Romapụ 6:23 - Ibani New Testament

²³ Fịị anịị sii gbẹfịnyẹ, kụ́ma Tamuno diepịrịnyẹ anịị duma gbámásó wámịna Nyánáḅọ Krais Jizọs bie.

Romapụ 6:23 ပူးပေါင်းရင်းမြစ်များ

Matiu 25:46

<>

Ibi Oku Ma Jọn Anị Gịẹ Ḅara 10:28

A duma gbámásó pa n pịrịm n pịghị jẹ́ éné jẹ́ éné fịị faábịgha; gbẹ́rẹ́ḅọ sọ ine nnị pughoakịbịgha i ḅarabie.

Ibi Oku Ma Jọn Anị Gịẹ Ḅara 17:2

I tuminikiri fịnịapụ mamgba pa o sughubie suam sị ọ gbámásó duma pa ị pa ọ pịrịapụ mamgba pịrị.

Ibi Oku Ma Jọn Anị Gịẹ Ḅara 3:36

Tụwọ ma ḅụ mininiḅọ gonyẹ́ gonyẹ́ duma gbámásó nyánam, kụ́ma Tụ́wọ ma sịghịḅọ gonyẹ́ gonyẹ́ duma arịbịgha, ḅẹ́ Tamuno igani fịnị n ḅọ pịrịm.>>

Ibi Oku Ma Jọn Anị Gịẹ Ḅara 4:14

kụ́ma a pịrịbẹ mingi ma ḅuu ḅọ gonyẹ́ gonyẹ́ n ḅo pụghọ mịnị jẹ́ pa sámụ́nọbịgha. A pịrị ḅuu bẹ mingi karakáráma mingi du igbe dighibẹm n ḅo bie, sẹnị sị duma gbámásó pịrịbẹnyẹ.>>

Ibi Oku Ma Jọn Anị Gịẹ Ḅara 4:36

Mị́sa ori duasughuarịḅọ ma gbẹ́nyẹ nyanaḅoarị, n ḅọ pịghị sịịmgbọlụ kobiri pa duma gbámásó pịrịarị, sị dụadipiḅọ na pịghị ori duasughuḅọ nnị mamgba bieḅẹlẹ dụrụkụbẹm.

Ibi Oku Ma Jọn Anị Gịẹ Ḅara 5:24

<

Ibi Oku Ma Jọn Anị Gịẹ Ḅara 6:27

Fịrịnwangị síi bẹ fị́nyẹ ma pịrịma kụ́ma fịrịnwangị fịnị muu gbámásó duma láa bẹnyẹ pịrị, Tumḅọ yii Tụwọ ma pa ọ pịrịbẹnyẹ, tegó ori ma anịị Tamuno Daḅọ ma ḅara pụnụ pịrịmaá ḅọ pa die ḅẹ́ ori anịị kụ́rọ pa ọ pịrịḅọ.>>

Ibi Oku Ma Jọn Anị Gịẹ Ḅara 6:40

Ḅẹẹ Daḅọ ma binyẹ anịị tọ́rụ pa Tụ́wọ ma dighiḅọ gonyẹ́ gonyẹ́ sị ọ minini duma gbámásó nyánábẹm, a pịghị n ḅọ saghịmabẹm kunema éné ma ḅụ.>>

Ibi Oku Ma Jọn Anị Gịẹ Ḅara 6:68

Saimọn Pita ọ pagharam, <

Romapụ 1:32

Nnị nimim Tamuno ologho ma dughonyẹ ḅẹẹ, nwọfịnị duma kọọapụ fịị anịị nnị na gbẹ́ẹ̄ nyẹ, anị so n pa anịma nẹ́ngịma siiamịẹnyẹ mịẹarị, pịghị anị siiamịẹnyẹ ma miẹrịapụ túminíarị.

Romapụ 2:7

Jẹ́apụ ibinyẹ mịẹmịẹ tórúku mú ḅụ boma na kuu na gbámásó duma bim, nnị ma Tamuno duma gbámásó pa n pịrịbẹm.

Romapụ 5:12

Sii gbẹ́rẹ́ owitụ́wọ ḅụ ḅọ́rọ́ tuminikiri ma sọm, ori sii ma pịghị fịị akuom. Anịgosi fịị tuminikiri gbọrụ mamgba agbam, tegó kị́nị́mamgba siinyẹ mịẹmam.

Romapụ 5:17

Karakárányẹ ḅẹẹ gbẹ́rẹ́ owitụ́wọ sii ḅụ ḅọ́rọ́, fịị saghị ámá kánámam sị sẹ gonyẹ́ gonyẹ́ taa, gbẹ́rẹ́ owitụ́wọ ma gosi. Kụ́ma gbẹ́rẹ́ owitụ́wọ Jizọs Krais ine anịma nẹ́ngịma nyẹ mịẹm. Tamuno mánámāná tọ́rụ́kụrụkụ́rụ́ ma daakịapụ gonyẹ́ gonyẹ́, igbii gbẹ́gha ḅụ karakárá ibiamịẹnyẹapụ sọm, mịnaapụ ma duma ḅụ sọ́ḅáapụ sọ́bẹm Krais ḅụ ḅọ́rọ́.

