Romapụ 7:23 - Ibani New Testament

²³ Kụ́ma a jẹ́ ólóghó arịm fịrịnwangịarị nyẹ ị́yẹ́ oju bie, owu pa ikúkúbie miniakị ólóghó ma pághámaarị nyẹ. Anị i mịẹm a ikólinaḅọ sọ pa sii ólóghó ma pịrịm, ị́yẹ́ oju bie fịrịnwangịarị nyẹ.

Romapụ 7:23 ပူးပေါင်းရင်းမြစ်များ

Romapụ 6:13

Ọmịnị ọmịna oju gbẹ́rẹ́ angaá sọ saghị sii pịrịma ḅẹ́ nnị anị pa sii fịrị nwángị. Anịmanakaragha ọmịnị nnị fịị ḅụ ḅọ́rọ́ma duma bie suaapụ, ọmịnị ọ ḅụ pa Tamuno pịrị, ọmịnị ọmịna oju gbọrụ mamgba saghị Tamuno pịrị sị nnị anị pa karakárá ibiamịẹnyẹ fịrịnwangị.

Romapụ 6:19

A éné gonyẹ́ gonyẹ́ ḅụ ọ naarị ẹ́gẹ́rẹ́ pa nyẹ pa o diem ọmịna pologha akanyaḅo gosi. Gbẹ́rẹ́sa biri ọmịnị ọmịna ḅụgbọrụ saghị pa ómóniapụ mịẹ ịlọ́lị duma na ólóghó bịpị pughugha duma pịrịm, anị gbẹ́rẹ́ ḅara ma ọmịnị ọmịna ḅụgbọrụ saghị pa ómóniapụ mịẹ karakárá ibiamịẹnyẹ pịrị, tumḅọ dighi mú tọ́ntọ́ duma bie súúarị nyẹ.

Romapụ 7:14

Wa nimim ḅẹ́ ólóghó ma tẹ́mẹ́ ḅụ imi; kụ́ma irị a Tẹ́mẹ́ ḅụ ofori, nnị pa sii dẹrị ómóniḅọ ḅara.

Romapụ 7:21

Anịgo a arịḅom ḅẹ́ mịị ólóghó ma fịrị ḅụ imi: a ibinyẹ mịẹ dọghụ sa, siinyẹ anị torukudaarị nyẹ.

Romapụ 7:25

Imiẹḅa fịnị Tamuno pịrịị, i duaḅọ́rọ́maarịḅọ wámịna Nyánáḅọ Jizọs Krais ḅụ ḅọ́rọ́! Anịgo mị́sa ịrị ịḅụgḅọrụ kúkúbie ngéré anị a pa ine Tamuno ólóghó ma koko bẹnyẹ, ị́yẹ́ ojumẹnị warị sii dighiḅoarị ólóghó ma koko.

Romapụ 7:5

Wamịnị ojumẹnị ḅụ duma kọ sa, ojumẹnị ma tarịarị siinyẹ, ólóghó ma timi saghị nyẹ, fịrịnwangịarị wámịna oju bie, fịị anị mịnanyẹ mamgba dighiḅọ nyẹ.

Romapụ 8:2

Tegó, Krais Jizọs ḅụ ḅọ́rọ́, Tẹ́mẹ́ ólóghó ma duma pịrịarịḅọ, i dụaḅọ́rọ́māmám, sii na fịị ólóghó ma ḅárabie.

Galesiaapụ 5:17

Siiamịẹnyẹ ojumẹnị dọghụnyẹ kịrịm Tẹ́mẹ́ ma dọghụarị nyẹ ḅụ, Tẹ́mẹ́ ma dọghụnyẹ pịghị kịrịm siiamịẹnyẹ ojumẹnị ma ḅụ. Mịná mmẹapụ ma iruonaapụ ḅụ imim, anịgosi ị́ ine ị mịẹ na ibinyẹ mịẹgha.

Hiburuapụ 12:4

O sii na soarị owu, na ọ pa pulo osu nyẹ laagha.

Jems 3:2

Wamịnị mamgba nyẹ mịẹ irima irimam, kụ́ma irimaghaḅọ amịna dugho bịpị ḅụ anị tumḅọ ma anịị kpain ḅo, n ḅọ pịghị n ḅọ oju gbọrụ ma ọlọbẹm.

Jems 4:1

Ọ tẹ́ go jụghọ jụghọ na owusọarị pịghị ḅẹ́rẹ́fángálámáarị? Ọmịna ojumẹnị ḅẹlẹma nyẹ anịị sámámgba owusọarị nyẹ́gha ọmịna bie?

1 Pita 2:11

A ọ tẹ́ghẹ̄m ịyẹa nángwọ́apụ igoniapụ na biaapụ na mị tuminikiri, ọmịnị sa nyána oju bie mẹnị tarịarịnyẹ ma pịrịma, owu pa sámámgba biebẹ duma ma pághámaarị nyẹ.