Romapụ 8:17 - Ibani New Testament

¹⁷ Wa Tamuno ma awọ sọmaá ḅara ma, wa pịghị o kóróma ori a túminị́ pịrị karịibima ma nyánábẹm, wa pịghị Krais na nyánábẹm Tamuno kóróma ọ pịrịnyẹ; wa ḅọ́rọ́ Krais ma tọ́rụ́siarị ḅụ diekiri nyánam, wa pịghị ori ipine ḅụ diekiri nyánábẹm.

Romapụ 8:17 ပူးပေါင်းရင်းမြစ်များ

Matiu 16:24

Anịsáa Jizọs warị dugho ori ọḅụduaapụ pịrị, <<Ḅọ́rọ́ i dua bẹḅọ fịnịfịnị, anịḅọ ma n ḅọ ḅụ pighibẹm sị n ḅọ mgbẹsẹ sị́ dighi akị sị i dua.

Matiu 25:21

<<Ọ nyánáḅọ pagharam, <Ị mịẹlamam ịrị ibi pịghị sẹ kụ́rọ fịrịnwngiḅọ! Dụḅagha nyẹ ḅụ i sẹ kụrọmam. A tọgha nyẹ pa i ḅarabie suabẹm. Sọḅo sị ḅo ị nyánáḅọ na bieḅẹlẹ!>

Ibi Oku Ma Luk Anị Gịẹ Ḅara 12:32

<<Ọmịnị kálá ogbo ánáná, o ḅáláfáma Daḅọ ma, anị ọ ḅụḅẹ́lẹm ḅẹẹ ori ásẹ́mẹ́kiri ma pa ọ pịrị.

Ibi Oku Ma Luk Anị Gịẹ Ḅara 24:26

Anị karakáragha ḅẹẹ, Krais mị tọ́rụ́siarị mamgba árị sị ori ipine ḅụ sọọ?>>

Ibi Oku Ma Jọn Anị Gịẹ Ḅara 17:24

<

Fịrị Ḅara 14:22

Nnị ịnyọ pa mininiapụ ma ḅụ suam ḅẹẹ nnị karakárá ḅụ sẹ nna minini ma pịrị. Warị pa n die ḅẹẹ, <>

Fịrị Ḅara 20:32

<

Fịrị Ḅara 26:18

Ịrị nna tọ́rụ findibẹm sị pịghị kánákánábie nna akuoo ḅo baá bie soo, pịghị Satanị kụrọ bie nna akuoo ḅo Tamuno bie sua, sị nnị siiḅụḅarasipịrị nyáná bẹ ḅara, sị nnị ịḅụ nyáná minini ḅụ ḅọ́rọ́, sị pịghị nna kiri nyáná Tamuno sẹlẹakịapụ ma ogbobie.>

Romapụ 5:17

Karakárányẹ ḅẹẹ gbẹ́rẹ́ owitụ́wọ sii ḅụ ḅọ́rọ́, fịị saghị ámá kánámam sị sẹ gonyẹ́ gonyẹ́ taa, gbẹ́rẹ́ owitụ́wọ ma gosi. Kụ́ma gbẹ́rẹ́ owitụ́wọ Jizọs Krais ine anịma nẹ́ngịma nyẹ mịẹm. Tamuno mánámāná tọ́rụ́kụrụkụ́rụ́ ma daakịapụ gonyẹ́ gonyẹ́, igbii gbẹ́gha ḅụ karakárá ibiamịẹnyẹapụ sọm, mịnaapụ ma duma ḅụ sọ́ḅáapụ sọ́bẹm Krais ḅụ ḅọ́rọ́.

Romapụ 8:3

Ólóghó ma ine mịẹgha nyẹ, tegó ojumẹnị ma mịẹmam sị anị mịnị kụ́rọ nyanagha Tamuno mịẹm ori ọ Tụwọ fịrịma sa, ojumẹnị suaḅọ sị o sii sịrịsii bẹ ḅara. Anị ḅara ma ọ ḅẹ́rẹ́kọsima sii pịrịm ojumẹnị ma bie.

1 Kọrịntịapụ 2:9

Anị fịnị ḅara, anịị Tọ́ndiri ma dugho ḅara, <>

2 Kọrịntịapụ 1:5

Wa diekiri nyáná ḅara ma Krais mánámāná tọ́rụ́siarị ḅụ, anị ḅara ma anị wa pịghị Krais ḅụ ḅọ́rọ́, diekiri nyána ḅara Tamuno opu biedịịnma ḅụ.

2 Kọrịntịapụ 1:7

Anịgo wámịna tọ́rụ́ dighinyẹ ọ fịnị angaá jéné n jéné jighegha, wa nimim ḅẹẹ ọmịnị wa mịná tọ́rụ́siarị ḅụ diekiri nyáná ḅara ma anịị ọmịnị sọ wa nyáná ḅo biedịịnma ḅụ diekiri nyáná ḅara.