Romapụ 5:21

kunema, sii fịị kụ́rọ pa túminị́ taa ḅara ma, anị gbẹ́rẹ́ ḅara ma Tamuno ma tọ́rụ́kụrụkụ́rụ́ ma taám, karakárá ibiamịẹnyẹ ḅụ, sị wamịnị akuoo duma gbámásó bie suu wámịna Nyánáḅọ Jizọs Krais ḅụ ḅọ́rọ́.

Romapụ 6:16

Ọmịnị o nimigha ḅẹ́, ọmịnị ọmịna ḅụ pa jụghọ pịrị sa soḅọ́rọ́ n ḅọ ómóniḅọ sị n ḅọ bịpị pughu, ọmịnị omoni sọ ọ bịpị pughu nyánáḅọ ma pịrịmam ḅọ́rọ́ ọmịnị omoni sọ sii pịrị, fịị dighiḅoarị nyẹ anịgha Tamuno bịpị pughu mịẹsị tumḅọ na Tamuno na karakárá ḅụ ḅụ fịnị.

Romapụ 6:21

Ọ tẹ́ sọnyẹ nyánáḅọ, mị́sa ọ ḅụgịrịrịmaarị nyẹ ma ḅụ? Ọḅụkụ́nọma fịị anị mịnanyẹ ma dighiḅoarị nyẹ!

Romapụ 8:13

Ḅẹẹ ọ duma kọ ọmịna ojumẹnị ma dọghụarị ḅara, ọ fị́ị́bẹm; kụ́ma ḅọ́rọ́ ọ Tẹ́mẹ́ ḅụ ọmịnị ojumẹnị siiamịẹnyẹ ma ḅa nḅẹḅẹ́ o dumabẹm.

Romapụ 8:38

A nimitẹ́lẹ́mam ḅẹ́ gbẹ́rẹ́nyẹ sọ wa fófóomabịgha ori ḅụ fịnịnyẹ, anịgha ḅẹlẹma ḅụ ḅọ́rọ́: fịị sọ anịgha duma, anịgha sookumuapụ, anịgha sobie ẹ́kpẹ́dua, anịgha mị́sa ma túminị́ kụrọnyanáapụ, mịị sa ma ḅụ anịgha ḅo bẹ sa,

Romapụ 8:39

anịgha ọgọnọ ju anịgha póghóló yọ, anịgha tuminikiri nnị tẹ́mẹ́nyẹ gonyẹ́ gonyẹ́ ine wa fófóomabịgha Tamuno ma ḅẹlẹma ḅụ, wa nyánányẹ Krais Jizọs wámịna Nyánáḅọ ḅụ ḅọ́rọ́.

Romapụ 8:6

Ojumẹnị ma ḅẹrẹtọ pịrị fịị dighiḅọ ḅom; Tẹ́mẹ́ ma ḅẹrẹtọ pịrị duma na diin dighiḅọ dighiḅom.

Galesiaapụ 3:10

Kórómáarịapụ ḅẹ́ nnị ine Tamuno na karakárá ḅụ fịnịbẹm ólóghó ma koko ḅụ, mịnaapụ ma sifịla ḅụ anịị nnị duma kọọarị nyẹ. Ḅẹẹ, n gịẹ kórómamam ḅẹ́, si fị́lā fịnị kị́nị́mamgba pịrị, <<Ólóghó Diri ma dughonyẹ mamgba mịẹgha ḅo.>>

Taitọs 1:2

mịị karakárá ma ḅụ ḅọ́rọ́ túminị́ tọ́rụ́ dighinyẹ nyánam gbámásó duma nyáná ḅụ, Tamuno ine epeletibịghaḅọ ma mị duma minini wa pịrịm tuminikiri na saghịgha sa,

Jems 1:15

Anịsáa wa pughotarịarị siinyẹ ma fura sa anị sii yiim; sii ḅo sẹ́nị sa, anị fịị dighiḅọ ḅom.

1 Jọn 2:25

Mịma anị Krais minininyẹ ḅẹ́ ọ pa wa pịrịbẹm duma gbámásó.

Puu Findi 21:8

Kụ́ma ḅáláfaapụ, mininighaapụ, pilemaapụ, kị́nị́ ḅáapụ, yáakuu ḅụ ofori nwángị kọọarịapụ, tọ́rụ́kịrịkị́rị́ dirikọ́rịapụ, susi n kárányẹ pịrịrịarịapụ, na iruonyẹ dughoapụ mamgba nna fịnị yọ anịị ọpọlịḅuruma pa dọghụarị kọrịfịnị ésiḅe ma, anịị mmẹẹ́ kárámá fịị ma.>>