Romapụ 7:6 - Ibani New Testament

⁶ Mị́sa, anị fịnị ḅara, ólóghó ma ḅárabie wa pághámaḅomam, tegó wa fịị parị ịkóli pa wa suanyẹ ma pịrịmam. Anịgosi wamịnị olom asọ ma duagha n gịẹ kóróma ólóghó ma bịpịsụ́ụ́ angaá, kụ́ma wamịnị ịwọ asọ ma duam Tẹ́mẹ́ ma bịpịsụ́ụ́ angaá.

Romapụ 7:6 ပူးပေါင်းရင်းမြစ်များ

Romapụ 1:9

Tamuno, a itẹ́mẹ́ gbọrụ pa susi pịrịarịḅọ, anịị ọ Tụwọ ma gboloma ibi oku ma dugho wásáma ḅụ, ori ma anịị ị́yẹ́ onyésẹ̄ḅọ a sámámgba ọ pa biekórómáarị ḅara

Romapụ 12:2

Mịnị tuminikiriapụ dua nnị nyẹ mịẹmịẹ ḅara pa nyẹ mịẹma, kụ́ma wárịso Tamuno biebẹ ọ dima, anịị káara ḅara pa ọmịna kúkúbie dima. Anịsa, o nimibẹm Tamuno ma tọ́nyẹ, ibi nyẹẹ, ọḅụ ḅẹ́lẹ́nyẹ pịghị kpain nyẹ.

Romapụ 6:11

Anị gbẹ́rẹ́ ḅara ma anị sii gboloma sa ọmịnị ọḅụ arịị ḅẹ́ ọ fịịmam, kụ́ma dumafịnị sị Tamuno na mịẹgbólóma nyáná Krais Jizọs ḅụ ḅọ́rọ́.

Romapụ 6:19

A éné gonyẹ́ gonyẹ́ ḅụ ọ naarị ẹ́gẹ́rẹ́ pa nyẹ pa o diem ọmịna pologha akanyaḅo gosi. Gbẹ́rẹ́sa biri ọmịnị ọmịna ḅụgbọrụ saghị pa ómóniapụ mịẹ ịlọ́lị duma na ólóghó bịpị pughugha duma pịrịm, anị gbẹ́rẹ́ ḅara ma ọmịnị ọmịna ḅụgbọrụ saghị pa ómóniapụ mịẹ karakárá ibiamịẹnyẹ pịrị, tumḅọ dighi mú tọ́ntọ́ duma bie súúarị nyẹ.

Romapụ 6:2

Ọkọfịnị nyẹ ofori! Wa fịị sii pịrịmam, wa tegósi pa anị bie duma kọ bẹ?

Romapụ 6:22

Kụ́ma mị́sa n sii ḅárabie ọ duapághámaḅomam sị ọmịnị Tamuno ómóniapụ sọ. Ọmịna sọnyẹ anịị n gbẹ́rẹ́sa saghị ḅọrọma Tamuno pịrị duma, anị kunema anịị duma gbámásó.

Romapụ 6:4

Wamịnị mingi sára ḅụ ḅọ́rọ́ nnị wamịnị na ori na dipi gbolomam wa pịghị ori na fịịm, anịgosi Daḅọ ma Krais saghịma ḅara ori ḅụ́gbérépuma kụ́rọ ḅụ, wamịnị sọ anị ḅara pa ịwọ duma kọbẹm.

Romapụ 7:1

Ịyẹa amịnáapụ, a dugho dọghụnyẹ ma ọmịnị akanyaḅobẹm tegó ọmịnị ólóghó ma nimim, ḅẹ́ ólóghó ma kụ́rọ nyánam tumḅọ dumafịnị sa gonyẹ́ gonyẹ́.

Romapụ 7:2

Pa tọ́ma ḅụ, ólóghó ma deeyaa ọ́rụ́ḅọ pa a dee ḅụ kpọm, o dumafịnị sa gonyẹ́ gonyẹ́, kụ́ma ọ fịị n ḅẹḅẹ n pa nnị mmẹapụ fịna ólóghó ma ḅụ nnị a fiimamam.

Romapụ 7:4

Anịị anị pịghị ọ nana fịnị ḅara ị́yẹ́ amịnáapụ, anị ólóghó ma gboloma ḅara ḅụ ọmịnị so ọ fịịmam tegó ọmịnị ma anịị Krais ma oju bẹ gbẹ́rẹ́apụ; ọmịnị anị mị́sa n fịị ḅụ saghịma ḅọ ma nyẹẹ wa sọnyẹ sọ bẹ ḅara Tamuno ma fịrịkiri.

2 Kọrịntịapụ 3:6

Ori anị wa mịẹ kụrọma sị wamịnị ine fịrịnwangị ịwọ ọ ḅoo ma pịrịnyẹ, mị ịwọ ọḅọọ ma, anịị n gịẹ kóróma ịwọ ólóghó nyánágha, kụ́ma Tẹ́mẹ́ ma angaánye, n gịẹ kóróma ólóghó ma, fịị dighiḅom; kụ́ma Tẹ́mẹ́ ma duma pịrịm.

2 Kọrịntịapụ 5:17

Anịgosi, Krais na gbẹ́rẹ́nyẹ mịẹḅọ gonyẹ́ gonyẹ́, n ḅọ ịwọma nnị tẹ́mẹ́ḅọ sọmam olom nyẹ ma somam, iwọnyẹ ma ḅomam.

Galesiaapụ 3:13

Krais sifịla sọ wa pịrịmaá ḅara ma, ọ wa dụaḅọ́rọ́māmám ólóghó ma akuoo si fị́lā ḅụ; Tọ́ndiri ma dugho ḅara ḅẹ́, <>

Galesiaapụ 6:15

Mị́sa kịrịnyẹ oforii anị ḅụ, wamịnị tọ́ngọ pẹ́lẹ́ na anịgha wamịnị tọ́ngọ̄ pẹ́lẹ́gha na, nyẹ ḅụ sọọ nyẹ anị ḅẹ́ nnị ịwọma tumḅọ tẹ́mẹ́mam.

Ẹ́fịsọsapụ 4:24

ọmịnị ịwọ ḅụ ma suabẹm n Tamuno kịkama sị tẹ́mẹ́nyẹ, anị ḅụ diearịnyẹ karakárá duma ḅụ ibiamịẹnyẹ ḅụ na pịghị tọ́ntọ́ ḅụ.

Filipaiapụ 3:3

Wamịnị anịị karakárá tọ́ngọ̄ pẹ́lẹ́apụ ma nnigha, wamịnị wa Tamuno tẹ́ghẹ̄arị ori Tẹ́mẹ́ ḅụ ḅọ́rọ́, pịghị bieḅẹlẹ nyáná wámịna duma Krais Jizọs bie. Wa tẹ́mẹ́ pa ojumẹnị mịẹ mịẹnyẹ ḅụ gbánāgha.

Kolosiapụ 3:10

ịwọ oju ma sua sị árị ḅẹ́ sámámgba ọmịnị iwọarị, ọ pịghị sẹnịarị ḅara ọmịna Tẹ́mẹ́ḅọ nimi ḅụ sị pịghị ọ fịnị ḅara fịnị.