Romapụ 8:24 - Ibani New Testament

²⁴ Mịị tọ́rụ́ dighinyẹ ḅụ ḅọ́rọ́ wa dụaḅọ́rọ́ma nyánam; kụ́ma ḅọ́rọ́ ḅẹ́ wa tọ́rụ́ pa wa tọ́rụdighinyẹ ma árịmam anị mịnị tọ́rụdighinyẹ́gha. Tụọ tọ́rụ́ dighinyẹ nyáná n ḅo nyanamaá nyẹ pịrị pịrị?

Romapụ 8:24 ပူးပေါင်းရင်းမြစ်များ

Romapụ 12:12

Ị́yẹ́ tọ́rụ́ dighinyẹ ịbieḅẹ́lẹ́ma, ingịrịma nyáná ị́yẹ́ ḅụḅáláḅálá mamgba ḅụ, tẹ́ghẹ̄ sámámgba ḅụ.

Romapụ 15:13

A tẹ́ghẹ̄arị ḅẹ́, Tamuno ma, tọ́rụ́dighi nyẹ ḅara saghị ḅoḅọ opu bieḅẹlẹ na diin pa ọ pịrị, ọmịnị ọ ḅụ nyáná minini ḅụ ḅọ́rọ́ sị ọmịna tọ́rụ́ dighinyẹ sẹnị tórúku tórúku mú Tọ́ntọ́ Tẹ́mẹ́ ma kụrọ ḅụ.

Romapụ 15:4

Ḅọ́rọ́maa sa n gịẹnyẹ ma gonyẹ́ gonyẹ́, n gịẹm pa nyẹ pa wa die bẹ ḅara, sị wamịnị tọ́ndiri ma bie saghị ḅo inema na tẹ́mẹ́kụ́rọ, wamịnị ine tọ́rụ́ dighinyẹ nyáná bẹ ḅara.

Romapụ 4:18

Ebraham mininim pịghị tọ́rụ́ dighinyẹ nyáná, ọ pa ḅara ọlọ sị tọ́rụ́ dighinyẹ nyáná bẹnyẹ ofori so, anị ḅụ ḅọ́rọ́ tọgha tọgha sẹ daḅọ sọọ. Tọ́ndiri ma dugho ḅara, <>

Romapụ 5:2

O minini ḅụ wamịnị akuoo mịị Tamuno tọ́rụ́kụrụkụ́rụ́ ma bie suam, wa bie mị́sa duma kọarị nyẹ. Anịgosi wa bịpịkpọm wa tọ́rụ́ dighinyẹ nyánam ḅẹ́, Tamuno ma ipine ḅụ wa diekiri nyánábẹm.

Romapụ 8:20

Tamuno n tẹ́mẹ́nyẹ mamgba sịbị ḅẹ́rẹ́kọm sị nnị mịnị ḅẹnyẹ ḅẹnyẹ ḅụ ofori, nnị dọghụ ḅáragha kụ́ma Tamuno ma tọ́ḅára. Anịsọ mịị tọ́rụdighinyẹ ma imii

1 Kọrịntịapụ 13:13

Mị́sa mịná tẹ́rẹ́anyẹ ma imi: minini, tọ́rụ́ dighinyẹ na ḅẹlẹma, kụ́ma nna ḅụ nyẹ mamgba nẹ́ngị nyẹ anịị ḅẹlẹma.

2 Kọrịntịapụ 4:18

Wa wámịna tọ́rụ́ pa wamịnị arịarị nyẹ ḅụ gbánāgha kụ́ma tọ́rụ́ arịgha nyẹ ḅụ, tọ́rụ́ arịarị nyẹ ma fịnị ḅọlọgha kụ́ma tọ́rụ́ arịgha nyẹ ma fịnị gbámásom.

2 Kọrịntịapụ 5:7

Wa minini pa dúmakọm, wa tọ́rụ́ pa arịnyẹgha.

Galesiaapụ 5:5

Kụ́ma wamịnị, wámịna tọ́rụ́ dighinyẹ anịị ḅẹ́ Tamuno wa pa ọ nana karakárá ḅụ warịbẹm; mịma anị wa kúruarị nyẹ, Tamuno Tẹ́mẹ́ ma mị fịrị ma nwángịarị wámịna minini ḅụ ḅọ́rọ́.

