Romapụ 7:5 - Ibani New Testament

⁵ Wamịnị ojumẹnị ḅụ duma kọ sa, ojumẹnị ma tarịarị siinyẹ, ólóghó ma timi saghị nyẹ, fịrịnwangịarị wámịna oju bie, fịị anị mịnanyẹ mamgba dighiḅọ nyẹ.

Romapụ 7:5 ပူးပေါင်းရင်းမြစ်များ

Matiu 15:19

Ḅẹẹ tẹ́mẹ́ ma bie anịị sii kóróma, kị́nị́ḅáa, amadọghụ, yáakuu ḅụ ofori nwángị, fúrú, iruo onyẹ́sẹ, kị́nị́ dughosima.

Ibi Oku Ma Jọn Anị Gịẹ Ḅara 3:6

Ojumẹnị ojumẹnị yiim, kụ́ma Tẹ́mẹ́ ma Tẹ́mẹ́ yiim.

Romapụ 1:26

Túminị́ mịma mịẹm gosi Tamuno nna ḅụ ḅárásim sị nnị nna oju ma tarịarị ḅụ́gịrịrịmanyẹ pịrịm. Ẹ́rẹ́ámáapụ ma sọ nna jẹa ẹ́rẹ́ámáapụ na múnoarị.

Romapụ 3:20

Tamuno toruku gbẹ́rẹ́ḅọ sọ karakáragha ólóghó ma koko ḅụ, ólóghó ma mịẹarịnyẹ anịị mịẹsị túminị́ nimi ḅẹ́ nnị siinyẹ mịẹmam.

Romapụ 4:15

Ólóghó ma Tamuno igani dighi kórómaarị; kụ́ma ólóghó ma ófórigha angaá, ologho kóró so ofori.

Romapụ 5:20

Nnị ólóghó ma pághámaḅom irima mịẹnyẹ sẹ́nị bẹ ḅara. Kuma siiamịẹnyẹ ḅo sẹ́nị sa, Tamuno tọ́rụ́kụrụkụ́rụ́ warị sẹ́nị anị nẹngịma,

Romapụ 6:13

Ọmịnị ọmịna oju gbẹ́rẹ́ angaá sọ saghị sii pịrịma ḅẹ́ nnị anị pa sii fịrị nwángị. Anịmanakaragha ọmịnị nnị fịị ḅụ ḅọ́rọ́ma duma bie suaapụ, ọmịnị ọ ḅụ pa Tamuno pịrị, ọmịnị ọmịna oju gbọrụ mamgba saghị Tamuno pịrị sị nnị anị pa karakárá ibiamịẹnyẹ fịrịnwangị.

Romapụ 6:19

A éné gonyẹ́ gonyẹ́ ḅụ ọ naarị ẹ́gẹ́rẹ́ pa nyẹ pa o diem ọmịna pologha akanyaḅo gosi. Gbẹ́rẹ́sa biri ọmịnị ọmịna ḅụgbọrụ saghị pa ómóniapụ mịẹ ịlọ́lị duma na ólóghó bịpị pughugha duma pịrịm, anị gbẹ́rẹ́ ḅara ma ọmịnị ọmịna ḅụgbọrụ saghị pa ómóniapụ mịẹ karakárá ibiamịẹnyẹ pịrị, tumḅọ dighi mú tọ́ntọ́ duma bie súúarị nyẹ.

Romapụ 6:21

Ọ tẹ́ sọnyẹ nyánáḅọ, mị́sa ọ ḅụgịrịrịmaarị nyẹ ma ḅụ? Ọḅụkụ́nọma fịị anị mịnanyẹ ma dighiḅoarị nyẹ!

Romapụ 6:23

Fịị anịị sii gbẹfịnyẹ, kụ́ma Tamuno diepịrịnyẹ anịị duma gbámásó wámịna Nyánáḅọ Krais Jizọs bie.