Galesiaapụ 3:29

Ọmịnị ḅọ́rọ́ Krais nyẹ nḅẹḅẹ́, ọmịnị Ebraham awọ. Ọ Tamuno mini karịibima ma nyánáḅobẹm.

Galesiaapụ 4:7

Mị́sa ịrị mịnị omoniḅọgha, kụ́ma Tamuno tụ́wọ, ịrị ọ tụwọ gosi ọ nyánányẹ mamgba ịnyee.

Ẹ́fịsọsapụ 3:6

Mịị ḅọghunyẹ ma dughoarị ḅẹ́ ibi oku ma ḅụ ḅọ́rọ́ Juughaapụ na Juuapụ na diekiri nyánam Tamuno karịibima ḅụ, nnị gbẹ́rẹ́apụ oju ma ḅụ pịghị diekiri nyánam, Tamuno Krais Jizọs ḅụ ḅọ́rọ́ minini nyẹ ma ḅụ.

Filipaiapụ 1:29

Nnị mị tọ́rụ́kụrụkụ́rụ́ ma pa i pịrịmam ọ ḅụ ngéré minini ngéréghaa kụ́ma pịghị tọ́rụ́siarị ọ pịrị.

Filipaiapụ 3:10

A dọghụnyẹ ḅẹẹ, a Krais nimii na pịghị fịị ḅụ ọ saghịma kụrọ ma nimi si pịghị diekiri nyáná ori fịị ḅụ, ḅoo pịghị ọ fịnị ḅara fịnị ori fịị ḅụ.

Kolosiapụ 1:24

Mị́sa i bieḅẹlẹarị a nyáná ọ pịrịarị tọ́rụ́siarị ma go, ojumẹnị ḅụ a arịarị tọ́rụ́siarị ma ḅụ ḅọ́rọ́, a ḅárásua anị karamaarị kọnyẹ́ ma Krais árị tọ́rụ́siarị ma ori oju gosi, anịị Tamuno kubiri ogbo ma.

Taitọs 3:7

sị ori tọ́rụ́kụrụkụ́rụ́ ḅụ ḅọ́rọ́ wa karakárá ibiamịẹnyẹapụ sọ́bẹm Tamuno ma fịnị angaá, sị ḅo wa tọ́rụ́dighi gbámásó duma ma nyáná.

Hiburuapụ 1:14

Anịsa sookumuapụ ma, nnị ọ tẹ́apụ? Sookumuapụ ma nnị anịị fịrịnwangị Tamuno pịrịarị tẹ́mẹ́, ọ fịrịma sị nnị ḅo fịrịnwangị dụaḅọ́rọ́ma nyánábeapụ pịrị.

Hiburuapụ 1:2

Kụ́ma mị kunema éné ma, ori ọ Tụ́wọ ḅụ ḅọ́rọ́ ẹ́gẹ́rẹ́kọọ wa pịrịmam. Ori anị ọ tọ́ọ ḅọ nyẹ gonyẹ́ gonyẹ́ nyánáákịbẹḅọ. Ọ ḅụ ḅọ́rọ́ anịị o so na kiri na tẹ́mẹ́nyẹ.

Hiburuapụ 6:17

Tamuno ọrẹ dima dimagha duma diepágháma ọrẹ awọ o minini nyẹ nyánáakị bẹapụ pịrị dọ́ghụm gosi o minini n pịrịnyẹ ori ọḅọọ fị pa anị mịẹ kụ́rọ́mam.

Jems 2:5

O pughu, ị́yẹ́ ibi mịnaapụ, Tamuno mị tuminikiri siminiapụ ma sẹ́lẹ́akịm sị nnị opuma minini nyánáapụ sọ sị nnị ma pịghị amadakiri ma nyáná bẹapụ sọ, Tamuno minini ọ ḅẹlẹmaapụ ma pịrịnyẹ.

1 Pita 1:4

anịma gosi, wa nimim ḅẹ́ Tamuno kóróma warị ori a túminị́ pịrị dumafịnị tọ́rụdighinyẹ ma wámịnị anị nyánáḅobẹm. Ọ pa warị ọ́ pịrịm sobie, n ḅụrụbịghaa angaá anịgha síí, anịgha sịghịrị faá.

1 Pita 4:13

Tụ́ma o bieḅẹlẹ ḅẹ́ ọmịnị sọ diekiri nyánam Krais tọ́rụ́siarị ma ḅụ, sị ori ipine anị ḅụ diepágháma bẹ sa, ọmịnị so opuma bieḅẹlẹ bẹ ḅara.

Puu Findi 21:7

Sọḅaapụ mịma nyánáḅobẹm i ḅárabie. A Tamuno sọọ n pịrịbẹm nnị sọ awọ sọọ i pịrịbẹm.

Puu Findi 3:21

<