Romapụ 8:23 - Ibani New Testament

²³ Nnị tẹ́mẹ́nyẹ ma ngéréghaa inighiarị nyẹ; kụ́ma wamịnị Tẹ́mẹ́ ma nyánáapụ sọ, anịị Tamuno parị pịrị dienyẹ ma nyánápụ so inighiarị wámịna biebẹ, wa pịghị kúruarị si Tamuno ori awọ pa wa mịẹsị wámịna oju gbọrụ págháraa pághámaḅo.

Romapụ 8:23 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 20:36

Sookumuapụ ma fịnị ḅara anịị n fịnị bẹ ḅara, nnị ine fịịbịgha, nnị anịị Tamuno awọ, tegó, nnị fịị ḅụ saghịmam.

Ibi Oku Ma Luk Anị Gịẹ Ḅara 21:28

Mịị mamgba saghị kiriakị máare ọ saghị sẹ sị ọmịna sịbị saghị, tegó ọmịna dụaḅọ́rọ́ma kikiamam.>>

Romapụ 5:11

Kụ́ma anịma ngéréghaa, tego wa dụrụkụ Tamuno mịẹmáa nyẹ ma pịrịm wa Nyánáḅọ Jizọs Krais ḅụ ḅọ́rọ́, Tamuno nangwọapụ pa wa mịẹmáa ḅo.

Romapụ 5:3

Anị ḅara ma ngéréghaa kụ́ma wa pịghị dụrụkụ tọ́rụ́siarị pịrịm, tegó wa nimim ḅẹ́ tọ́rụ́siarị mịẹm tumḅọ ngịrịma nyáná,

Romapụ 5:5

Mịị tọ́rụ́ dighinyẹ ma wa gbarịgbarịgha, Tamuno ori ḅẹlẹma pa wámịna kúkúbie saramam ori Tọ́ntọ́ Tẹ́mẹ́ pa, anịị wa ọ ḅara nyáná ḅo diepịrịnyẹ.

Romapụ 7:24

Irị anịị bieḅẹlẹgha owitụ́wọ! Tụọ i dụaḅọ́rọ́ma bẹ, mịị fịị dighiḅọ i pịrịarị oju ma ḅụ?

Romapụ 8:19

Tuminikiri n tẹ́mẹ́nyẹ mamgba tọ́rụ́ asọ ḅụ fịnị ḅara pa kúruarị Tamuno ori awọ ma diepágháma bẹ sa.

1 Kọrịntịapụ 1:7

Ḅẹẹ ókụ́rụ́arị sáá ḅẹẹ Krais Jizọs ḅoo ọ ḅụ die, Tamuno Tẹ́mẹ́ pịrị dienyẹ gbẹ́rẹ́nyẹ sọ ọ gbarịghaa.

2 Kọrịntịapụ 1:22

Ori anịị ọrẹ ilíghíma suamaá ḅọ wámịna ḅụ, pịghị Tọ́ntọ́ Tẹ́mẹ́ ma pa wa pịrịmaá ḅo wámịna tẹ́mẹ́bie, mịma anị ọ pa wa tẹ́mẹ́kụ́rọma ọ nyáná kóróma wa pịrịnyẹ.

2 Kọrịntịapụ 7:5

Wa ḅo Masidoniya la sa, sọ, wa ịnyọ́sárá nyanagha, ḅụḅáláḅálá ngámámgba ḅụ, jẹ́apụ na kamkoro, ḅáláfa wámịna tẹ́mẹ́bie.

Galesiaapụ 5:5

Kụ́ma wamịnị, wámịna tọ́rụ́ dighinyẹ anịị ḅẹ́ Tamuno wa pa ọ nana karakárá ḅụ warịbẹm; mịma anị wa kúruarị nyẹ, Tamuno Tẹ́mẹ́ ma mị fịrị ma nwángịarị wámịna minini ḅụ ḅọ́rọ́.

Ẹ́fịsọsapụ 1:14

Wa Tamuno Tẹ́mẹ́ nyánam gosi, wa tẹ́mẹ́kụ́rọ nyánam ḅẹẹ Tamuno mini ori a túminị́ pịrịnyẹ wa nyánáḅobẹm. Tamuno bi káara dụaḅọ́rọ́ma pa ori a túminị́ pịrịbẹm. O ḅo wa ori ipine túminí.

Ẹ́fịsọsapụ 4:30

Tamuno Tọ́ntọ́ Tẹ́mẹ́ ma biesima ma, Tẹ́mẹ́ ma anịị Tamuno pa ọ ḅụ ilíghíma suanyẹ ḅẹẹ ọmịnị onyẹẹ, ọmịna sẹ́pịrịarị nyẹ ḅẹ́ éné ma ḅobẹm Tamuno ọ dụapághámaḅo bẹnyẹ.

Ẹ́fịsọsapụ 5:9

Baá ma anịị ibinyẹ gonyẹ́ gonyẹ́ akuoarị nyẹ, karakárá ibiamịẹnyẹ mamgba na pịghị tụ́manyẹ mamgba,

2 Timoti 4:8

Mị́sa sághị bịpị muu karakárá ibiamịẹnyẹ ogunu fịnị ikuruarị anịị Kị́nị́nyánáḅọ ma karakárá ḅẹ́rẹ́kọḅọ ma pa ị pịrịbẹnyẹ anị éné ma, ịrị ngéréghaa, kụma ḅẹlẹma ḅụ ori ḅoo ma kúruarịapụ mamgba.

Taitọs 2:13

wa boma éné ma kúruarị sa, wámịna tọ́rụ́ dighinyẹ nyáná éné ma anịị wámịna opu Tamuno na wámịna Dụaḅọ́rọ́maḅọ Jizọs Krais ipine na ḅo bẹ sa.

Hiburuapụ 9:28

Anị gbẹ́rẹ́ ḅara ma n Krais pa igwa gwam gbẹ́rẹ́ sáá sị ọ tọgha tọghaapụ sii sịrị si. O pịghịma ḅobẹm mmẹẹ́ kárámá sa, sii gosigha, kụ́ma ori o kúruarịapụ ma dụaḅọ́rọ́ma bẹ ḅara.

1 Pita 1:7

Mịị daádighi ma anịị pa diepágháma ḅẹ́ ọmịna minini ma anịị karakárányẹ ma. Odoḅala sọ, tumḅọ ine sima ḅẹnyẹ, fịnị anị n pa anị daádighi dighinyẹ. Anịma go, ọmịna minini nyẹ́la odoḅala nẹ́ngị nyẹ, n pa daádighi bie sua nyanam sị nimi anị ibi láa ḅara. Anịsa ọ túmíní na ipine na kuu nyánábẹm Jizọs Krais ọ ḅụ die bẹ éné.

1 Jọn 3:2

Ị́yẹ́ ibi nangwọapụ, mị́sa wamịnị Tamuno awọ, kụ́ma túminị́ na nimigha wa kịka bẹnyẹ, kụ́ma wa nimim ḅẹ́ Krais ọ ḅụ die sa, wamịnị ọ fịnị ḅara fịnịbẹm, tegó wamịnị ori árịbẹm ọ fịnị ḅara.