Romapụ 6:21 - Ibani New Testament

²¹ Ọ tẹ́ sọnyẹ nyánáḅọ, mị́sa ọ ḅụgịrịrịmaarị nyẹ ma ḅụ? Ọḅụkụ́nọma fịị anị mịnanyẹ ma dighiḅoarị nyẹ!

Romapụ 6:21 ပူးပေါင်းရင်းမြစ်များ

Romapụ 1:32

Nnị nimim Tamuno ologho ma dughonyẹ ḅẹẹ, nwọfịnị duma kọọapụ fịị anịị nnị na gbẹ́ẹ̄ nyẹ, anị so n pa anịma nẹ́ngịma siiamịẹnyẹ mịẹarị, pịghị anị siiamịẹnyẹ ma miẹrịapụ túminíarị.

Romapụ 5:12

Sii gbẹ́rẹ́ owitụ́wọ ḅụ ḅọ́rọ́ tuminikiri ma sọm, ori sii ma pịghị fịị akuom. Anịgosi fịị tuminikiri gbọrụ mamgba agbam, tegó kị́nị́mamgba siinyẹ mịẹmam.

Romapụ 6:16

Ọmịnị o nimigha ḅẹ́, ọmịnị ọmịna ḅụ pa jụghọ pịrị sa soḅọ́rọ́ n ḅọ ómóniḅọ sị n ḅọ bịpị pughu, ọmịnị omoni sọ ọ bịpị pughu nyánáḅọ ma pịrịmam ḅọ́rọ́ ọmịnị omoni sọ sii pịrị, fịị dighiḅoarị nyẹ anịgha Tamuno bịpị pughu mịẹsị tumḅọ na Tamuno na karakárá ḅụ ḅụ fịnị.

Romapụ 6:23

Fịị anịị sii gbẹfịnyẹ, kụ́ma Tamuno diepịrịnyẹ anịị duma gbámásó wámịna Nyánáḅọ Krais Jizọs bie.

Romapụ 7:5

Wamịnị ojumẹnị ḅụ duma kọ sa, ojumẹnị ma tarịarị siinyẹ, ólóghó ma timi saghị nyẹ, fịrịnwangịarị wámịna oju bie, fịị anị mịnanyẹ mamgba dighiḅọ nyẹ.

Romapụ 8:13

Ḅẹẹ ọ duma kọ ọmịna ojumẹnị ma dọghụarị ḅara, ọ fị́ị́bẹm; kụ́ma ḅọ́rọ́ ọ Tẹ́mẹ́ ḅụ ọmịnị ojumẹnị siiamịẹnyẹ ma ḅa nḅẹḅẹ́ o dumabẹm.

Romapụ 8:6

Ojumẹnị ma ḅẹrẹtọ pịrị fịị dighiḅọ ḅom; Tẹ́mẹ́ ma ḅẹrẹtọ pịrị duma na diin dighiḅọ dighiḅom.

2 Kọrịntịapụ 4:2

Wa ḅọghu na pịghị ḅụ́gịrịrịma fịrị mamgba sịghịmam, anịmanakaragha wa karakárá mamgba dughom túminị́ tórúku anị fịnị na ibiḅara, sị túminị́ wa nimi bẹ ḅara, pịghị nimi nna tẹ́mẹ́bie ḅẹ́ wa kọọ ẹ́gẹ́rẹ́ ma karakárányẹ Tamuno tórúku.

2 Kọrịntịapụ 7:11

Dighi Tamuno ọmịna biesii ma pa mịẹnyẹ, anị mịẹsị ọ saghị nyẹ́ pa nyẹ́ simam anị ọ pụghọ tárịarị ḅara ḅẹẹ o die ḅẹẹ ọmịna ḅara fiafiam, ọkọfịnị igani, ọkọfịnị silé ọkọfịnị pụghọ tárịarị nyẹ, ọkọfịnị fịrịnwangị ịnyọ, ọkọfịnị tọ́rụ́ pa siiarịma irima nyẹ pịrị. Nyẹ gonyẹ́ gonyẹ́ ḅụ ọmịnị ọmịna ḅụ diemam ḅẹẹ irima ọmịna ḅụ ofori ḅẹ́rẹ́ mamgba ḅụ.

Filipaiapụ 3:19

Kọ́rịfịnị anịị nna kunema, tegó nna kálá Tamuno anịị nna fúro, n pa ḅụ́gịrịrị bẹnyẹ anịị n pa bịbịkpọarị nyẹ, mị tuminikiri gbolomanyẹ gonyẹ́ gonyẹ́ anịị n sịbịbie kịẹ pịrịarịnyẹ.

Hiburuapụ 10:29

Anị tọ́rọ fịnị n pịrịbẹ, Tamuno Tụ́wọ ma dighisima ḅọ? Si ori ọmbịnyẹ́ ọḅọọ ma pa papanyẹ mịẹ, sii ḅụ n siri pághámaḅo nyẹ, tọ́rụ́kụrụkụ́rụ́ Tẹ́mẹ́ ma wiri ḅọ. Sịbịbie kịẹ anị pịrị n ḅo árị bẹ tọ́rụ́siarị la bẹ ḅara.

Hiburuapụ 6:8

Kụ́ma anị ḅọ́rọ́ nangi na owi ányị́nyá pághámaḅo nḅẹḅẹ́, anị ḅẹnyẹ ḅẹnyẹ ḅụ ofori, anị Tamuno si fị́lā pa pịrị ḅẹnyẹ sọ́bẹm si kunema nnị fịnị pa anị dọ́ghụ́ma.

Jems 1:15

Anịsáa wa pughotarịarị siinyẹ ma fura sa anị sii yiim; sii ḅo sẹ́nị sa, anị fịị dighiḅọ ḅom.

Jems 5:20

ọ mịma pa biekóróma: siiamịẹnyẹ ḅo daa, karakárá asọ ma sọ ḅọ gonyẹ́ gonyẹ́ anị sii tumḅọ ma tẹ́mẹ́ duaḅọ́rọ́mabẹm fịị ḅarabie, n ḅọ pịghị tọgha tọgha siiḅụḅarasipịrị akuobẹm.

1 Pita 4:17

Sa lámam ḅẹ́rẹ́kọ saghị bẹ sa. Tamuno awọ ma sịbị anịị n saghị ḅẹ́rẹ́kọ bẹnyẹ; anị ḅọ́rọ́ wamịnị na saghị saghị, anị tọrọ́ pa Tamuno ibi oku ma mininighaapụ ma na kunema bẹ.

1 Jọn 2:28

Pịghị mị́sa, ị́yẹ́ ibi awọ, ọmịnị ọ nana gbẹ́rẹ́ ḅụ ḅụ fịnị, si ori ọ ḅụ diepágháma bẹ sa, wa tẹ́mẹ́kụ́rọ nyánábẹm si téghelébịgha ḅara sị mú ḅọghu ori ḅo ma ḅụ.

Puu Findi 16:6

Nnị Tamuno túminị́ ma na ikiakoroapụ ma ọmbịnyẹ́ ọsụsaram, anịgosi ịrị ọmbịnyẹ́ pa n pịrịmam si n ḅuu. Nnị n láa na ibi gbẹfịnyẹ nyanaḅoarị!>>

Puu Findi 20:14

Anịsáa fịị na duaama ma nnị n gbi pa kọrịfịnị ésiḅe ma ḅụ gbi suam (Mịị kọrịfịnị ésiḅe ma anịị mmẹẹ́ kárámá fịị ma).