Romapụ 6:3 - Ibani New Testament

³ Ọ́ kọ́kọ́ ibima nimi ḅẹ́ wa mingi sara sa, wa ọkọ mịẹm wa Krais Jizọs na gbẹ́rẹ́nyẹ mịẹbẹ ḅara, wa mingi sara sa wa ọkọ mịẹm pa die ḅẹ́ wamịnị ori na gbẹ́rẹ́ḅụ ḅụ imi ori fịị ḅụ.

Romapụ 6:3 ပူးပေါင်းရင်းမြစ်များ

Matiu 28:19

Anịgosi ọ sẹ gonyẹ́ gonyẹ́ muu sị nnị pa ị́yẹ́ ọḅụduaapụ mịẹ, mingi pa n saraarị Daḅọ ma ẹ́rẹẹ́ ḅụ, na pịghị Tụwọ ma ẹ́rẹ́ ḅụ na pịghị Tọ́ntọ́ Tẹ́mẹ́ ma ẹ́rẹ́ ḅụ.

Fịrị Ḅara 19:5

Nnị mịma náa sa, n warị mingi pa n sárá Kị́nị́nyánáḅọ Jizọs Krais ẹrẹ ḅụ.

Fịrị Ḅara 2:38

Pita warị nnị ḅẹẹ, <<Ọ́rụ́ḅọ ọ́rụ́ḅọ amịna sii ḅụ pịghị sị mingi sara Jizọs Krais ẹ́rẹ́ ḅụ sị, siiḅụḅarasipịrị nyáná, anịsáa, ọ Tamuno dienyẹ ma nyánábẹm, Tọ́ntọ́ Tẹ́mẹ́ ma.

Fịrị Ḅara 8:16

Anịsáa ma ḅụ Tọ́ntọ́ Tẹ́mẹ́ ma na gbẹ́rẹ́ḅọ sọ, ḅụ kórógha. Jizọs Krais ẹrẹ ngéré ḅụ anị n mingi sara nyẹẹ.

Romapụ 6:16

Ọmịnị o nimigha ḅẹ́, ọmịnị ọmịna ḅụ pa jụghọ pịrị sa soḅọ́rọ́ n ḅọ ómóniḅọ sị n ḅọ bịpị pughu, ọmịnị omoni sọ ọ bịpị pughu nyánáḅọ ma pịrịmam ḅọ́rọ́ ọmịnị omoni sọ sii pịrị, fịị dighiḅoarị nyẹ anịgha Tamuno bịpị pughu mịẹsị tumḅọ na Tamuno na karakárá ḅụ ḅụ fịnị.

Romapụ 6:8

Wa Krais dua fịịmaá ḅara ma, wa mininim ḅẹ́ wa pịghị ori na duma fịnịbẹm.

Romapụ 7:1

Ịyẹa amịnáapụ, a dugho dọghụnyẹ ma ọmịnị akanyaḅobẹm tegó ọmịnị ólóghó ma nimim, ḅẹ́ ólóghó ma kụ́rọ nyánam tumḅọ dumafịnị sa gonyẹ́ gonyẹ́.

1 Kọrịntịapụ 10:2

Anị fịnị ḅara sọ́ḅọ́rọ́ nnị oḅuto ma na tọ́rụ́ ma na pa mingi pa n saram Mosis ọḅụduaapụ ḅara.

1 Kọrịntịapụ 12:13

Anị gbẹ́rẹ́ ḅara ma, wamịnị kị́nị́mamgba ḅọ́rọ́ Juuapụ anịgha Juughaapụ, ómóniapụ anịgha ḅara na nna sịbị nyánáapụ, mị gbẹ́rẹ́ Tẹ́mẹ́ ma mingi pa wa sara mị gbẹ́rẹ́ oju ma ḅụ suumam, Tamuno anị gbẹ́rẹ́ Tẹ́mẹ́ ma pa wamịnị kị́nị́mamgba tẹ́mẹ́bie suamam.

1 Kọrịntịapụ 15:29

Mị́sa ḅọ́rọ́ fịị ḅụ saghị ofori, mịnaapụ ma n tẹ́ mịẹbẹ n fịịmaapụ gosi mingi pa saraapụ? Ḅọ́rọ́ fịịapụ nnị n saghịma duma ḅụ suugha, n tegósi nna sịbị go mingi pa kị́nị́ sáraarị?