Kolosiapụ 1:23

Ọ ḅọ́rọ́ ọmịna minini ḅụ sẹ́kụrọ toruku mú, o gbisirigha ibi oku ma nyáná ọ pịrị tọ́rụ́ dighinyẹ ḅụ. Mịma anịị ọ náa ibi oku ma n dugho wásáma tuminikiri Tamuno tẹ́mẹ́apụ mamgba pịrịnyẹ anị ḅụ ḅọ́rọ́ ịrị, Pọl, ḅoo Tamuno fịrịnwangịḅọ sọm.

Kolosiapụ 1:27

Nna ḅụ anịị Tamuno bii nyẹ ḅẹ́ o diepágháma Juughaapụ ma ogboku ḅọghunyẹ ma. Mịị ḅọghunyẹ ma anịị, ipine dụḅa láa ḅara na anị ḅụ́gbérépuma láa ḅara, anịị ọmịna bie fịnị Krais ma, anị ọmịna tọ́rụ́ dighinyẹ ḅẹẹ ori ipine ḅụ ọ diekiri nyánábẹm.

Kolosiapụ 1:5

Minini na ḅẹlẹma ḅụ sághị ḅọ tọ́rụ́ dighinyẹ, sobie n kokowarị ọ pịrịnyẹ, ọ pịghị anị gbolomanyẹ namaa nyẹ karakárá ẹ́gẹ́rẹ́ ma ḅụ anịị ibi oku ma, nnị akuoo

1 Tẹsalonaikaapụ 5:8

Kụ́ma wamịnị, éné ma nyẹ; anịgo wamịnị wa ḅụ ọlọbẹm. Wa minini na ḅẹlẹma suabẹm n gbolu daa kúkúbie gbẹ́nyẹ ḅara, na wámịna dụaḅọ́rọ́ma tọ́rụ́ dighinyẹ ma anịị wámịna ikúlélusú.

2 Tẹsalonaikaapụ 2:16

Wámịna Nyánáḅọ Jizọs Krais ọ ḅụgbọrụ na Tamuno wámịna Daa, wa ḅẹlẹma ḅo sị ọrẹ tọ́rụ́kụrụkụ́rụ́ ḅụ gbámásó biedịịnma na ibi tọ́rụ́ dighi pa wa pịrịm.

Taitọs 3:7

sị ori tọ́rụ́kụrụkụ́rụ́ ḅụ ḅọ́rọ́ wa karakárá ibiamịẹnyẹapụ sọ́bẹm Tamuno ma fịnị angaá, sị ḅo wa tọ́rụ́dighi gbámásó duma ma nyáná.

Hiburuapụ 11:1

Minini anịị tẹ́mẹ́kụ́rọ nyána wa ḅụ tọ́rụ́ dighinyẹ ḅụ, wa tẹ́mẹ́ jighe jighegha wamịnị arịgha nyẹ ma ḅụ.

1 Pita 1:21

Ọmịnị ọ ḅụ ḅọ́rọ́ Tamuno ḅụ mininim, fịị ḅụ ọ sị saghịma ḅọ sị pịghị ipine pa ọ pịrị, anịma gosi ọmịna minini na ọmịna tọ́rụ́ dighinyẹ Tamuno ḅụ gbánāarị.

1 Pita 1:3

Túmíní fịnị Tamuno wámịna Nyánáḅọ Jizọs Krais Daa ma pịrịị! Ori opu lolomakúkúbie ḅụ ḅọ́rọ́ ori ịwọ duma pa wa pịrịm ọ Jizọs Krais saghị ḅara ma fịị ḅụ, mịma dumafịnịarị tọ́rụ́ dighinyẹ pa wa pịrịarị,

1 Jọn 3:3

Mịị tọ́rụ́ dighinyẹ ma nyánáḅọ gonyẹ́ gonyẹ́ Krais ḅụ amịna ḅụ pa fiafiama wárị wárim, Krais so fíafía fịnị ḅara.