Romapụ 6:14 - Ibani New Testament

¹⁴ Sii mịnị ọmịna nyánáḅọ sọbịgha, tegó ọmịnị ólóghó ma sughubie ofori kụ́ma tọ́rụ́kụrụkụ́rụ́ bie.

Romapụ 6:14 ပူးပေါင်းရင်းမြစ်များ

Matiu 1:21

Árị owitụ́wọ yiibẹm, Jizọs anịị i pa ọ sịịbe ẹ́rẹ́, tegó, ori ọrẹ a túminị́ duaḅọ́rọ́mabẹm nna sii ḅụ.>>

Ibi Oku Ma Jọn Anị Gịẹ Ḅara 1:14

Ẹ́gẹ́rẹ́ ma ḅo tumḅọ sọm sị wamịnị na ngaa. Wamịnị ori ipine árịmam, Daḅọ ma ḅara sághị ḅo Kpọ́kpọ́ gbẹ́rẹ́ḅọ tọ́rụ́kụrụkụ́rụ́ na karakárá ḅụ bi ḅo.

Ibi Oku Ma Jọn Anị Gịẹ Ḅara 1:17

Tamuno ólóghó ma Mosis ḅara sághịḅom, kụ́ma tọ́rụ́kụrụkụ́rụ́ na karakárá Jizọs Krais ḅara sághịḅom.

Ibi Oku Ma Jọn Anị Gịẹ Ḅara 8:36

Anịgo ḅọ́rọ́ Tụ́wọ ma i dụaḅọ́rọ́ma, ị karakáráma dụaḅọ́rọ́ma nyánam.

Romapụ 11:6

Tamuno túminị́ sẹlẹakiarị ori tọ́rụ́kụrụkụ́rụ́ ḅụ ḅọ́rọ́, nnị nwángị fịrị ḅụ ofori, anị ḅọ́rọ́ nna fịrị ḅụ ḅọ́rọ́, tọ́rụ́kụrụkụ́rụ́ mịnị tọ́rụ́kụrụkụ́rụ́bịgha.

Romapụ 4:16

Mịma go mini pịrịnyẹ́ ma minini ḅụ saghịḅom, túminị́ árị bẹ ḅara ḅẹ́ mini pịrịnyẹ́ ma anịị Tamuno ḅara saghị ḅo diepịrịnyẹ, ọmịnị pa Ebraham furobie págháḅoapụ mamgba pịrịm, ólóghó ma kokoapụ ngéréghaa, kụ́ma Ebraham minini ḅara pa mininiapụ. Tegó Ebraham anịị wamịnị kị́nị́mamgba daa.

Romapụ 5:17

Karakárányẹ ḅẹẹ gbẹ́rẹ́ owitụ́wọ sii ḅụ ḅọ́rọ́, fịị saghị ámá kánámam sị sẹ gonyẹ́ gonyẹ́ taa, gbẹ́rẹ́ owitụ́wọ ma gosi. Kụ́ma gbẹ́rẹ́ owitụ́wọ Jizọs Krais ine anịma nẹ́ngịma nyẹ mịẹm. Tamuno mánámāná tọ́rụ́kụrụkụ́rụ́ ma daakịapụ gonyẹ́ gonyẹ́, igbii gbẹ́gha ḅụ karakárá ibiamịẹnyẹapụ sọm, mịnaapụ ma duma ḅụ sọ́ḅáapụ sọ́bẹm Krais ḅụ ḅọ́rọ́.

Romapụ 5:18

Anịsa gbẹ́rẹ́ sii ḅẹ́rẹ́kọ dighiḅọ kị́nị́mamgba pịrị ḅara, anị gbẹ́rẹ́ ḅara ma gbẹ́rẹ́ karakárá ibiamịẹnyẹ fịrị kị́nị́mamgba ḅara ḅẹ́rẹ́ibimam sị duma pa nnị pịrịị.

Romapụ 6:12

Anịgosi ọ minima sị sii kụ́rọ nyáná ọmịna fịị bẹ ojumẹnị ma pịrị, sị anị tarị siinyẹ gonyẹ́ gonyẹ́ mịẹ.

Romapụ 6:15

Anịsa, wa tẹ́ dugho bẹ? Wa pa siinyẹ mịẹbẹ, wa ólóghó sughubie ofori gosi kụ́ma Tamuno tọ́rụ́kụrụkụ́rụ́ ḅụ? Ọkọfịnị nyẹ ofori!

Romapụ 8:12

Anịsọ, iyẹ́a mịnaapụ, wa sáá ọlọm wa duma kọ́be ḅara, wa duma kọbịgha wámịna ojumẹnị bi ḅara.

Romapụ 8:2

Tegó, Krais Jizọs ḅụ ḅọ́rọ́, Tẹ́mẹ́ ólóghó ma duma pịrịarịḅọ, i dụaḅọ́rọ́māmám, sii na fịị ólóghó ma ḅárabie.

Galesiaapụ 3:23

Kụ́ma minini ma na ḅo laagha sáá, ólóghó ma wamịnị kị́nị́mamgba ikasim ikólinaapụ ḅara, akị mú minini anị ḅụ die sa láa.

Galesiaapụ 4:21

Dugho i pịrị, ọmịnị ólóghó ḅara ḅụụ ngá dọghụapụ, ólóghó ma dughonyẹ ọ naagha?

Galesiaapụ 5:18

Kụ́ma ḅọ́rọ́ Tẹ́mẹ́ ma ị daa múuarị sa ị mịnị ólóghó sughubie oforii.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Hiburuapụ 8:10

Kị́nị́nyánáḅọ ḅẹ́m ḅẹẹ mị́sa mị anị a Izirẹlịawọ na fị bẹ ọḅọọ, ḅoarị sáá, a ị́yẹ́ ólóghó pa nna kúkúbie suabẹm. A pịghị nna tẹ́mẹ́bie ḅụ gịẹ kórómabẹm. Ịrị nna Tamuno sọ́bẹm nnị pịghị ịyẹa túminị́ sọ́bẹm.