1 Kọrịntịapụ 3:16

Tụ́mányẹẹ ọ nimim ḅẹẹ ọmịnị Tamunowarị Tamuno Tẹ́mẹ́ pịghị ọmịna ḅụbie ngam.

1 Kọrịntịapụ 5:6

Ị́yẹ́ bịpịkpọ ma ibighaa, ọ mịị kaḅụ ma nimigha dughonyẹ ḅẹẹ, kálá yisti tụ́wọ anịị fịtúrú kpo ma gbọrụ sughumaarị nyẹ?

1 Kọrịntịapụ 6:19

O nimigha mọ ḅẹ́ ọmịna oju anị Tọ́ntọ́ Tẹ́mẹ́ ma Tamuowárị, ọmịna bie ngaaḅọ, Tamun pịghị pa ọ pịrịḅọ? Ọmịnị ọmịna ḅụ nyánágha kụ́ma Tamuno anịị ọ nyánányẹ.

1 Kọrịntịapụ 6:9

O nimigha ḅẹẹ siinyẹ mịẹarịapụ ma Tamuno amadakiri ma nyánáḅobịgha, ọmịnị oḅori pa ọ ḅụ sima, n kárányẹ tẹ́ghẹ̄arịapụ, anịgha yáakuu ḅụ ofori nwángị kọ́arịapụ anịgha amịna jẹ́ owiapụ na munoarịapụ

1 Kọrịntịapụ 9:13

Ọ kọkọ nimi ḅẹẹ Tamunowárịbie fịrịnwangịarịapụ nna fị́nyẹ nyanaḅoarị Tamunowarị ma bie, ẹ́bẹ ọgọnọ agbaa mịẹarịapụ ma sọ diekiri nyánam n mịẹarị agbaa ma bie.

1 Kọrịntịapụ 9:24

Ọ kọkọ nimi ḅẹẹ mangị ti ma ḅụ, tọghaapụ mangịm kụ́ma gbẹ́rẹ́ḅọ anịị dienyẹ ma nyánákịarịḅọ. Anịgosi mangịị sị i dienyẹ ma nyánáakị ḅo bẹ ḅara.

2 Kọrịntịapụ 13:5

Ọmịnị ọmịna ḅụ pa daádighi ma ḅụ sua ọ ḅẹ́rẹ́kọ ọmịna ḅụ pịrị, sị o nimi bẹ ḅara ọ ḅọ́rọ́ pa minini ma ḅụ duma kọọarị. Ọmịnị árịbẹm ḅẹ́ Jizọs Krais ọmịna bie ḅụ imii, ḅọ́rọ́ ọmịnị epeletigha tigha ḅẹ́ ọmịnị ọ ḅụ mininim.

Galesiaapụ 3:27

Ọmịnị kị́nị́mamgba o mingi saramam sị o Krais na gbẹ́rẹ́ ḅụ ḅụ fịnị, mị́sa n Krais duma pa ọ́ suamam sọ́ḅọ́rọ́ ọmịna suabịtẹ.

Jems 4:4

Ọmịnị ine Tamuno na sẹghaapụ, o nimigha ḅẹ́ tuminikiri ma na nangwọ sọọ anịị Tamuno na iruonaḅọ mịẹ? Dọghụḅọ gonyẹ́ gonyẹ́ ḅẹ́ n ḅọ tuminikiri na nangwọ sọọ, Tamuno iruonaḅọ sọmam.

1 Pita 3:21

Mị́ị́ mingi ma sẹ mingi sara pịrịm anị ḅụ ḅọ́rọ́ ọmịnị mị́sa dụaḅọ́rọ́ma nyánam. Mingi sara ma anị pápá ịlọ́lị sịrịsigha oju ḅụ. Anịma anịị ọmịnị ọmịna tẹ́mẹ́bie pa mini Tamuno pịrịnyẹ, ịlọ́lị ọmịna tẹ́mẹ́bie ófórigha ḅụ. Túminị́ mingi sara ḅụ ḅọ́rọ́ dụaḅọ́rọ́ma nyánam Jizọs Krais fịị ḅụ saghị gosi.