Romapụ 7:23

Kụ́ma a jẹ́ ólóghó arịm fịrịnwangịarị nyẹ ị́yẹ́ oju bie, owu pa ikúkúbie miniakị ólóghó ma pághámaarị nyẹ. Anị i mịẹm a ikólinaḅọ sọ pa sii ólóghó ma pịrịm, ị́yẹ́ oju bie fịrịnwangịarị nyẹ.

1 Kọrịntịapụ 15:56

Fịị anị kị́nị́ tẹ́ kụrọ nyánaḅom sii ḅara, sii pịghị anị kụ́rọ nyánaḅom ólóghó ma ḅara.

2 Kọrịntịapụ 10:3

Karakárányẹ ḅẹẹ, wa tuminikiri imi, wa tuminikiriapụ ḅara pa ọ́mụ́gbịgha.

Galesiaapụ 3:10

Kórómáarịapụ ḅẹ́ nnị ine Tamuno na karakárá ḅụ fịnịbẹm ólóghó ma koko ḅụ, mịnaapụ ma sifịla ḅụ anịị nnị duma kọọarị nyẹ. Ḅẹẹ, n gịẹ kórómamam ḅẹ́, si fị́lā fịnị kị́nị́mamgba pịrị, <<Ólóghó Diri ma dughonyẹ mamgba mịẹgha ḅo.>>

Galesiaapụ 5:24

Krais Jizọs ḅụ fịnịapụ ma gonyẹ́ gonyẹ́ nna ojumẹnị na anị tarịarịnyẹ ma ḅamam sị ánị fịị.

Ẹ́fịsọsapụ 2:11

Ọmịnị Juughaapụ nnị o yii sa, o biekóróma ọ fịnị ḅara, ḅọ́rọ́maa sáá, Juuapụ ma <> pa ọ sim, warị tọ́ngọ̄ pẹ́lẹ́apụ pa nna ḅụ siiapụ (mịma anị túminị́ nna oju pa mịẹarịnyẹ).

Ẹ́fịsọsapụ 2:3

Wamịnị mamgba nnị kị́kám, sị wámịna duma kọọ ojumẹnị tarịarịnyẹ ḅụ na pighi wámịna kóróma na wámịna ojumẹnị dọghụnyẹ mịẹ. Wámịna siiamịẹnyẹ ojumẹnị ma fịnị ḅara ma, n tọ ḅọ́rọ́mam ḅẹ́ Tamuno igani wa láabẹm anịị anị pịghị fịnị kị́nị́mamgba pịrị ḅara.

Kolosiapụ 3:5

Anịgosi, mịẹsị anị fịị, tuminikiri ị́yẹ́ duma bie fịnị pụghọ tarịarịnyẹ ma: yáakuu ḅụ ofori nwángị duma, ámánwángị ịlọ́lị duma, ámánwángị pughotarị, siinyẹ pughotarị na oputọrụ mịma sị ḅara sọ́ḅọ́rọ́ susi n kara tamuno pịrị.

Taitọs 3:3

Wamịnị sọ gbẹ́rẹ́sa biri pịghị oḅorisọm, bịpị osigha, nnị wa daa asọ irima. Wa pịghị omoni sọ wámịna ojumẹnị binyẹ gonyẹ́ gonyẹ́ pịrịm. Wa pịghị wámịna duma kọarị sisịbịbie sua ḅụ, jughonyemọni, jẹapụ imi wa ḅẹ́lẹ́maghaapụ, wamịnị sọ n ḅẹlẹmagha.

Jems 1:15

Anịsáa wa pughotarịarị siinyẹ ma fura sa anị sii yiim; sii ḅo sẹ́nị sa, anị fịị dighiḅọ ḅom.

Jems 4:1

Ọ tẹ́ go jụghọ jụghọ na owusọarị pịghị ḅẹ́rẹ́fángálámáarị? Ọmịna ojumẹnị ḅẹlẹma nyẹ anịị sámámgba owusọarị nyẹ́gha ọmịna bie?

1 Jọn 3:4

Siinyẹ mịẹḅọ gonyẹ́ gonyẹ́ Tamuno ólóghó korom tegó siiamịẹnyẹ anịị Tamuno ólóghó bịpị kokogha.