Romapụ 8:14 - Ibani New Testament

¹⁴ Tamuno Tẹ́mẹ́ ma datụ́ghụ́maarịapụ gonyẹ́ gonyẹ́ nnị ma anị Tamuno awọ.

Romapụ 8:14 ပူးပေါင်းရင်းမြစ်များ

Matiu 5:9

Karịiḅi fịnị diin mịẹmịẹpụ pịrị, tegó n Tamuno awọ pa n sịịbẹm!

Ibi Oku Ma Jọn Anị Gịẹ Ḅara 1:12

Kụ́ma ọ daakịapụ mamgba, pịghị ori ẹrẹ ḅụ mininiapụ ọ kụrọ pa nnị pịrịm sị nnị Tamuno awọ sọọ.

Romapụ 8:19

Tuminikiri n tẹ́mẹ́nyẹ mamgba tọ́rụ́ asọ ḅụ fịnị ḅara pa kúruarị Tamuno ori awọ ma diepágháma bẹ sa.

Romapụ 8:5

Nna ojumẹnị dugho ḅara pa duma kọ́arịapụ, nna ojumẹnị bii nyẹ anịị nna kúkúbie ḅẹrẹtọ nnị pịrịarịnyẹ. Tẹ́mẹ́ ma dugho ḅara pa duma kọ́arịapụ, Tẹ́mẹ́ ma binyẹ anịị nna kúkúbie ḅẹrẹtọ nnị pịrịarịnyẹ.

Romapụ 8:9

Kụ́ma ịrị ị́ ị́yẹ́ ojumẹnị dugho ḅara pa duma kọgha, anịmanakaragha ị́ Tẹ́mẹ́ ma dugho ḅara pa duma kọm, ḅọ́rọ́ tụ́manyẹ ḅẹ́ Tamuno Tẹ́mẹ́ ma ọmịna biebẹ ngam. Krais Tẹ́mẹ́ ma nyánághaḅọ gonyẹ́ gonyẹ́ Krais tumḅọgha.

Romapụ 9:26

Anị pịghị nnị dugho nnị pịrịnyẹ ḅẹ́, <<Ọmịnị ị́yẹ́ tuminigha, << >>

Romapụ 9:8

Mịma dughoarị ḅẹ́ ojumẹnị ḅụ n ḅọ́rọ́ yiiapụ ma nnị Tamuno awọgha anịmanakaragha nnị yiiapụ ma Tamuno minini nyẹ́ ḅụ ḅọ́rọ́ nnị anị tụmasi furoawọ.

2 Kọrịntịapụ 6:18

Kụrọmamgba nyáná Kị́nị́nyánáḅọ dugho ḅara, a Daa sọọ ọ pịrịbẹm ọmịnị sọ pịghị ị́yẹ́ owiapụ awọ na ị́yẹ́ ẹ́rẹ́awọ sọ́bẹm.>>

Galesiaapụ 3:26

Anịgosi ọmịnị kị́nị́mamgba Tamuno awọ sọmam ọmịna minini Jizọs Krais ḅụ ḅọ́rọ́.

Galesiaapụ 4:5

Tamuno ọ fịrịmaḅom, o ḅo wa dụapághámaḅo, ólóghó ma sughubie fịnịapụ si wamịnị ori awọ sọ bẹ ḅara.

Galesiaapụ 4:6

Túminị́ árị bẹ ḅara ḅẹ́ ọmịnị mị́sa ori awọọ, Tamuno ọ Tụwọ Tẹ́mẹ́ fịrịmaḅom anị ḅo o bie fịnị. Tẹ́mẹ́ anịị owuarị nyẹ, <>

Galesiaapụ 5:16

A dughoarị nyẹ ma mịị anị: Tẹ́mẹ́ ma wáriso sị anị ḅẹrẹtọ ị pịrị, anị sáá, ọmịnị ọmịna ojumẹnị ma dọghụ sii duma mịẹnyẹ ma mịẹbịghaa.

Galesiaapụ 5:18

Kụ́ma ḅọ́rọ́ Tẹ́mẹ́ ma ị daa múuarị sa ị mịnị ólóghó sughubie oforii.

Ẹ́fịsọsapụ 1:5

Tamuno tarị dugho wárịmam ḅẹẹ ọ wa pa ori angaá awọ mịẹbẹm Krais Jizọs ḅụ ḅọ́rọ́, mịị ọ ḅẹlẹma nyẹ pịghị dọghụnyẹ.

Ẹ́fịsọsapụ 5:9

Baá ma anịị ibinyẹ gonyẹ́ gonyẹ́ akuoarị nyẹ, karakárá ibiamịẹnyẹ mamgba na pịghị tụ́manyẹ mamgba,

1 Jọn 3:1

Dighii Daḅọ ma wa ḅẹlẹma láa ḅara! Ori ḅẹlẹma opuma dụḅam sị túminị́ wa sịarị Tamuno awọ wamịnị ma anị karakáráma Tamuno ma awọ! Tuminikiri ma wa nimigha nnị Tamuno ma nimigha gosi.

1 Jọn 3:24

Tamuno ólóghó ma kokoarịapụ, nnị na Tamuno na gbẹ́rẹ́ḅụ ḅụ imii, Tamuno pịghị nnị na gbẹ́rẹ́ḅụ ḅụ imii. Tamuno ma pa wa pịrịmaá Tẹ́mẹ́ gosi wa nimim ḅẹ́ Tamuno wamịnị na gbẹ́rẹ́ḅụ ḅụ imii.

Puu Findi 21:7

Sọḅaapụ mịma nyánáḅobẹm i ḅárabie. A Tamuno sọọ n pịrịbẹm nnị sọ awọ sọọ i pịrịbẹm.