Romapụ 7:7 - Ibani New Testament

⁷ Anịsa wa tẹ́ dugho bẹ, wa dugho bẹ ḅẹ́ ólóghó ma ibighaa? Ọkọfịnị nyẹ ofori! Kụ́ma ólóghó ma anị mịẹsị a sii pa sị nyẹ níminyẹ. Ḅọ́rọ́ ólóghó ma dughogha ḅẹ́, <> a nimibịghaa ḅẹ́ jụghọ nyẹ́mọ́ni ólóghó ma na kuragha.

Romapụ 7:7 ပူးပေါင်းရင်းမြစ်များ

Matiu 5:28

Kụ́ma a dugho ọ pịrịm tọ́rụ́ pa ọ́rụ́ḅọ dighi sị a nyáná dọghụḅọ gonyẹ́ gonyẹ́ amadọghụ ológhó kórómam n ḅo tẹ́mẹ́bie.

Ibi Oku Ma Luk Anị Gịẹ Ḅara 12:15

Ọ warị pịghị túminị́ ma ḅẹ́, <<Ọmịnị ọ tọ́rụ findi! Ọmịnị ọ ḅụ ẹbị ngéré fị duma pịrị, tumḅọ duma ma n pa anị mịẹnyẹ tumḅọ nyáná ngọ mamgbagha.>>

Ibi Oku Ma Luk Anị Gịẹ Ḅara 20:16

O ḅo anị owiapụ ma ḅaabẹm sị vainị duakiri ma ḅọ́rọ́ma jẹ́ ọkọapụ pịrị.>> Túminị́ ma mịma náa sáá, n dughom ḅẹẹ, <>

Fịrị Ḅara 20:33

Na a jụghọ pị́naḅala anịgha jụghọ odoḅala anịgha jụghọ suabịtẹ mọnịghaa.

Romapụ 13:9

Ólóghó bịpị ma, dughonyẹ ḅẹ́, <> mịị mamgba na pịghị jẹ́ jẹ́ na n pa sua gbolomam mịị gbẹ́rẹ́ ólóghó bịpị ma ḅụ, <<Ị jẹa tumḅọ ḅẹlẹma ịrị ịḅụ ḅẹlẹma ḅara.>>

Romapụ 3:20

Tamuno toruku gbẹ́rẹ́ḅọ sọ karakáragha ólóghó ma koko ḅụ, ólóghó ma mịẹarịnyẹ anịị mịẹsị túminị́ nimi ḅẹ́ nnị siinyẹ mịẹmam.

Romapụ 3:5

Wa tẹ́ dugho bẹ? Ḅọ́rọ́ wámịna mịẹ irima Tamuno ma karakárá ibiamịẹnyẹ ma die pághámaḅoarị, wamịnị ine dugho bẹ ḅẹ́, Tamuno irimam o fomḅara pa wa fom sa? (A tumḅọ ḅara pa gbilaarị.)

Romapụ 4:1

Anịsa wa tẹ dugho bẹ Ebraham wámịna tádóḅọ gbolomanyẹ? Tẹ ọ ḅụ págháa.

Romapụ 4:15

Ólóghó ma Tamuno igani dighi kórómaarị; kụ́ma ólóghó ma ófórigha angaá, ologho kóró so ofori.

Romapụ 5:20

Nnị ólóghó ma pághámaḅom irima mịẹnyẹ sẹ́nị bẹ ḅara. Kuma siiamịẹnyẹ ḅo sẹ́nị sa, Tamuno tọ́rụ́kụrụkụ́rụ́ warị sẹ́nị anị nẹngịma,

Romapụ 6:15

Anịsa, wa tẹ́ dugho bẹ? Wa pa siinyẹ mịẹbẹ, wa ólóghó sughubie ofori gosi kụ́ma Tamuno tọ́rụ́kụrụkụ́rụ́ ḅụ? Ọkọfịnị nyẹ ofori!

Romapụ 7:11

Sii warị ólóghó bịpị ma ḅụ ḅọ́rọ́ asọ arịị sị oḅori pa i sị warị pịghị ólóghó ma ḅụ ḅọ́rọ́ i ḅaá.

Romapụ 7:13

Kụ́ma mịma anị die ḅẹ́, ibinyẹ ma ị́yẹ́ fịị dighiḅom? Ọkọfịnịnyẹ ofori. Sịị anịị anị mịẹnyẹ, sii ibinyẹ ma pa fịị dighiḅọ i pịrịm, sị túminị́ anị karakárá fịnị ḅara árị bẹ ḅara. Anịgosi, ólóghó bịpị ma ḅụ ḅọ́rọ́, sii anị ḅụ diem anị sii láa ḅara.

Romapụ 7:5

Wamịnị ojumẹnị ḅụ duma kọ sa, ojumẹnị ma tarịarị siinyẹ, ólóghó ma timi saghị nyẹ, fịrịnwangịarị wámịna oju bie, fịị anị mịnanyẹ mamgba dighiḅọ nyẹ.

Romapụ 7:8

Kụ́ma anị ólóghó ma ḅụ ḅọ́rọ́ sii asọ dọghụ sị tọ́rụ́kịrịkị́rị́ ojumẹnị tarịarị kuragha nyẹ timi saghịmam ị́yẹ́ duma bie. Ólóghó ma ofori sii kụ́rọ nyanagha.

1 Kọrịntịapụ 15:56

Fịị anị kị́nị́ tẹ́ kụrọ nyánaḅom sii ḅara, sii pịghị anị kụ́rọ nyánaḅom ólóghó ma ḅara.

Ẹ́fịsọsapụ 5:3

Ọmịnị kọkọ Tamuno túminị́, anịgo anị ibighaa ḅẹ́ yáakuu ḅụ ófórigha nwángị kọọ anịgha, ịlọ́lị duma anịgha oputọrụ, ḅẹ́ nnị anị gbolomanyẹ goo o mịná bie.

Kolosiapụ 3:5

Anịgosi, mịẹsị anị fịị, tuminikiri ị́yẹ́ duma bie fịnị pụghọ tarịarịnyẹ ma: yáakuu ḅụ ofori nwángị duma, ámánwángị ịlọ́lị duma, ámánwángị pughotarị, siinyẹ pughotarị na oputọrụ mịma sị ḅara sọ́ḅọ́rọ́ susi n kara tamuno pịrị.

1 Tẹsalonaikaapụ 4:5

Yáakuu ḅụ ofori nwángị ḅụghaa, Juughaapụ ḅara Tamuno nímighaapụ.

Hiburuapụ 7:19

Mosis ólóghó ma bẹnyẹ bẹnyẹ mịẹ kpainmagha. Kụ́ma mị́sa, ibiḅaa tọ́rụ́ dighinyẹ imi wa ḅọ́rọ́ ine sọma Tamuno damaḅo bẹnyẹ.