntịapụ 5:2

Mị́sa wamịnị inighiarị, wa pụghọ tarịarị ḅẹ́ nnị wámịna sobie wárị ma pa wa suaa.

2 Kọrịntịapụ 5:4

Wa mị tuminikiri wárị ma ḅụ fịnịarị sa wamịnị iniigharị nnị pụ́nụ́maarịapụ ḅara ma, ḅẹgha ḅẹ́, wa mị tuminikiri ojumẹnị ma wárịso dọ́ghụm, kụ́ma wa bim ḅẹ́ nnị sobie anganyẹ ma pa wámịna ọgọnọ sua, sị duma fịị bẹnyẹ ma dima.

Galesiaapụ 4:6

Túminị́ árị bẹ ḅara ḅẹ́ ọmịnị mị́sa ori awọọ, Tamuno ọ Tụwọ Tẹ́mẹ́ fịrịmaḅom anị ḅo o bie fịnị. Tẹ́mẹ́ anịị owuarị nyẹ, <>

Ẹ́fịsọsapụ 2:18

Krais ḅụ ḅọ́rọ́ wamịnị kị́nị́mamgba, Juu na Juughaapụ ine Daḅọ ma fịnị angaá ḅobẹm, gbẹ́rẹ́ Tọ́ntọ́ Tẹ́mẹ́ ma ḅụ.

Ẹ́fịsọsapụ 6:18

Tẹ́mẹ́ ḅụ tẹ́ghẹ̄ kọọ sámámgba tọ́rụ́kịrịkị́rị́ tẹ́ghẹ̄ na nyẹ́bi tẹ́ghẹ̄ kọọ. Mịma dighi tẹ́mẹ́bie, sámámgba tẹ́lẹ́ma fịnị tẹ́ghẹ̄ tọ́ntọ́apụ mamgba pịrị.

Hiburuapụ 4:15

Wamịnị igwagwaá áláḅọ nyanagha wa ḅụ fịnị ḅara ḅụ kóróghaḅọ, kụ́ma wa gbẹ́rẹ́ḅọ nyánam daádighi bie ḅọ́rọ́máaḅọ ngaa mamgba ḅụ, wamịnị sọ fịnị ḅara, kụ́ma ọ bịghịị sii pịrịgha.

Hiburuapụ 5:2

Ori, ori itilam gosi ọ tọ́rụ́kụrụkụ́rụ́ nyána níminyẹ nyánágháapụ na pịghị siinyẹ mịẹarịapụ pịrịm.

Jems 4:3

Ị pịghị gbíla sa, i nyánaḅogha, tegó i karakárá tẹ́mẹ́bie pa anị bigha, i biiarị nyẹ ma ọ́ pa ịḅụ ngéré na dụrụkụ́.